22-Dec-2021

କଣ୍ଟାବାଞ୍ଜି(ଆନନ୍ଦ ମୋଟେ) ::  ମାଲକାନଗିରିର କାର୍ଯ୍ୟରତ ୫ ସାମ୍ବାଦିକଙ୍କୁ ଗିରଫ ଘଟଣା ପ୍ରତିବାଦ । କଣ୍ଟାବାଞ୍ଜି ପ୍ରେସ୍‌ କ୍ଲବ ପକ୍ଷରୁ ଏହି ପ୍ରତିବାଦ କରାଯାଇଛି । ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଏକ ଦାବି ପତ୍ର ମଧ୍ୟ ଦେଇଛନ୍ତି ।  ଖବର ଅନୁଯାୟୀ, କଣ୍ଟାବାଞ୍ଜି ପ୍ରେସ କ୍ଲବ ସଭାପତିଙ୍କ ପ୍ରଭଜିତ ସିଂ ସାଲୁଜାଙ୍କ ନେତୃତ୍ୱରେ ସାମ୍ବାଦିକ ମାନେ ଏକତ୍ରିତ ହୋଇ ତହସିଲ ଅଫିସ ପହଞ୍ଚିଥିଲେ । ସେଠାରେ ଗିରଫ ସାମ୍ବାଦିକଙ୍କୁ ଶିଘ୍ର ଖଲାସ କରିବା ସହ ତାଙ୍କ ନାଁରେ ହୋଇଥିବା ମାମଲାକୁ ପ୍ରତ୍ୟାହୃତ କରିବାକୁ ଦାବି କରାଯାଇଥିଲା ।ଏହା ସହ ପୁଲିସ ତରଫରୁ ସାମ୍ବାଦିକ ମାନ ଙ୍କ ଉପରେ ମିଥ୍ୟା ମାମଲା ରୁଜୁ କରୁଥିବା କୁ ନିନ୍ଦା କରାଯାଇଛି, ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦିଆଯାଇଛି । ଦାବିପତ୍ର ଦେବା ସମୟରେ ପ୍ରେସ କ୍ଲବ କାର୍ଯ୍ୟକାରୀ ସଭାପତି ସୁରଦାସ ବାଗ, ଉପସଭାପତି ରଶ୍ମି ରଞ୍ଜନ ପୁଟେଲ, ମନୋଜ ଶର୍ମା, ସହ ସମ୍ପାଦକ ଦୀପକ କୁମାର ଦାସ ୟାଦବ, ପରାମର୍ଶ ଦାତା ଆନନ୍ଦ ମୋଟେ, ସଦସ୍ୟ ଯୁଗଳ କିଶୋର ଶବର, ବିଶିକେଶନ ମାଝୀ, ରୋହନ ମହତ, ଜଗମୋହନ ତାଣ୍ଡି, ବିକାଶ ମିତ୍ତଳ ପ୍ରମୁଖ ଉପସ୍ଥିତ ଥିଲେ ।