22-Dec-2021

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଳକ ଅନ୍ତର୍ଗତ ଠେମରା ପଞ୍ଚାୟତ ସରପଞ୍ଚ ଙ୍କ ସ୍ବାମୀ ଲକ୍ଷ୍ମୀକାନ୍ତ ବାଗ ମନରେଗା କାମ ପାଇଁ ଲାଞ୍ଚ ନେଉଥିବା ଭିଡିଓ ଭାଇରାଲ ହୋଇଥିଲା। ବିଭିନ୍ନ ଗଣମାଧ୍ୟମ ରେ ଏ ବିଷୟରେ ଖବର ପରିବେଷଣ ପରେ ବ୍ଲକ ପ୍ରଶାସନ ଏକ ତଦନ୍ତ କାରୀ ଟିମ ଗଠନ କରି ଠେମରା ପଞ୍ଚାୟତ କୁ ପଠାଇଥିଲେ। ତଦନ୍ତ ପରେ ବ୍ଲକ ପ୍ରଶାସନ କନିଷ୍ଠ ଯନ୍ତ୍ରୀ ଜୟ ନାରାୟଣ ବାଗ, ପିଇଓ ସତ୍ଯ ଘିବେଲା, ଜିଆରଏସ ଡମୃ ତାଣ୍ଡି ଙ୍କୁ ଠେମରା ପଞ୍ଚାୟତ ରୁ ଅପସାରଣ କରିଛି । ଏହାକୁନେଇ ମଙ୍ଗଳବାର ସିନ୍ଧେକେଲା ମଣ୍ଡଳ ବିଜେପି ସଭାପତି ମୁନିରାମ ନାଗ ଙ୍କ ନେତୃତ୍ବ ରେ ବହୁ ବିଜେପି କର୍ମୀ ବଲାଙ୍ଗୀର ଜିଲ୍ଲାପାଳ ଙ୍କ ଉଦ୍ଦେଶ୍ଯ ରେ ବଙ୍ଗୋମୁଣ୍ଡା ବିଡିଓ ରିପୁନାଥ ସୁନା ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ଏବଂ ବ୍ଲକ ପ୍ରଶାସନ କେବଳ ଅପସାରଣ କରିଥିବାରୁ ତାଙ୍କ ବିରୁଦ୍ଧ ରେ ଭିଜିଲାନ୍ସ ତଦନ୍ତ ତଥା ତାଙ୍କୁ ତୁରନ୍ତ ବହିଷ୍କାର କରିବାପାଇଁ ଦାବି କରିଛନ୍ତି। କିଛି ମାସ ତଳେ ବଙ୍ଗୋମୁଣ୍ଡା ବ୍ଲକ ଅର୍ସାତୁଲା ପଞ୍ଚାୟତରେ ବିନା ଫାଇଲ ରେ ଏକ ପୋଖରୀ କାର୍ଯ୍ୟ ହେଉଥିବା ଅଭିଯୋଗ ପାଇ ନିଜେ ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ମହାନନ୍ଦ କାମ ହେଉଥିବା ସ୍ଥାନ କୁ ପହଞ୍ଚି ସରଜମୀନ ତଦନ୍ତ କରିଥିଲେ । ସେ ସମୟରେ ମଧ୍ଯ ଯନ୍ତ୍ରୀ ଏହି ଜୟ ନାରାୟଣ ବାଗ ହିଁ ଥିଲେ । ଏବଂ ସେ ସମୟରେ ବ୍ଲକ ପ୍ରଶାସନ ଏହି କାମ ବିଷୟରେ ଜାଣି ନ ଥିବା କହିଥିଲା ବେଲେ ଏବେ ଶୁଣିବାକୁ ମିଳୁଛି ସେହି କାମର ବିଳ ମଧ୍ଯ ପାସ ହୋଇ ଯାଇଛି । ତେଣୁ ତୁରନ୍ତ ଏହି କର୍ମଚାରୀମାନଙ୍କ ବିରୁଦ୍ଧ ରେ ଠୋସ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନତୁବା ଆଗାମୀ ଦିନରେ ଆମ୍ଭେ ବ୍ଲକ ଅଫିସ ଘେରାଉ କରିବୁ ବୋଲି ଦାବିପତ୍ର ରେ ଉଲ୍ଲେଖ କରିଥିବା ସୁଚନା ମିଳିଛି। ଅନ୍ୟମାନଙ୍କ ମଧ୍ଯରେ ବଙ୍ଗୋମୁଣ୍ଡା ମଣ୍ଡଳ ସଭାପତି କ୍ଷୀରସିନ୍ଧୁ ବଛା, ବଲାଙ୍ଗୀର ଏସପିଙ୍କ ବିଏଲଏସି ପ୍ରତିନିଧି ଥବିର ବାଗ, ଆରଡବ୍ଲୁଏସଏସ ପ୍ରତିନିଧି ନରସିଂହ ଥନାପତି, ନିଲାଞ୍ଚଳ ବଛା , କୁଷଧ୍ବଜ ବେହେରା ପ୍ରମୁଖ ଉପସ୍ଥିତ ଥିଲେ ।