22-Dec-2021

ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଥାନା ଅନ୍ତର୍ଗତ ସୁଣ୍ଡିମୁଣ୍ଡା ଗ୍ରାମ ନିକଟରେ ଏକ ବୋଲେରୋ ଓ ବାଇକ ମୁହାଁମୁହିଁ ଧକ୍କା ହେବାରୁ ସ୍ୱାମୀ ସ୍ତ୍ରୀ ଦୁହେଁ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁସାରେ କଣ୍ଟାବାଞ୍ଜି ଗ୍ରାମର ପଦୁ ପଣ୍ଡା ଓ ତାଙ୍କ ସ୍ତ୍ରୀ ପୁନି ପଣ୍ଡା କୌଣସି କାମରେ ମାଲପଡା ଗ୍ରାମର ପବିତ୍ର ପଣ୍ଡା ଘରକୁ ଏକ ସିଟି100 ନମ୍ବର ଓଡ଼ି 08f 9159 ବାଇକରେ ଯାଉଥିବା ବେଳେ ସାମନା ପଟରୁ ଖଡ଼ିଆଳ ପଟରୁ ଏକ ବୋଲେରୋ ନମ୍ବର oro8h 3131 ସହ ମୁହାଁମୁହିଁ ଧକ୍କା ହେବା ଫଳରେ ଦୁଇ ସ୍ୱାମୀ ସ୍ତ୍ରୀ ଗୁରୁତର ଆହତ ହୋଇଥିଲେ। ଖବର ପାଇ ସିନ୍ଧେକେଲା ଥାନାରେ ନୁଆ ଯୋଗ ଦେଇଥିବା ଥାନାଧିକାରି ଆଲୋକ

ବେହେରା ଘଟଣା ସ୍ଥଳରେ ପହଞ୍ଚି ସ୍ୱାମୀ ସ୍ତ୍ରୀ କୁ ନିଜେ ଉଠାଇ ନିଜ ଗାଡିରେ ସିନ୍ଧେକେଲା ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ ଓ ହସ୍ପିଟାଲ ରେ ମଧ୍ଯ ସେ ନିଜେ ସେ ମାନଙ୍କୁ ଉଠାଇ ହସ୍ପିଟାଲ ଭିତରକୁ ନେଇଥିଲେ । ସିନ୍ଧେକେଲା ସିଏଚସି ଡ୍ୟୁଟି ରେ ଥିବା ଡାକ୍ତର ପ୍ରାଥମିକ ଚିକିତ୍ସା କଲାପରେ ଆମ୍ବୁଲାନ୍ସ ଯୋଗେ ଟିଟିଲାଗଡ଼ ଉପଖଣ୍ଡ ଡାକ୍ତରଖାନା କୁ ସ୍ଥାନାନ୍ତର କରିଥିଲେ । ନୁତନ ଭାବେ ଯୋଗଦେଇ ଥିବା ଥାନାଧିକାରିଙ୍କ ଏପରି ମହାନୀୟତା କୁ ନେଇ ଅଞ୍ଚଳରେ ଚର୍ଚ୍ଚା ହେବାସହ ବିଭିନ୍ନ ମହଲରୁ ତାଙ୍କୁ ସାଧୁବାଦ ଦିଆଯାଇଛି। ଉକ୍ତ ବୋଲେରୋ ଗାଡି କୁ ପୁଲିସ ଜବତ କରି ତଦନ୍ତ କରୁଥିବା ସିନ୍ଧେକେଲା ଥାନାଧିକାରୀ ଆଲୋକ ବେହେରା ସୂଚନା ଦେଇଛନ୍ତି ।