11-Dec-2021

କର୍ଲାମୁଣ୍ଡା: (ପ୍ରଦୀପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ର ବିଭିନ୍ନ ଗାଁ ରେ ଅଦିନିଆ ବର୍ଷା ଚାଷୀଙ୍କ ଚିନ୍ତା ବଢ଼ାଇଛି। ପାଚିଲା ଧାନ ନଷ୍ଟ ହେବାକୁ ବସିଥିବାରୁ ଚାଷୀ ମୁଣ୍ଡରେ ହାତ ଦେଇ ବସିଛନ୍ତି। ଧାନ ପାଚି ଯାଇଥିବାରୁ ଚାଷୀ ମାନେ ତର ତର ହୋଇ ଧାନ କାଟି ବିଲରେ ରଖିଛନ୍ତି। ଚଳିତ ବର୍ଷ ଏହି ବ୍ଲକ ରେ ବର୍ଷା ଅଭାବ ଯୋଗୁଁ ମରୁଡି ଶିକାର ଚାଷୀ ହୋଇ ଥିବା ବେଳେ ଯାହା କିଛି ଧାନ ବଞ୍ଚି ରହିଥିଲା ,ତାହା ଏବେ ଅଦିନିଆ ବର୍ଷା ଚାଷୀ ଙ୍କୁ ଚିନ୍ତାରେ ପକେଇଛି। ।ଏଭଳି ସମୟରେ ଅଦିନିଆ ବର୍ଷା ଯୋଗୁ ଧାନ ଫସଲ ପାଣିରେ ଭିଜି ଯାଇଥିବାରୁ ଗଜା ହେବା ଆଶଙ୍କା ନେଇ ଚିନ୍ତାରେ ଥିବା କାର୍ନିଖୁଣ୍ଟି ଗାଁ ର ଚାଷୀ ତିରଞ୍ଜି ମେର୍ଲି କହିଛନ୍ତି  । ବ୍ଲକ ର ଜୋରାଡବରା ପଞ୍ଚାୟତ କାର୍ନିଖୁଣ୍ଟି ଗାଁ ରେ ଗତ ସପ୍ତାହରେ ହୋଇଥିବା ଅଦିନିଆ ବର୍ଷା ଯୋଗୁଁ ଚାଷୀ ଙ୍କ ବିଲରେ ଥିବା ଧାନ ଫସଲ କ୍ଷତି ହୋଇ ଥିବା ଦେଖିବାକୁ ମିଳିଛି ।ଏଣୁ କୃଷି ବିଭାଗ ଚାଷୀ ଙ୍କ କ୍ଷୟକ୍ଷତି ଆକଳନ କରି ସହାୟତା ଯୋଗାଇଦେବାକୁ ଚାଷୀ ମାନେ ଦାବି କରିଛନ୍ତି ।