07-Dec-2021

ବରଗଡ:-ପବିତ୍ର ଶିକ୍ଷାନୁଷ୍ଠାନ ରେ ଭାରତୀୟ ଜନତା ପାର୍ଟି ର ଦଳୀୟ କର୍ମକର୍ତ୍ତା ମାନେ ସଭା ସମିତି କରିବା ନେଇ  ଅତାବିରା ବିଜୁଜନତା ଦଳ ର ଦଳୀୟ କର୍ମକର୍ତ୍ତା ମାନେ ତୀବ୍ର ନିନ୍ଦା କରି ଏଥିପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ  ଅତିରିକ୍ତ ବ୍ଲକ ଶିକ୍ଷାଧିକାରୀ  କାର୍ତ୍ତିକ ବାଗ,ବରଗଡ଼ ଜିଲ୍ଲା ଶିକ୍ଷା ଅଧିକାରୀ ଓ  ବରଗଡ଼ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି। ପ୍ରକାଶ ଥାଉକି ଅତାବିରା ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ବିଜେପି ର କିଛି କର୍ମକର୍ତ୍ତା ମାନେ ସଭା ସମିତି ମାନ କରୁଛନ୍ତି ।ଯାହା ସରକାରଙ୍କ ଗାଇଡ ଲାଇନ ବାହାରେ ରହୁଛି। ଛାତ୍ର ଛାତ୍ରୀ ମାନଙ୍କ ପାଠପଢl ରେ ବାଧା ସୃଷ୍ଟି ହେଉଥିବା ତଥା ବିଦ୍ୟାଳୟ ପରିବେଶ ସୁରକ୍ଷାକୁ ଦୃଷ୍ଟିରେ ରଖି ୨୦୧୦/୧୧ ମସିହାରେ ସରକାର  ଏକ ଗାଇଡ ଲାଇନ ପ୍ରସ୍ତୁତ କରିଥିଲେ,ଯେଉଁଥିରେ ଶିକ୍ଷାନୁଷ୍ଠାନ ଗୁଡିକରେ କୌଣସି ରାଜନୈତିକ ସଭା ସମିତି ବା  ଅଣ ଆନୁଷ୍ଠାନିକ କାର୍ଯ୍ୟକ୍ରମ  କରାଯିବା ଆଇନ ବିରୋଧି ବୋଲି ସରକାରଙ୍କ ଉକ୍ତ ଗାଇଡ ଲାଇନରେ  ପ୍ରକାଶ ପାଇଥିଲା।କିନ୍ତୁ ସରକାରଙ୍କ ସେହି ନିୟମକୁ ଉଲ୍ଲଂଘନ କରି ବିଜେପି  ପବିତ୍ର ଶିକ୍ଷାନୁଷ୍ଠାନରେ ତାର  ସଭା ସମିତି କରିଥିବା ନେଇ ବିଜେଡି ଦୃଢ଼ ବିରୋଧ କରି ଏହାର ପୁଙ୍ଖାନୁପୁଙ୍ଖ ତଦନ୍ତ କରିବା ସହ ଉଚ୍ଚ ପଦକ୍ଷେପ ନେବା ପାଇଁ  ଅତାବିରା ବିଜେଡି ଦଳୀୟ କର୍ମୀମାନେ ଦାବି କରିଛନ୍ତି।ଏହି ଦାବି ପତ୍ର ପ୍ରଦାନ ବେଳେ ବିଜେଡି ଏନ. ଏ .ସି ସଭାପତି ଯତୀନ କୁମାର ଦାଶ,ଏନ. ଏ .ସି ଯୁବ ସଭାପତି ସିଦ୍ଧାର୍ଥ ଶଙ୍କର ପଣ୍ଡା, ସମ୍ପାଦକ ସତ୍ୟନାରାୟଣ ମିଶ୍ର, କୃଷ୍ଣଦେବ ମହାକୁର,ବଳରାମ ପ୍ରଧାନ ପ୍ରମୁଖ ଉପସ୍ଥିତ ଥିଲେ।ଯଦି ଏହା ଉପରେ କୌଣସି ଦୃଢ଼ ପଦକ୍ଷେପ ନିଆ ନ ଯିବ ତା ହେଲେ   ଆଗାମୀ ଦିନରେ ପରିସ୍ଥିତି ଜଟିଳ ହେବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଥିବା ଜଣାପଡ଼ିଛି । ତେବେ ପବିତ୍ର ଶିକ୍ଷାନୁଷ୍ଠାନ ରେ  ରାଜନୈତିକ ଦଳ କିଭଳି ଭାବରେ ସଭା  ସମିତି କରୁଛି,ତାହା ଅଞ୍ଚଳରେ ବେଶ୍  ଚର୍ଚ୍ଚା ହେଉଥିବା ଜଣାପଡୁଛି।ତେବେ ଦେଖାଯାଉ ଏ ଉପରେ ଜିଲ୍ଲା  ପ୍ରଶାସନ ତଥା ଶିକ୍ଷା ବିଭାଗ କଣ ପଦକ୍ଷେପ ନେଉଛି ?