07-Dec-2021

ପାଟଣାଗଡ଼ (ପୂର୍ଣ୍ଣ ଶଶି ଶେଖର ରାଓ) : ହଜାର ହଜାର କ୍ଵିଣ୍ଟାଲ ଧାନ ଓ ଚାଉଳ ମିଲରେ ଗଚ୍ଛିତ ଥିବା ଜିଲ୍ଲାପାଳଙ୍କ  ହସ୍ତକ୍ଷେପ  ପରେ ଜଣାପଡ଼ିଛି। ପାଖାପାଖି ୫ ହଜାର କ୍ଵିଣ୍ଟାଲ ଧାନ ଓ ୨ ହଜାର କ୍ଵିଣ୍ଟାଲ ଚାଉଳ ମିଳିଛି। ସୂଚନା ଅନୁଯାୟୀ ୬/୧୨/୨୧  ରାତି ରେ ମାଜିଷ୍ଟ୍ରେଟ ଦାୟିତ୍ବ ରେ ଖପ୍ରାଖୋଲ ତହସିଲଦାର ଆଦିତ୍ୟ ନାରାୟଣ ମିଶ୍ର  ଆସି ଶ୍ୟାମ ଜୀ ମିଲ ଭିତରୁ ଧାନ ଓ ଚାଉଳ ଠାବ କରିଥିଲେ। ୭/୧୨/୨୧ ଦିନ ଜିଲ୍ଲାପାଳ ଙ୍କ ନିର୍ଦ୍ଦେଶନାରେ  ୪ ଜଣିଆ ଟିମ ଟିକନିକ ଯାଂଚ କରୁଛନ୍ତି । ମିଲର ଚାଉଳ ଷ୍ଟକ୍ ଶୂନ ରହିଥିବା ରିପୋର୍ଟ ଦେଇ ସାରିଥିବା ବେଳେ ହଜାର ହଜାର କ୍ଵିଣ୍ଟାଲ ଚାଉଳ କେମିତି ଗଛିତ ରହିଛି ତାହା ପ୍ରଶ୍ନବାଚୀ ସୃଷ୍ଟି କରୁଛି। କେବଳ ଏତିକି ନୁହେଁ, ଜିଲ୍ଲାରେ ଧାନ କିଣା ଠିକ୍ ଭାବରେ ଆରମ୍ଭ ହୋଇନଥିବା ବେଳେ ଶ୍ୟାମଜି ମିଲରେ ପ୍ରାୟ ୫ ହଜାର

କ୍ଵିଣ୍ଟାଲ ଧାନ ବାହାରିବା ସମସ୍ତଙ୍କୁ ଚକିତ କରିଦେଇଛି। ସବୁଠୁ ଆଶ୍ଚର୍ଯ୍ୟର କଥା ଯୋଗାଣ ବିଭାଗ ଅଧିକାରୀ ଓ ପାଟଣାଗଡ ଉପଜିଲ୍ଲାପାଳ ମିଲର ଷ୍ଟକ ଏବଂ  ଗୋଦାମ କୁ  ଟିକନିକ ଯାଂଚ କରି ସାରିଥିବା ନିଜେ ପାଟଣାଗଡ ଉପଜିଲ୍ଲାପାଳ ବିଜୟାନନ୍ଦ ସେଠୀ ଜଣାଇଥିବା ବେଳେ କେମିତି ଏତେ ପରିମାଣର ଧାନ ଚାଉଳ ବାହାରିଲା ତାକୁ ନେଇ ଉପଜିଲ୍ଲାପାଳ ଙ୍କ ଯାଞ୍ଚ ପ୍ରକ୍ରିୟା ଉପରେ ମଧ୍ୟ ସନ୍ଦେହ ସୃଷ୍ଟି ହୋଇଛି।  ଏଥିରୁ ସ୍ପଷ୍ଟ ଭାବରେ ଜଣାପଡୁଛି ଯେ ମିଲ ମାଲିକ ସହିତ  ଯୋଗାଣ ବିଭାଗ ଅଧିକାରୀ ଓ ପ୍ରଶାସନିକ ଅଧିକାରୀ ମଧ୍ୟ ସଂପୃକ୍ତି ଅଛନ୍ତି। ସେପଟେ ପାଟଣାଗଡ ଉପଜିଲ୍ଲାପାଳ ବିଜୟାନନ୍ଦ ସେଠି କହିଛନ୍ତି ଯେ, ମିଳରେ ସେମିତି କିଛି ଧାନ ଚାଉଳ ନାହିଁ I ତେବେ ମିଲରେ ଏତେ ପରିମାଣର ଧାନ ଚାଉଳ ଥିବା ସତ୍ତ୍ୱେ ଉପଜିଲ୍ଲାପାଳ କେମିତି ଜାଣି ପାରିଲେ ନାହିଁ ନା ମିଲ ମାଲିକକୁ ବଞ୍ଚାଇବାକୁ ଉଦ୍ୟମ ଚଳାଇଛନ୍ତି ପାଟଣାଗଡ଼ ଉପଜିଲ୍ଲାପାଳ  ବିଜୟାନନ୍ଦ ସେଠୀ  । ଏହାର ପୁଙ୍ଖାନୁପୁଙ୍ଖ ତଦନ୍ତ କରିବା ସହ ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ କରିବାକୁ ଅଞ୍ଚଳବାସୀ ଦାବି କରିଛନ୍ତି।