06-Dec-2021

ପାଟଣାଗଡ(ପୁର୍ଣ୍ଣ ଶଶୀ ଶେଖର ରାଓ): ବଳାଙ୍ଗିର ଜିଲ୍ଲା ପାଟଣାଗଡ ବ୍ଲକ ଅନ୍ତର୍ଗତ ଭଇଁଷା ପଂଚାୟତ ଭଇଁଷା ଗାଁର ଶବରପଡା ଠାରେ ଆମଗାଁ ଆମବିକାଶ ଯୋଜନାରେ ୫ ଲକ୍ଷ ଟଙ୍କାରେ ନିର୍ମାଣ ଚାଲିଥିବା କ୍ଲବ ଘର ବିଲଡିଂ କାମ ବିନାସୂଚନା ଫଳକରେ ଚାଲିଥିବାର ଅଭିଯୋଗ ହେଉଛି !  ଏହି କାମ ଛାତ ପର୍ଯ୍ୟନ୍ତ ଯାଇଥିବା ବେଳେ ବାଲି, ଗୋଡ଼ି ଓ ସିମେଣ୍ଟ  ମାପ ଠିକ ପରିମାଣରେ ଦିଆଯାଉ ନଥିବାରୁ ଜନସାଧାରଣରେ ଅସନ୍ତୋଷ ଦେଖାଦେଇଛି। ଏଠାରେ କନିଷ୍ଠ ଯନ୍ତ୍ରି  ଉପସ୍ଥିତ ନରହୁଥିବା ଯୋଗୁଁ ଲୋକଙ୍କ ମନରେ ପ୍ରଶ୍ନବାଚୀ ସୃଷ୍ଟି କରୁଛି । ପ୍ରକୃତରେ ଏହି କାର୍ଯ୍ୟ କନିଷ୍ଠ ଯନ୍ତ୍ରୀ ପ୍ରଭାତ ସେଠି ଙ୍କ ଜାଣତରେ ଚାଲିଛି ନା ଅଜାଣତରେ ଚାଲିଛି ବୋଲି ପଡାବାସୀ ଗଣମାଧ୍ୟମ ଆଗରେ ତାଙ୍କର ବକ୍ତବ୍ୟ  ରଖିଛନ୍ତି ! ଯଦି ଜେ. ଇ ଙ୍କ ଅଜାଣତରେ ଚାଲିଛି ତାହେଲେ ଜେଇ କାହିଁକି କିଛି କହୁନାହାନ୍ତି ବୋଲି ଜନସାଧାରଣରେ ମତ ପ୍ରକାଶ ପାଉଛି।କେଉଁ ପ୍ରଭାବଶାଳୀ ବ୍ୟକ୍ତି ଓ ରାଜ ନେତାଙ୍କ ଚାପରେପଡି ଜେଇ ମହାଶୟ ଏଭଳି କାମ କରୁଛନ୍ତି ବୋଲି ଲୋକଙ୍କ ମନରେ ଉଙ୍କି ମାରୁଛି ! ଲୋକଙ୍କ କହିବା ଅନୁସାରେ ଏହିକାମ ଭଇଁଷା ଗ୍ରାମର  ଦୁଇଜଣ ଠିକାଦାର କୌଣସି ରାଜନେତା ଙ୍କ ଛତ୍ରଛାୟା ତଳେ ରହି ଏଭଳି କାର୍ଯ୍ୟ କରୁଥିବା ଶୁଣିବାକୁ ମିଳୁଛି। ଏବି ଷୟରେ ବ୍ଲକ ଓ ଜିଲ୍ଲା ପ୍ରଶାସନ ଧ୍ୟାନ ଦେବା ସଙ୍ଗେ ସଙ୍ଗେ  ଜେଇ ଓ ଠିକାଦାରଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ନିଆଯାଉ ବୋଲି ପଡାବାସୀ  ଦାବି କରିଛନ୍ତି !