03-Dec-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ବଲାଙ୍ଗୀର ସହରର ବେଆଇନ ଜବରଦଖଲ କୁ ଜିଲ୍ଲା ପ୍ରଶାସନ ପକ୍ଷରୁ ଉଚ୍ଛେଦ କରାଯାଉଛି । ବର୍ତ୍ତମାନ ସୁଦ୍ଧା ସହରର ଚାରିଟି ପଡା ରୁ ଜବରଦଖଲ ଉଚ୍ଛେଦ କରାଯାଇଥିବା ବେଳେ, ଲୋକଙ୍କୁ ସ୍ଥାନାରଣ ନକରାଯାଇ ପ୍ରଥମେ ଘରକୁ ଭଙ୍ଗା ଯାଇ ପରବର୍ତ୍ତୀ ପର୍ଯ୍ୟାୟରେ ଜମି ପତ୍ର ବଣ୍ଟନ କରାଯାଉଛି। ତେଣୁ ଆଜି ଜବରଦଖଲ ଉଚ୍ଛେଦ ହୋଇଥିବା ପଡା ବାସିନ୍ଦା ସହ ଇନ୍ଦିରାନଗର ପଡା ରୁ ଶତାଧିକ ମହିଳା ବଲାଙ୍ଗୀର ପୌରପାଳିକା ଅଭିମୁଖେ ବାହାରି ଥିଲେ। ବଲାଙ୍ଗୀର ପୌରପାଳିକା କୁ ଘେରାଉ କରିଥିଲେ ଓ ପରେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରି ଯୋଉଁ ସ୍ଥାନରେ ଘର ଅଛି ସେହି ସ୍ଥାନର ପଟ୍ଟା ଦିଆଯାଉ ବୋଲି ଦାବି କରିଥିଲେ। ଏନେଇ ଏଡିଏମଙ୍କ ସହିତ କେତେକ ମୁଖ୍ୟ ଲୋକ ଆଲୋଚନା କରିଥିଲେ। ସନ୍ତୋଷ ଜନକ ଉତ୍ତର ପାଇବା ପରେ ଧାରଣା ରୁ ଓହରି ଯାଇଥିଲେ।