03-Dec-2021

ପଦ୍ମପୁର:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ବ୍ଳକ ପରିସରରେ ଥିବା ଗୋଷ୍ଠୀ ଶିକ୍ଷା କାର୍ଯ୍ୟଳୟ ଠାରେ ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମାନ ପ୍ରେମାନନ୍ଦ ବାରିକ ଙ୍କ ସଭାପତିତ୍ବରେ ବ୍ଳକ ସ୍ତରୀୟ ବିଶ୍ୱ ଭିନ୍ନକ୍ଷମ ଦିବସ ପାଳିତ ହୋଇଯାଇଛି lଏହି କାର୍ଯ୍ୟକ୍ରମ ରେ ପାଇକମାଲ ବ୍ଳକ ଅଧ୍ୟକ୍ଷ ଅଲତାପ ମହମ୍ମଦ ମୁଖ୍ୟ ଅତିଥି ଭାବେ ଯୋଗ କରିଥିବାବେଳେ, ସମ୍ମାନିତ ଅତିଥି ଭାବେ ଅତିରିକ୍ତ ଶିକ୍ଷା ଅଧିକାରୀ ଶ୍ରୀମାନ ଶିବ ପ୍ରସାଦ ଯୋଶୀ,ପାଇକମାଲ ସରକାରୀ ଚିକିତ୍ସାଳୟ ର ଡାକ୍ତର ଶ୍ରୀଧର ପ୍ରଧାନ, ଡାକ୍ତର ଚିତ୍ତରଞ୍ଜନ ସାହୁ ଯୋଗଦାନ କରିବା ପୂର୍ବକ ଉତ୍ସାହିତ କରିଥିଲେ lମୁଖ୍ୟବକ୍ତା ଭାବେ ଶ୍ରୀମାନ ଅରୁଣ ବିଶ୍ୱାଳ ଅଧ୍ୟକ୍ଷ ସ୍ୱତନ୍ତ୍ର ବିଦ୍ୟାଳୟ ନୂଆପଡ଼ା ଯୋଗଦାନ କରି ବିଶ୍ୱ ଭିନ୍ନକ୍ଷମ ଦିବସ ର ତାତ୍ପର୍ଯ୍ୟ ସମ୍ପର୍କ ବିଷଦ ଭାବେ ମତବ୍ୟକ୍ତ କରିଥିଲେ lପାଇକମାଲ ଅଧିନରେ ଥିବା ବିଭିନ୍ନ ବିଦ୍ୟାଳୟ ରୁ ସମୁଦାୟ ୯୦ ଜଣ ଛାତ୍ରଛାତ୍ରୀ ଏହି କାର୍ଯ୍ୟକ୍ରମ ରେ ଯୋଗ ଦେଇ ବିଭିନ୍ନ ପ୍ରତିଯୋଗିତା ରେ ଅଂଶଗ୍ରହଣ କରିଥିଲେ lନାଚ, ଗୀତ, ଚିତ୍ରାଙ୍କନ,ମ୍ୟୁଜିକ ଚେୟାର ଆଦି  ପ୍ରତିଯୋଗିତା ରେ ଅଂଶ ଗ୍ରହଣ କରିଥିବା ଛାତ୍ରଛାତ୍ରୀମାନଙ୍କୁ ମଞ୍ଚାସୀନ ସମ୍ମାନିତ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା lଏହି କାର୍ଯ୍ୟକ୍ରମ ରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀମାନ ସୁବାସ ଚନ୍ଦ୍ର ସାହୁ, ମନୋରଞ୍ଜନ ପଟେଲ,ଆଇଆଇଭି ଶ୍ରୀମାନ କୁଞ୍ଜବିହାରୀ ପ୍ରଧାନ, ହୃଦାନନ୍ଦ ରଣା,ଉଜଲ ମହାନନ୍ଦ ତଥା ବ୍ଳକ ର ସମସ୍ତ କର୍ମଚାରୀ ସମ୍ପୁର୍ଣ୍ଣ ରୂପେ ସହଯୋଗ କରିଥିଲେ lପରିଶେଷରେ ଗୋଷ୍ଠୀ ସାଧନ ଶିକ୍ଷକ ଶ୍ରୀମାନ ବିରେନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ l