07-Nov-2020

ନୂଆଦିଲ୍ଲୀ, (ପ୍ରେରଣା ଖବର) : ଇପିଏଫଓ ପରିସରରେ ଆସୁଥିବା ସଂଗଠିତ କ୍ଷେତ୍ରର କମ୍ପାନୀକୁ ନିଜର କର୍ମଚାରୀଙ୍କୁ ଇପିଏଫ୍ (Employee Provident Fund) ର ଲାଭ ଉପଲବ୍ଧ କରିଥାଏ। ନିଯୁକ୍ତିଦାତା ଏବଂ କର୍ମଚାରୀ ଦୁହିଁଙ୍କର ଯୋଗଦାନ କର୍ମଚାରୀଙ୍କ ବେସିକ୍ ସାଲାରୀ+ଡିଏର ୧୨-୧୨ ପ୍ରତିଶତ ଅଟେ। କମ୍ପାନର ୧୨ ପ୍ରତିଶତ ଯୋଗଦାନରେ ୮.୩୩ ପ୍ରତିଶତ କର୍ମଚାରୀ ପେନ୍‌ସନ ସ୍କିମ୍ EPS ରେ ଯାଇଥାନ୍ତି।

ସୁତ୍ରରୁ ମିଳିଥିବା ସୂଚନା ଅନୁସାରେ, EPFO ରୁ ପେନଶନଧାରୀଙ୍କୁ ଦୀପାବଳିରେ ବଢିଥିବା ପେନଶନ୍‌ର ଉପହାର ମିଳିପାରେ। ସୁତ୍ରରୁ ମିଳିଥିବା ସୂଚନା ଅନୁସାରେ, ଅର୍ଥମନ୍ତ୍ରଣାଳୟ ଶ୍ରମ ମନ୍ତ୍ରଣାଳୟର ମିନିମମ୍ ପେନଶନ୍ ବଢାଇବା ପ୍ରସ୍ତାବ ଉପରେ ସହମତି ମିଳିଛି। ଶ୍ରମ ମନ୍ତ୍ରଣାଳୟର ପ୍ରସ୍ତାବ ଉପରେ ସହମତି କାରଣରୁ ମିନିମମ୍ ପେନ୍‌ସନ ଦୁଇଗୁଣା କରିବାର ଘୋଷଣା ଖୁବ୍ ଶୀଘ୍ର ହୋଇପାରେ।

ମିନିମମ୍ ପେନ୍‌ସନ ୧୦୦୦ ଟଙ୍କାରୁ ବଢି ୨,୦୦୦ ଟଙ୍କା ହୋଇପାରେ। ଏହା ଉପରେ ସେଣ୍ଟ୍ରାଲ ବୋର୍ଡ ଅଫ୍ ଟ୍ରଷ୍ଟିଜ୍‌ରେ (CBT-Central Board of Trustees) ରୁ ୨୦୧୯ରେ ମଞ୍ଜୁରୀ ମିଳିଥିଲା। ଏବେ CBTର ମିନିମମ୍ ପେନ୍‌ସନ ୨୦୦୦ ରୁ ୩୦୦୦ ଟଙ୍କା କରିବାର ଦାବି କରାଯାଉଛି। ପେନଶନ୍ ଦୁଇଗୁଣା କରିବା ଉପରେ ସରକାରଙ୍କ ଉପରେ ୨୦୦୦-୨୫୦୦ କୋଟି ଟଙ୍କାର ବୋଝି ବଢିଯିବ। ଏହି ବୃଦ୍ଧି ସହିତ ପ୍ରାୟ ୬୦ ଲକ୍ଷ ପେନ୍‌ସନଭୋଗୀଙ୍କୁ ଫାଇଦା ମିଳିବ।

ଉଲ୍ଲେଖନୀୟ ଯେ, ପ୍ରାଇଭେଟ୍ ସେକ୍ଟରର ଅସଙ୍ଗଠିତ କ୍ଷେତ୍ରରେ କାମ କରୁଥିବା କର୍ମଚାରୀଙ୍କୁ ମଧ୍ୟ ଅବସର ପରେ ମାସିକ ପେନଶନର ଲାଭ ମିଳିପାରିବ। ଏଥିପାଇଁ କର୍ମଚାରୀ ପେନସନ, ଯୋଜନା 1995 (EPS) ର ଆରମ୍ଭ କରାଯାଇଛି। EPF ସ୍କିମ୍, ୧୯୫୨ ଅନୁସାରେ କର୍ମଚାରୀଙ୍କ ଦ୍ବାରା କର୍ମଚାରୀଙ୍କ ଇପିଏଫ୍ ପାଇଁ ଦିଆଯାଉଥିବା ୧୨ ପ୍ରତିଶତ ଯୋଗଦାନରୁ ୮.୩୩ ପ୍ରତିଶତ ଇପିଏସକୁ ଯାଇଥାଏ। ୫୮ ବର୍ଷ ବୟସ ପରେ କର୍ମଚାରୀ ଇପିଏସ୍ ଟଙ୍କାରୁ ମାସିକ ପେନଶନର ଲାଭ ମିଳିପାରିବ।