07-Nov-2020

ଟିଟିଲାଗଡ଼(ପ୍ରେରଣା ଖବର) - ଓଡିଶା ରେ ଵାଲାଙ୍ଗୀର ଜିଲ୍ଲା ର ଟିଟିଲାଗଡ଼ ସବ୍ଡିଭିଜନ ଆକାର,ଆୟତନ ଓ ଜନସଂଖ୍ୟା ଅନୁଯାୟୀ ପ୍ରଥମ ଥିବା ବେଳେ ଏଠି ବିଭିନ୍ନ ସମସ୍ୟା ଗୁଡ଼ିକ ଦୀର୍ଘଦିନ ଧରି ଲାଗି ରହିଛି। ନେତୃତ୍ୱ ର ଅଭାବ ସହ ଦକ୍ଷ ପଦାଧିକାରୀ ଙ୍କ ଆବଶ୍ୟକ ବୋଲି ବିଭିନ୍ନ ମହଲରେ ମତ ପ୍ରକାଶ ପାଉଥିଲା। ଏହି ଅଞ୍ଚଳ ଜିଲ୍ଲା ଦାବି ସତ୍ୱେମାନ୍ୟତା ନ ପାଇବା ନେଇ କୁତ୍ସିତ ରାଜନୀତି କରାଯାଇଥିବା ବୁଦ୍ଧିଜୀବୀ ମହଲରେ ଆଲୋଚନା, ପର୍ଯ୍ୟାଲୋଚନା ଚାଲୁଥିବା ସହ ଜଣେ ଦକ୍ଷ, ଆଇ ଏ ଏସ ଅଧିକାରୀ ଉପଜିଲ୍ଲାପାଳ ଦାଇତ୍ୱ ରେ ରହିଲେ ସମସ୍ତ ସମସ୍ୟା ଦୂର ହେବା ଦାବି ହୋଇଅସୁଥିଲା। ତେବେ ବର୍ତ୍ତମାନ ଉପଜିଲ୍ଲାପାଳ ଭାବେ ଆଇ ଏ ଏସ ସୋମେଶ ଉପାଧ୍ୟାୟ ଉପଜିଲ୍ଲାପାଳ ଭାବେ ଦାୟିତ୍ୱ ଗ୍ରହଣ କରି ସୁଦ୍ଧା କୌଣସି ପ୍ରକାର କାର୍ଯ୍ୟାନୁଷ୍ଠାନ ନ ନେବା ଯୋଗୁଁ ସମସ୍ୟା ଦ୍ୱିଗୁଣିତ ହୋଇ ଯାଇଛି। ଏପରି କି ସେ କେବଳ ଅଧସ୍ତନ କର୍ମଚାରୀ ଙ୍କୁ ସବୁ କରିବା କହି କେବଳ ସ୍ଵାକ୍ଷର କରି ନିଜ ଦାଇତ୍ୱ ସମାପନ କରିଚାଲିଛନ୍ତି ବୋଲି ସରକାରୀ କର୍ମଚାରୀ ଜଣାଇଛନ୍ତି। ଯଥା ପୁବଂ ତଥା ପରଂ ନୀତି ରେ ସେ ସୋସିଆଲ ମିଡ଼ିଆରେ ସଦା ଅନଲାଇନ ରେ ଥିବା ଦେଖାଯାଉଚି। ଏପରିକି ନିଜ ମନଇଚ୍ଛା ଆସିବା ଓ ଚାଲିଯିବା ତଥା ଅଭିଯୋଗ ଶୁଣାଣି କେବଳ ସୋମବାର ଦିନ ଧାର୍ଯ୍ୟ ଥିବା ବେଳେ ବାହାରେ ଦୂରଦୂରାନ୍ତରୁ ସାଧାରଣ  ଲୋକ ଆସି ଜଗି ରହି ନିରାଶ ହୋଇ ଫେରିବା ସାର ହେଉଛି।  ଗତ ୧୫ ଦିନ ଭିତରେ ପ୍ରାୟ 17 ଜଣ ନିରାଶ ହୋଇ ବାଧ୍ୟ ହୋଇ ବଲାଙ୍ଗୀର ଜିଲ୍ଲାପାଳଙ୍କ ନିକଟକୁ ଯିବା ଓ ସେଠୁ ନିରାଶ ଜିଲ୍ଲାପାଳ ପୁନଃ ଉକ୍ତ ଉପଜିଲ୍ଲାପାଳଙ୍କ ନିକଟକୁ ପଠେଇ ଦେଇଥିବା ସତ୍ୱେ ନିରାଶ ହେବା ସାର ହୋଇଛି। ଗତ ସୋମବାର ଅଭିଯୋଗ ଶୁଣାଣୀ ଦିନ ବାହାରେ ଦୂରଦୂରାନ୍ତରୁ ଆସି ନିଜ ଦୁଖଃ ଜଣାଇବା କୁ ସମୟ ନ ପାଇ ଫେରିଯାଇଥିଲେ। ଏପରିକି କେତେ ଜଣ ଅଭିଯୋଗ କଲେ ଓ ତାଙ୍କ ଶୁଣାଣି କଣ ହେଲା ସେ ନେଇ ଅପେକ୍ଷା ରତ ସାମ୍ବାଦିକ ଙ୍କୁ ବି କିଛି ସୂଚନା ଦିଆଯାଇ ନଥିଲା। ପରିମଳ,ଜଳଯୋଗାଣ,ଗମନାଗମନ,ବ୍ୟବସାୟ କୌଣସି କ୍ଷେତ୍ରରେ ପାରଦର୍ଶିତା ଦେଖାଇପାରି ନ ଥିବା ନେଇ ତୀଵ୍ର ଅସନ୍ତୋଷ ଦେଖାଦେଇଛି। ଏପରି କି ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ପରିସରରେ ରାଜସ୍ୱ, ଟ୍ରେଜେରୀ,ରୁ ତହସିଲ ସମସ୍ତ ବିଭାଗ ଓ ଅଧିକାରୀ ଥାଇ ଖୋଲାଖୋଲି ଜମି ଦଲାଲ ଓ ବିଭିନ୍ନ କାର୍ଯ୍ୟାଳୟରେ କର୍ମଚାରୀ ନହୋଇ ଉକ୍ତ ଅଫିସ ଗୁଡିକରେ ରହି ଲୋକଙ୍କୁ ଠକେଇ ଓ ଟଙ୍କା କାରବାର କରି ଗରିବ ଓ ସାଧାରଣ ଙ୍କୁ ଦୁର୍ଦ୍ଦଶା ର ଶିକାର କରୁଥିବା ନେଇ ତୀବ୍ର ଅସନ୍ତୋଷ ପ୍ରକାଶ ପାଉଛି । ପ୍ରକାଶ ଯେ ଏହି କାର୍ଯ୍ୟାଳୟ ପରିସର ରେ କିଛି ସରକାରୀ ଓ ଉକ୍ତ  ବେଆଇନ ଦଲାଲ ପ୍ରତିଦିନ ରାତିରେ ଷ୍ଟାମ୍ପ ଭେଣ୍ଡର ମାନଙ୍କ ସ୍ଥାନରେ ମଦର ଅସର ଜମାଇ ଚାଲିଛନ୍ତି । ଏ ନେଇ ଷ୍ଟାମ୍ପ ଭେଣ୍ଡର ମାନେ ଅଭିଯୋଗ କରି ସୁଦ୍ଧା କାର୍ଯ୍ୟାନୁଷ୍ଠାନ ନ ହେବା ପ୍ରକାଶ କରିଛନ୍ତି। ସୂଚନାଯୋଗ୍ୟ ଯେ ଇତି ମଧ୍ୟରେ ରାତି ୧୨ଟା ସମୟରେ ଜଣେ ବରିଷ୍ଠ ପଦାଧିକାରୀ ଙ୍କୁ ତାଙ୍କ ପାଇଁ ଔଷଧ ଆବଶ୍ୟକ ଓ ତାଙ୍କୁ ଫୋନ ରେ ତୁରନ୍ତ ଆଣିବାକୁ ନିର୍ଦ୍ଦେଶ ଦେଇଥିଲେ, ସରକାରୀ ଭାବେ ଉକ୍ତ ଔଷଧ ନ ମିଳୁଥିବା ଜଣାଇବାରୁ ଦୋକାନ ରୁ କିଣି ଆଣିବାକୁ କହିଥିଲେ । ସେ ଗତ ନୁଆଁଖାଇ ରେ କରୋନା କଟକଣା ନ ମାନି ତାଙ୍କର ଜଣେ ବନ୍ଧୁ ଘରକୁ ଯାଇ ଆସିବା ଓ କରୋନା କଟକଣା ନ ମାନି ହୋମ କ୍ୱାରେଣ୍ଟ।ଇନ ରେ ନ ରହିବା ନେଇ ସାଧାରଣରେ ଅସନ୍ତୋଷ ସୃଷ୍ଟି ହୋଇ ଥିଲା । ଜଣେ ଆଇ ଏ ଏସ  ଅଧିକାରୀ ହୋଇ ଏପରି ଖାମଖିଆଲ ମନୋଭାବ ସହ କ୍ଷମତାର ଅପବ୍ୟବହାର କରିବା ଘଟଣା ମାନ ଘଟିଚଳିଥିବା ବେଳେ ରାଜ୍ୟ ମୁଖ୍ୟ ଶାସନ ସଚିବ ତୁରନ୍ତ ଉପଯୁକ୍ତ ପଦକ୍ଷେପ ଗ୍ରହଣ କରିବା ପାଇଁ ବୁଦ୍ଧିଜୀବୀ ମହଲରେ ଦୃଢ଼ ଦାବି ହେଉଛି। ଏ ସବୁ ନେଇ ଜିଲ୍ଲା ଜନସେବା ସଙ୍ଘ ବିଭିନ୍ନ ଉଚ୍ଚ ପଦାଧିକାରୀଙ୍କ ନିକଟରେ କାର୍ଯ୍ୟାନୁଷ୍ଠାନ ଗ୍ରହଣ ନିମନ୍ତେ ଦାବିପତ୍ର ପ୍ରେରଣ କରିଥିବା ଜଣାଇଛନ୍ତି।