24-Nov-2021

ବରଗଡ/ଅତାବିରା(ନିରଞ୍ଜନ ତ୍ରିପାଠୀ) :-୪ଦଫା ଦାବି କୁ ନେଇ ଓଡ଼ିଶା ରାଜ୍ୟ କୃଷକ ସଂଗଠନ ବରଗଡ ଜିଲ୍ଲା ଅତାବିରା ତହସିଲ ଛକ ସ୍ଥିତ ବୀର ସୁରେନ୍ଦ୍ର ସାଏ ପ୍ରତିମୂର୍ତ୍ତି ସମ୍ମୁଖରେ ତିନି ଦିନ ବ୍ୟାପୀ ଚାଲିଥିବା ରିଲେ ଅନଶନ ରୁ ଆଜି ଓହରି ଯାଇଛି।ଚାଷ ଓ ଚାଷୀ ମାନଙ୍କ ୪ଦଫା ଦାବି ତଥା ବିଭିନ୍ନ ସମସ୍ୟା ଗୁଡ଼ିକୁ ନେଇ ସଭାପତି ହାରାଧନ ପ୍ରଧାନ ଙ୍କ ସଭାପତିତ୍ବ ରେ ସଂଗଠନ ର ସକ୍ରିୟ କର୍ମୀ ତଥା ଚାଷୀ ମାନଙ୍କୁ ନେଇ ସୋମବାର ଦିନ ଠାରୁ ଶାନ୍ତି ପୂର୍ଣ୍ଣ ଭାବେ ରିଲେ ଅନଶନ ଆରମ୍ଭ କରି ଆଜି ତିନି ଦିନ ପରେ ରିଲେ ଅନଶନ ରୁ ଓହରି ଆଗାମୀ ଦିନରେ ଆଇନ ହାତ କୁ ନେବାକୁ ନିଷ୍ପତ୍ତି

ନେଇଛି।ଏନେଇ ଅନଶନ ପୂର୍ବରୁ ସ୍ଥାନୀୟ ବ୍ଲକ, ତହସିଲ,ଥାନା ପ୍ରଶାସନ କୁ ଜଣାଇ ଅନଶନ ଜାରି ରଖିଥିଲେ ହେଁ କୌଣସି ଅଧିକାରୀ ଧାରଣା ସ୍ଥଳକୁ ନପହଞ୍ଚିବା ଏକ ଲଜ୍ଜା ଜନକ ବୋଲି ସଂଗଠନ ପକ୍ଷରୁ କ୍ଷୋଭ ପ୍ରକାଶ ପାଇଛି।କେବଳ ସେତିକି ଏହି ରାଜରାସ୍ତା ଦେଇ ବିଭିନ୍ନ ରାଜନୈତିକ ଦଳ ର ଜନ ପ୍ରତିନିଧି ମାନେ ଯିବା ଆସିବା କରୁଥିଲେ ହେଁ ବରିଷ୍ଠ ତଥା ସକ୍ରିୟ ଚାଷୀ ମାନଙ୍କ ପ୍ରତି କୌଣସି ଦରଦ ନଥିବା ଭଳି ରିଲେ ଅନଶନ ରେ ଥିବା ସଂଗଠନ କୁ ଅଣଦେଖା କରିଥିବା ଚାଷୀ ମାନେ ପ୍ରକାଶ କରିଛନ୍ତି।ଚାଷୀ ଆଗାମୀ ଦିନରେ ନିଜର ହକ୍ ପାଇଁ ଆଇନ କୁ ହାତ କୁ ନେବା

ପାଇଁ ବାଧ୍ୟ ହେବା ସହ ବିରାଟ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରିବ ବୋଲି ସଂଗଠନ ଚେତାବନୀ ଦେବା ସହ ଏନେଇ ଯଦି କୌଣସି ଅପ୍ରୀତିକର ଘଟଣା ଘଟେ ତେବେ ସମ୍ପୂର୍ଣ୍ଣ ମାତ୍ରାରେ ଜିଲ୍ଲା ପ୍ରଶାସନ ଦାୟୀ ରହିବେ ବୋଲି କୃଷକ ସଂଗଠନ ମତ ପ୍ରକାଶ କରିଛନ୍ତି।ଏଥିରେ ଜଗନ୍ନାଥ ସାହୁ,ଭିକାରୀ ଚରଣ ବାରିକ,ନାରାୟଣ ସାହୁ,ବିରେନ୍ଦ୍ର ସାହୁ,ପଲଉ ମାଝି,ଶ୍ରୀମନ୍ତ ବାରିକ,ସଂପାଦକ ଲୋକେଶ୍ଵର ପ୍ରଧାନ, ବୃଷଭାନୁ ସାହୁ,ଦଶରଥ ଭୋଇ,ବସନ୍ତ ବାରିକ,ପ୍ରଦୀପ କୁମାର ସାହୁ ତଥା ବିଭିନ୍ନ ଗ୍ରାମରୁ ଆସିଥିବା ଚାଷୀ ପ୍ରମୁଖଙ୍କ ସକ୍ରିୟ ସହଯୋଗ ରହିଥିଲା