06-Nov-2020

ବଲାଙ୍ଗିର, (ସନ୍ତୋଷ କୁମାର ଠାକୁର): ଭିଲେଜର୍ସ ଇଣ୍ଡିଆ ପାର୍ଟି ଏବଂ ବଲାଙ୍ଗିର ଭୁମିହୀନ ମହିଳା ସଂଘ ପକ୍ଷରୁ ଜାଗା ମିଶନ ପଟ୍ଟା ଏବଂ ପ୍ରଧାନ ମନ୍ତ୍ରୀ ଆବାସ ପାଇଁ  ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକଙ୍କୁ ଦାବିପତ୍ର ବଲାଙ୍ଗିର ମ୍ୟୁନିସିପାଲିଟି ନିର୍ବାହୀ ଅଧିକାରୀଙ୍କ ଜରିଆରେ  ପ୍ରଦାନ କରାଯାଇଛି । ଶତାଧିକ ଭୁମିହୀନ ଗରିବ ମହିଳା ମାନେ ଭିଲେଜର୍ସ ଇଣ୍ଡିଆ ପାର୍ଟି  କାର୍ଯ୍ୟକର୍ତ୍ତା ଙ୍କ ସହ  ଜାଗା ମିଶନ ପଟ୍ଟା ପାଇଁ ବଲାଙ୍ଗିର ମ୍ୟୁନିସିପାଲିଟି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିଛନ୍ତି । ମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଦାବିପତ୍ର କାର୍ଯ୍ୟ ନିର୍ବାହୀ ଅଧିକାରୀ  ବିପିନ ବିହାରୀ ଦୀପଙ୍କ ଜରିଆରେ ଦିଆଯାଇଛି । ଶ୍ରୀ ଦୀପ ସମସ୍ତ କାର୍ଯ୍ୟକର୍ତ୍ତା ଙ୍କୁ ପୁନଃ ସରକାରଙ୍କର ଆଦେଶରେ ଜାଗା ମିଶନ ପଟ୍ଟାରେ ବଞ୍ଚିତ ହିତାଧିକାରୀଙ୍କୁ ପଟ୍ଟା ଓ  ବଳକା ରହିଯାଇଥିବା ଭୁମିହୀନ ଆବେଦନକାରୀଙ୍କୁ ନୂତନ ସର୍ଭେ କରିବାପାଇଁ ଆଶ୍ୱାସନା ଦେଇ କହିଛନ୍ତି ଯେ, ଭିଲେଜର୍ସ ଇଣ୍ଡିଆ ପାର୍ଟି ଦ୍ୱାରା ବାରମ୍ବାର ବିକ୍ଷୋଭ, ଧାରଣା ଓ ଦାବିପତ୍ର ଦେବା ଦ୍ୱାରା ଏ ପର୍ଯ୍ୟନ୍ତ ୮୫୦୦ ଜାଗାମିଶନ ହିତାଧିକାରୀଙ୍କ ଠାରୁ ୫୩୭୫ ଜଣ ହିତାଧିକାରୀଙ୍କୁ ପଟ୍ଟା ବଣ୍ଟନ କରାଯାଉଛି । ବଲାଙ୍ଗିର ମୁନିସିପାଲିଟି ର ସମସ୍ତ ୱାର୍ଡ ଓ ପଡା ର କେଉଁ କେଉଁ ଭୁମିହୀନ ମାନେ ବାଦ ପଡିଛନ୍ତି ତାହର ତାଲିକା ପ୍ରଦାନ କରିବାକୁ  ଶ୍ରୀ ଦୀପ କହିଛନ୍ତି, ଯଦ୍ୱାରା ରାଜ୍ୟ ସରକାର ଅନୁମତିରେ ପୁନଃ ଡ୍ରୋନ କ୍ୟାମେରା ଏବଂ ଉଷା ସର୍ଭେ କାର୍ଡ ଭୂମିହୀନ ହିତାଧିକାରୀଙ୍କୁ ବଣ୍ଟନ କରାଯାଇ ପାରିବ ।  ଏହି ବିକ୍ଷୋଭରେ ଭିଆଇପି ଅଧ୍ୟକ୍ଷ ଡ. ବିପିନ କୁଶୁଲିଆଙ୍କ ସମେତ ମହାସଚିବ ନରେନ୍ଦ୍ର କୁମାର ପଟେଲ ଏବଂ ବଲାଙ୍ଗିର ଭୁମିହୀନ ମହିଳା ସଂଘ କାର୍ଯ୍ୟକର୍ତ୍ତା କୁନୁ ମହାପାତ୍ର, ମୀନା ଷଡଙ୍ଗୀ, ସରିତା ସାହୁ, ଝୁନୁ ରଣା, ସବିତା ନାଗ, କିଶୋର ନାଗ, ଭୀମ ନାଗ, ହରେକୃଷ୍ଣ ସାହୁ, ପ୍ରମୋଦିନି ସାହୁଙ୍କ ସମେତ ଶତାଧିକ ମହିଳା ଉପସ୍ଥିତ ଥିଲେ ।