19-Nov-2021

ଢେଙ୍କାନାଳ(ତାପସ ଦାସ) : ଆସନ୍ତାକାଲି ଢେଙ୍କାନାଳ ଜିଲ୍ଲା ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସି ପହଞ୍ଚିବେ । ଯେଉଁଥିପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିସାରିଛି । ଶନିବାର ଦିନ ୧୨ଟାରେ  ମିନି ଷ୍ଟାଡିୟମ ରେ ଆୟୋଜନ

ହେବାକୁ ଥିବା ସ୍ୱତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଯୋଗଦେଇ ଜିଲ୍ଲାର ୨ ଲକ୍ଷ ୯୪ ହଜାର ହିତାଧିକାରୀଙ୍କୁ ସ୍ମାର୍ଟ କାର୍ଡ ପ୍ରଦାନ କରିବା ସହ ବିଭିନ୍ନ ଲୋକାଭିମୁଖୀ ପ୍ରକଳ୍ପର ଉଦ୍ଘାଟନ କରିବେ । ତେବେ ମୁଖ୍ୟମନ୍ତ୍ରୀଙ୍କ ଗସ୍ତକୁ ନଜରରେ ରଖି ଆଜି

ସହରାଞ୍ଚଳରେ ମୋଟ ୧୩ ପ୍ଲାଟୁନ ଫୋର୍ସ ମୁତୟନ କରାଯାଇଛି । ଜିଲ୍ଲା ଆରକ୍ଷୀ ଅଧିକ୍ଷକ କେ ଶିବା ସୁବ୍ରମଣୀଙ୍କ ନେତୃତ୍ୱରେ ଜଣେ ଏଏସପି, ୫ଜଣ ଡ଼ିଏସପି, ୯ଜଣ ଇନିସପେକ୍ଟର, ୬୨ଜଣ ଏଏସଆଇ ଓ ୧୩ଜଣ ଟ୍ରାଫିକ ପୁଲିସ ନିୟୋଜିତ ହୋଇଛନ୍ତି । ଏହାସହ ଢେଙ୍କାନାଳ ଜିଲ୍ଲାପାଳ ସରୋଜ କୁମାର ସେଠୀ ଆଜି ସଭାସ୍ଥଳ ବୁଲି ସ୍ଥିତି କୁ ଅନୁଧ୍ୟାନ କରିଛନ୍ତି ।