19-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ସାରା ରାଜ୍ୟରେ କରୋନା କଟକଣା ଯୋଗୁଁ ଏବର୍ଷ  ଫିକା ପଡିଛି  ବୋଇତ ବନ୍ଦାଣ ପରମ୍ପରା l ହେଲେ କୋଭିଡ କଟକଣା ସତ୍ତ୍ୱେ ସୁବର୍ଣ୍ଣପୁର ମହାନଦୀ ତେଲନଦୀ କର୍ପୁର ନଦୀର ତ୍ରିବେଣୀ ସଙ୍ଗମ ବା ଦ୍ଵିତୀୟ ବାରାଣାସୀ କୁହାଯାଉଥିବା ଐତିହାସିକ ପୀଠ ଶ୍ରୀ ରାମେଶ୍ୱର  ଠାରେ ମହାପ୍ରଭୁଙ୍କ ଦର୍ଶନ ଓ ପ୍ରାକୃତିକ

ସୌନ୍ଦର୍ଯ୍ୟ କୁ ଉପଭୋଗ କରିବା ପାଇଁ ସୁବର୍ଣ୍ଣପୁର ଜିଲ୍ଲା ତଥା ପାଖ ପଡୋଶୀ  ଜିଲ୍ଲାର ହଜାର ହଜାର ଭକ୍ତ ଶ୍ରଦ୍ଧାଳୁ ଙ୍କ ଭିଡ଼ ଦେଖିବାକୁ ମିଳିଥିଲା l ସାଧବ ପୁଅ ମାନେ ଭାଦ୍ରବ ମାସ ଦେଶ ବିଦେଶ ରେ  ବାଣିଜ୍ୟ ସାରି ନିଜ ନିଜ ଘରକୁ ଫେରିବା ଶହ ଶହ ବର୍ଷ  ପୂର୍ବରୁ ଅନେକ ଦୃଷ୍ଟାନ୍ତ ରହିଛି l  କାର୍ତ୍ତିକ ପୁର୍ଣିମା ଠାରୁ ସମୁଦ୍ର ର ଉଚ୍ଚ ଜୁଆର ସହିତ ପବନ ର ବେଗ ବୋଇତ ଚଳାଇବାରେ ସହାୟ ହୋଇଥାଏ  l ଏଣୁ ସାଧବ ପୁଅ ମାନେ ଏହି ସମୟରେ  ବାଣିଜ୍ୟ ପାଈଁ ବିଦେଶ ଯାତ୍ରା କରିଥାନ୍ତି l ଏହାକୁ ମନେ ପକାଇବା ପାଇଁ ଆଜିର ଦିନରେ ନଦୀ ଓ

ଜଳାଶୟଜଳାଶୟ ମାନଙ୍କରେ ଡ଼ଙ୍ଗା ଭସାଇବାର ପରମ୍ପରା ରହି ଆସିଛି l   ଏଇ ପରମ୍ପରା କୁ ଉଜ୍ଜୀବିତ କରିବା ପାଇଁ  ଦୀର୍ଘ ବର୍ଷ  ରୁ ସୋନପୁର ବଡ଼ବଜାର ଭଗବତ ପାଠାଗାର ପକ୍ଷରୁ ମହାନଦୀ ତେନ୍ତୁଳି ଘାଟ ଠାରେ  ରାଜ୍ୟ ସ୍ତରୀୟ ନୌଚାଳନା ପ୍ରତିଯୋଗିତା ଓ ବୋଇତ ବନ୍ଦାଣ ଉତ୍ସବ ପାଳିତ ହୋଇ ଆସୁଛି l