19-Nov-2021

ପଦ୍ମପୁର:(ନିରଞ୍ଜନ ତ୍ରିପାଠୀ) : କରୋନା କଟକଣା ସମୟରେ ଭାରତ ବର୍ଷ ର କୈାଣସି କୃଷକ ସଂଗଠନ ମାନଙ୍କ ବିନା ପରାମର୍ଶରେ ଧ୍ୱନୀ ମତରେ ଯେଉଁ ଚାଷୀ ବିରୋଧୀ ତିନି କୃଷି ଆଇନ ପ୍ରଣୟନ ଜୋରଜବରଦସ୍ତ ଭାବେ କୃଷକ ମାନଙ୍କ ଉପରେ ଲଦି ଦିଆଯାଇଥିଲା,ତାର ପ୍ରତିବାଦ ରେ ଦିର୍ଘ ୧୧ ମାସକାଳ ଆନ୍ଦୋଳନ ପରେ ଆନ୍ଦୋଳନ
ସହ ଅନେକ ସଂଗ୍ରାମ ଫଳରେ କେନ୍ଦ୍ର ସରକାର ତିନି କୃଷି

ଆଇନ ପ୍ରତ୍ୟାହାର କରିବାକୁ ବାଧ୍ୟ ହେଲେ lଏହା ସମଗ୍ର ଚାଷୀ କୂଳ ର ବିଜୟ କହିଲେ ଅତ୍ୟୁକ୍ତି ହେବ ନାହିଁ lକାରଣ କୃଷକ ବର୍ଷା,ଖରା,ଶୀତ କୁ ଖାତିର ନ କରି ଯେଉଁଭଳି ଭାବେ କେନ୍ଦ୍ର ସରକାର ତିନି କୃଷି ଆଇନ ପାଇଁ ଆନ୍ଦୋଳନ ଜାରି ରଖିଥିଲେ ତାହା ପୃଥିବୀ ରେ ବିରଳ l ଯେମିତି ହେଲେ ଲାଗୁ କରିବାକୁ ଅଡି ବସିଥିବା କେନ୍ଦ୍ର ସରକାର କୁ ଶେଷରେ ନତମସ୍ତକ ହେବାକୁ ପଡ଼ିଛି lକଥାରେ ଅଛି ଚାଷୀ ହେଉଛନ୍ତି ଦେଶ ର ମେରୁଦଣ୍ଡ lତାଙ୍କ ମାନଙ୍କ ପାଇଁ ଖାଇବାକୁ ଶସ୍ୟ ଗଣ୍ଡିଏ ମିଳିପାରୁଛି,ତାକୁ ଅଣଦେଖା କରି  ଦେଶ କେବେ ପ୍ରଗତିଶୀଳ ହୋଇପାରିବ ନାହିଁ lସେ ଯାହାବି ହେଉ ସରସ୍ୱତୀ କଣ୍ଠରେ ବସିଲା ଭଳି କେନ୍ଦ୍ର ସରକାର ଏହି କୃଷି ଆଇନ କୁ ପ୍ରତ୍ୟାହାର କରିଥିବାରୁ ଆଜି ବରଗଡ ଜିଲ୍ଲା ରାଜବୋଡାସମ୍ବର କୃଷକ ସଂଗଠନ ପଦ୍ମପୁର ବିଜୟ ଉତ୍ସବ ମାନିବା ସହିତ ମିଠା ବଣ୍ଟନ l

କରି କୃଷକ ଏକତା ଜିନ୍ଦାବାଦ,ରାଜ ବୋଡାସମ୍ବର କୃଷକ ସଂଗଠନ ଜିନ୍ଦାବାଦ ପ୍ରଭୃତି ବିଭିନ୍ନ ପ୍ରକାରର ନାରା ଦେଇଥିଲେ lଏହି କାର୍ଯ୍ୟକ୍ରମ ରେ  ରାଜବୋଡାସମ୍ବର କୃଷକ ସଂଗଠନ ର ଆବାହକ ସର୍ବଶ୍ରୀ ଅଶୋକ କୁମାର ସାହୁ, ରୋହିତ ପ୍ରଧାନ, କୈଳାସ ବାରିକ, ନବୀନ ବେହେରା, ଦହିତ ସାହୁ, ମୁକ୍ତେଶ୍ଵର ପଟେଲ, ବାଳକୃଷ୍ଣ ବନଛୋର, ପ୍ରଶାନ୍ତ ପ୍ରଧାନ, ପ୍ରକାଶ ମିଶ୍ର,କାହ୍ନୁ ମେହେର,କରମଚାନ୍ଦ ବେହେରା ପ୍ରମୁଖ ଏହି ବିଜୟ ଉତ୍ସବ ରେ ସାମିଲ ହୋଇ ଖୁସି ମନାଛନ୍ତି