19-Nov-2021

ସାଲେପୁର:କଟକ ଜିଲ୍ଲା ସାଲେପୁର ଥାନା ତଥା ସାଲେପୁର ବ୍ଲକ୍ ର ନଈଗୁଆଁ ଅଞ୍ଚଳ ର ମୁଖ୍ୟ ସାଲେପୁର କୁ ସଂଯୋଗ କରୁଥିବା ରାସ୍ତା କଡରେ ଥିବା ଯୋରର ଦୃଶ୍ୟ। ଯେଉଁଠି  ମଦ ବୋତଲ,ପାଣି ବୋତଲ ଇତ୍ୟାଦି ଭାସୁଛି,ଏତେ ପରିମାଣ ର ଯେ ଯାହା ଆଖିରେ ଦେଖିଲେ  ହିଁ ସତ୍ୟ କୁ ପରଖି ପାରିବେ।
ଉକ୍ତ ଯୋର ର ପାଣି ଚାଷ କାମ ରେ ନିୟୋଜିତ ହେଉଛି ,ଚାଷ ଜମି,ଜଳଚର ଜୀବଙ୍କ ପାଇଁ ବିପଦ ସୃଷ୍ଟି କରୁଛି। କିଛି ଅସାମାଜିକ ମାନଙ୍କ ଏହି ଅମାନବୀୟ କାର୍ଯ୍ୟ ହେଉଥିବା ବେଳେ ଅନ୍ୟ ପଟେ ଜପକୁଦ ଫାଣ୍ଡି ଅଞ୍ଚଳରେ ସାର ମିସା ଦେଶି ମଦର ବ୍ୟବସାୟ ଜୋର ଧରିଛି । ଆଗାମୀ ପଞ୍ଚାୟତ ନିର୍ବାଚନ କୁ ଆଖି ଆଗରେ ରଖି ଚୋରା ମଦ ବ୍ୟବସାୟୀ ସକ୍ରୀୟ ହୋଇ ଥିବା ବେଳେ ପୋଲିସ ଓ ଅବକାରୀ ବିଭାଗ ସବୁ ଜାଣି ନିରବ କାହିଁକି ସାଜୁଛି ? ନା ସେମାନେ କିଛି ହାତ ଗୁଞ୍ଚା ନେଇ  ପାଷାଣ ପାଲଟୁଛନ୍ତି ? ଏବେ ଏହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।
ତେଣୁ ନିକଟସ୍ଥ ଜନପ୍ରତିନିଧି ଓ ସ୍ଥାନୀୟ ପ୍ରଶାସନ ଏ ଘଟଣା ର ସତ୍ୟ କୁ ପରଖିବା ସହିତ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କଲେ ଅସାମାଜିକ ମାନେ ଭଲ ବାଟ କୁ ଆସନ୍ତେ ଓ ଭଳି ଘୃଣ୍ୟ କାମ ରୁ ଦୂରେଇ ଯାଇପାରନ୍ତେ।ଏ
ହେଉଛି ସାଲେପୁର ର ମଧୁ ମାଟି ପାଇଁ ଲଜ୍ୟା ଜନକ ବିଷୟ ।ଏ ଭଳି ଅସାମାଜିକ ଙ୍କ ଉପରେ ତୀକ୍ଷ୍ଣ ଦୃଷ୍ଟି ସହ କାର୍ଯ୍ୟାନୁଷ୍ଠାନ ନେଲେ ହୁଏତ କିଛି ସୁଫଳ ମିଳି ପରାନ୍ତା। ଦାୟିତ୍ୱବାନ ଗଣମାଧ୍ୟମର କର୍ତ୍ତବ୍ୟ ସମ୍ପାଦନ କରିବା ପାଇଁ ଏହା ଥିଲା ଆମର ଖବର କିନ୍ତୁ ବିଚାର ଆପଣ ମାନଙ୍କର।(ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ )