17-Nov-2021

କଣ୍ଟାବାଞ୍ଜି(ଆନନ୍ଦ ମୋଟେ) : ମଙ୍ଗଳବାର ସନ୍ଧ୍ୟାରେ କଣ୍ଟାବାଞ୍ଜି ଖାଟୁ ଶ୍ୟାମ ମନ୍ଦିର ପଖରେ ଏକ ଚାରିଚକିଆ ଗାଡ଼ି ଧକ୍କାରେ ଉଭୟ ଗୁରୁତର ଆହତ ହୋଇଛନ୍ତି। ଉଭୟ ନୂଆପଡ଼ା ଜିଲ୍ଲା ରାଜ ଖରିଆରର ୨ ଜଣ ଦାଦନ ଯିବାକୁ ଅଗ୍ରିମ ଟଙ୍କା ନେବାକୁ ଆସିଥିବା ବେଳେ ଦୁର୍ଘଟଣାର ଶିକାର ହୋଇଛନ୍ତି। ।ମଙ୍ଗଳବାର ରାଜ ଖରିଆର ବ୍ରାହ୍ମଣପଡ଼ାର ସଦାଶିବ  ନିଆଲ ଓ ବନ୍ଧପଡ଼ାର ସନ୍ତୋଷ ଶବର ଏକ ବାଇକ୍‌ରେ କଣ୍ଟାବାଞ୍ଜିର ଜଣେ ଦାଦନ ସର୍ଦ୍ଦାର ନିକଟକୁ ଅଗ୍ରିମ ଟଙ୍କା ନେବାକୁ ଆସିଥିଲେ। କିନ୍ତୁ ଦାଦନ ସର୍ଦ୍ଦାର ସେମାନଙ୍କୁ ଅଗ୍ରୀମ ଟଙ୍କା ଦେଇ ନଥିଲେ । ଫଳରେ ଉଭୟ ସଂଧ୍ୟାରେ ଘରକୁ ଫେରୁଥିବା ବେଳେ କଣ୍ଟାବାଞ୍ଜି ନିକଟସ୍ଥ ଖାଟୁ ଶ୍ୟାମ ମନ୍ଦିର ନିକଟରେ ବଙ୍ଗୋମୁଣ୍ଡା ପଟୁ ଆସୁଥିବା ଏକ ଅଜଣା ଚାରି ଚକିଆ ଗାଡ଼ି ଧକ୍କା ଦେଇ ଫେରାର୍ ହୋଇଯାଇଥିଲା। ସ୍ଥାନୀୟ ଲୋକ ଉଭୟଙ୍କୁ ଉଦ୍ଧାର କରି କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି କରିଥିଲେ ସେଠାରେ ପ୍ରାଥମିକ ଚିକିତ୍ସା ପରେ ଉଭୟଙ୍କୁ ବଲାଙ୍ଗୀର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି।