17-Nov-2021

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକ ବାଲିପଟା ଗ୍ରା:ପ:ଅନ୍ତର୍ଗତ ଖଳିଆ ଗାଁ ର କ୍ରିକେଟ ଖେଳ ପଡ଼ିଆ ଠାରେ ବାଞ୍ଜିତଳିଏନ କ୍ରିକେଟ ଏସୋସିଏସନ ତରଫରୁ ଜିଲ୍ଲା ସ୍ତରୀୟ କ୍ରିକେଟ ପ୍ରତିଯୋଗିତାର ଆଜି ଉଦଘାଟନୀ ଉତ୍ସବ । ଉଦଘାଟନୀ ଉତ୍ସବ ରେ ମୁଖ୍ୟ ଅତିଥି ଭାବରେ ଜିଲ୍ଲା ଆଦିବାସୀ କଲ୍ୟାଣ ସଂଘ ର ସମ୍ପାଦକ ଶ୍ରୀ ଗିରିରାଜ ଭୋଇ, ସମ୍ମାନିତ ଅତିଥି ଭାବରେ ଶ୍ରୀ ମନୋଜ ସାହୁ, ଅନ୍ୟତମ ସମ୍ମାନିତ ଅତିଥି ଭାବରେ ସାଲେପାଲି ଗ୍ରା:ପ:ସରପଞ୍ଚ ଶ୍ରୀ ସରୋଜ ଭୋଇ ଯୋଗଦେଇ ପ୍ରଥମେ ଲାଲ ଫିତା କାଟି ଉଦ୍ଘାଟନ କରିଥିଲେ । ମୁଖ୍ୟ ଅତିଥି ଆଜିର ଉଦ୍ଘାଟନ ଉତ୍ସବ ର ଉଭୟ ଦଳକୁ ଭାତୃତ୍ୱ ଭାବ ରଖି ଶାନ୍ତି ଶୃଙ୍ଖଳା ରକ୍ଷା ସହ ଆକ୍ରୋସ ମନୋଭାବ ନରଖି ଖେଳିବାକୁ ଆହ୍ୱାନ କରିବା ସହ ଜିତିଗଲେ ବେଶୀ ଉତ୍ସାହିତ ନହୋଇ ଆହୁରି ଭଲ ଖେଳ ପ୍ରଦର୍ଶନ କରିବାକୁ ଓ ପରାଜିତ ହୋଇଗଲେ ମନ କଷ୍ଟ ନକରି ଆହୁରି କଠିନ ପରିଶ୍ରମ କରି ଭଲ ପ୍ରଦର୍ଶନ କରିବାକୁ କହିଥିଲେ । ଆଜିର ମ୍ୟାଚ ଚୂଲାଦରହ ଓ ମୁଣ୍ଡଦର୍ହ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା ପ୍ରଥମେ ଚୂଲାଦରହ ଟସ ଜିଣି ବେଟିଂ ନିଷ୍ପତ୍ତି

ନେଇଥିଲେ । ଛଅ ଓଭର ର ଖେଳ ରେ ୪ ଉଇକେଟ ବିନିମୟରେ ୬୬ରନ ସଂଗ୍ରହ କରିବାରେ ସମର୍ଥ ହୋଇଥିଲେ ପ୍ରତିଯବାବ ରେ ମୁଣ୍ଡଦର୍ହ ଦଳ ୧ଉଇକେଟ ବିନିମୟରେ ବିଜୟୀ ହୋଇଥିଲା ।ଶଙ୍କର ସାହୁ, ପାନ ନାଏକ, ଲୋକନାଥ ସାହୁ, ତୁଳରାମ ନାଏକ,ମିନିକେତନ ସିଂ, ସୁବାସ ସିଂ, ଜପିନ୍ଦ୍ର ସୁନା, ନିରାକାର ସାହୁ, ଭୁବନେଶ୍ୱର ବନଛୋର, ଭାସ୍କର ସାହୁ, ମନୋଜ ଲୁହା, କସ୍ତୁଭ ସାହୁ ପ୍ରମୁଖ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଅରୁଣ ନାଏକ କମେଣ୍ଟ୍ରି କରିଥିବା ବେଳେ ଅଭିଳାଷ ଲୁହା ସ୍କୋରର ଦାୟିତ୍ୱ ତୁଲାଇ ଥିଲେ ।ଏହି ପ୍ରତିଯୋଗିତାରେ ସମୁଦାୟ ୩୨ ଗୋଟି ଦଳ ଅଂଶଗ୍ରହଣ କରିଥିବା ବେଳେ ଆଗାମୀ ୨୧ ତାରିଖ ଦିନ ଏହାର ଉଦଯାପିତ ହେବ ବୋଲି କ୍ରିକେଟ ଏସୋସିଏସନ ର ସଭାପତି ଶ୍ରୀ ବିପିନ ନାଏକ ସୂଚନା ଦେଇଛନ୍ତି ।