17-Nov-2021

ସମ୍ବଲପୁର,(ସଂଜୀବପାଣିଗ୍ରାହୀଙ୍କରିପୋର୍ଟ): ସମାଜକୁ ପରିବର୍ତ୍ତନ କରିବାର ମାଧ୍ୟମ ଗଣମାଧ୍ୟମ I ମାତ୍ର ସମ୍ପ୍ରତି ଗଣମଧ୍ୟାମ ସକାରାତ୍ମକ ଖବର ଅପେକ୍ଷା  ନକରାତ୍ମକ ଖବର ପରିବେଷଣ ଉପରେ ଅଧିକ ଗୁରୁତ୍ୱ ଦେଉଥିବାରୁ ଗଣ ମାଧ୍ୟମ ଆଜି ଦୋଛକିରେ ବୋଲି ଓଡିଶା ସାମ୍ବାଦିକ ସଂଘ (ଓଜେୟୁ) ସମ୍ବଲପୁର ଜ଼ିଲ୍ଲା ଶାଖା ପକ୍ଷରୁ ମଙ୍ଗଳବାର ଅନୁଷ୍ଠିତ ଜାତୀୟ ପ୍ରେସ୍ ଦିବସରେ ବକ୍ତା ମାନେ ମତ ପ୍ରକାଶ କରିଥିଲେ I ସ୍ଥାନୀୟ ଓଡିଶା ସାଂସ୍କୃତିକ ସମାଜ ସମ୍ମିଳନୀ କକ୍ଷରେ ଜ଼ିଲ୍ଲା ସ୍ତଓଜେୟୁ ପକ୍ଷରୁ ଜାତୀୟ ପ୍ରେସ୍ ଦିବସ ପାଳିତରୀୟଓଜେୟୁ ପକ୍ଷରୁ ଜାତୀୟ ପ୍ରେସ୍ ଦିବସ ପାଳିତ "ଜାତୀୟ ପ୍ରେସ୍ ଦିବସ" ପାଳନ ଅବସରରେ ସଦ୍ୟ ପଦ୍ମଶ୍ରୀ ସାମ୍ମନ ବିଭୁସିତ ବିଶିଷ୍ଟ ଲୋକ ଗୀତିକାର ମିତ୍ରଭାନୁ ଗୌନ୍ତିଆ ମୁଖ୍ୟ ଅତିଥି ଭାବେ ଯୋଗଦେଇ ରଙ୍ଗବତୀ ଗୀତର ଜନ୍ମ ଇତିହାସ ଉପରେ ସୂଚନା ଦେଇ ଗଣମାଧ୍ୟମ ଯୋଗୁଁ ହିଁ ଏହା ବିଶ୍ୱ ବିଦିତ ହୋଇପାରିଲା ବୋଲି ମତ ପ୍ରକାଶ କରିଥିଲେ I ସେ ତାଙ୍କର ବକ୍ତବ୍ୟରେ ପଦ୍ମଶ୍ରୀ ସମ୍ମାନ ସମ୍ବଲପୁରୀ ଭାଷା, ସାହିତ୍ୟ ଓ ସଂସ୍କୃତିକୁ ସ୍ୱୀକୃତି ବୋଲି ବୋଲି ଅଭିହିତ କରିଥିଲେ I  ରାଉରକେଲା ପ୍ରେସ୍ କ୍ଲବର ସଭାପତି ସାମ୍ବାଦିକ ମିହିର ରାୟ ମୁଖ୍ୟବକ୍ତା ଭାବେ ଯୋଗଦେଇ "ମହାମାରୀରେ ଗଣମାଧ୍ୟମ ଏକ ନୂତନ ଆହ୍ଵାନ" ଶୀର୍ଷକ ବିଷୟ ଉପରେ ମତ ପ୍ରକାଶ କରି ସାମ୍ବାଦିକଙ୍କ ଜୀବନ ଏକ ଆହ୍ୱାନ ତଥାପି ଆମକୁ ସକାରାତ୍ମକ ବିଚାରଧାରା ନେଇ ଆଗକୁ ବଢ଼ିବାକୁ ହେବ ବୋଲି ପ୍ରକାଶ କରିଥିଲେ I କାର୍ଯ୍ୟକ୍ରମରେ ଉଦଘାଟକ ଭାବେ ଯୋଗଦେଇ ବ୍ରହ୍ମIକୁମାରୀ ସମ୍ବଲପୁରର ଉପ-କ୍ଷେତ୍ରୀୟ ସଂଚାଳିକା ରାଜଯୋଗିନୀ ବ୍ରହ୍ମIକୁମାରୀ ପାର୍ବତୀ ସକାରାତ୍ମକ ଲେଖା ଲେଖିଲେ ସମାଜର ଉତ୍ଥାପନ ହୋଇପାରିବ ବୋଲି ପ୍ରକାଶ କରିଥିଲେ I ସଂଘର ଜ଼ିଲ୍ଲା ଉପ ସଭାପତି ସୁକାନ୍ତ କରଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅନ୍ୟତମ ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ଶିବ ଶରଣ ମିଶ୍ର, ସଂଘର ରାଜ୍ୟ ସମ୍ପାଦକ ସୁଶାନ୍ତ ମହାପାତ୍ର, ପଶ୍ଚିମ ଓଡିଶା ପ୍ରାନ୍ତୀୟ ସମ୍ପାଦକ ରମାକାନ୍ତ ବିଶ୍ୱାଳ, ଜ଼ିଲ୍ଲା ସାଧାରଣ ସମ୍ପାଦକ ସରୋଜ ସାହୁ ମଂଚାସୀନ ଥିଲେ I  ଏହି ଅବସରରେ ବିଶିଷ୍ଟ ଲୋକ ଗୀତିକାର ପଦ୍ମଶ୍ରୀ ମିତ୍ରଭାନୁ ଗୌନ୍ତିଆଙ୍କୁ ସହରର ବିଭିନ୍ନ ଅନୁଷ୍ଠାନ ଯଥା ଓଡିଶା ସାଂସ୍କୃତିକ ସମାଜ, ସେତୁ, ସମ୍ବଲପୁରୀ ଭାଷା ଏକାଡେମୀ, ଉତ୍ସର୍ଗ, ପଶ୍ଚିମାଞ୍ଚଲ ଏକତା ମଞ୍ଚ, ସ୍କାନ, ସମ୍ବଲପୁରୀ ଭାଷା ସଂସ୍କୃତି ପରିଷଦ, ସମ୍ବଲପୁରୀ ସଂଘ, ବିଜୁ ସୃତି କମିଟି, ନୀଳଚକ୍ର, ଜ଼ିଲ୍ଲା ବାରିକ ସମାଜ, ଜ଼ିଲ୍ଲା ଯାଦବ ସମାଜ, ସ୍ୱାଧୀନ ଏକତା ସଙ୍ଗଠନ, ପଲ୍ଲିଶ୍ରୀ, ଏଵିସିଡି ଚାରିଟେବଲ ଟ୍ରଷ୍ଟ, ଲାୟନ୍ସ କ୍ଲବ ହୀରାକୁଦ, ଟିମ୍ ସିଧୁ ଶାହା, ଆଶା ଭରସା, ପ୍ରଜାପିତା ବ୍ରହ୍ମ କୁମାରୀ ଇଶ୍ୱରୀୟ ବିଶ୍ୱ ବିଦ୍ୟାଳୟ, ରତ୍ନାକର ବେହେରା ଯୁବକ ସଂଘ, ଜ୍ୟୋତି, ଅଣ ଗେଜେଟ କର୍ମଚାରୀ ସଂଘ, ଓବିସି ମଞ୍ଚ, ଉଦ୍ୟମ, ଭରସା ପରିବାର, ସ୍ୱାଧୀନ ଫାଉଣ୍ଡେସନ ଆଦି ଅନୁଷ୍ଠାନ ପକ୍ଷରୁ ନାଗରିକ ସମ୍ବର୍ଦ୍ଧନା ଜ୍ଞାପନ କରାଯାଥିଲା I ଏହି ସମ୍ବର୍ଦ୍ଧନା କାର୍ଯ୍ୟକ୍ରମକୁ ଦେବାଶିଷ ବେହେରା ସଂଯୋଜନା କରିଥିଲେ I ଏହି ଅବସରରେ ଦିବଂଗତ ସାମ୍ବାଦିକଙ୍କ ବିଧବା ପତ୍ନୀଙ୍କୁ ସଂଘ ପକ୍ଷରୁ ଅତିଥି ଗଣ ଅନୁକମ୍ପା ମୂଳକ ଆର୍ଥିକ ସହଯୋଗ ରାଶି ପ୍ରଦାନ କରିଥିଲେ  I ସଭା ପ୍ରାରମ୍ଭରେ କୋଭିଡ-୧୯ ତଥା ନିକଟ ଅତୀତରେ ମୃତ୍ୟୁ ବରଣ କରିଥିବା ରାଜ୍ୟର ସାମ୍ବାଦିକ ମାନଙ୍କ ବିୟୋଗରେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା I ସଂଘର ଉପଦେଷ୍ଟା ତଥା ସାହିତ୍ୟକ ସୁବାସ ଚନ୍ଦ୍ର ନାୟକ ଅତିଥି ପରିଚୟ ପ୍ରଦାନ ସହ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ସଞ୍ଜୟ ପାଗୋଡା ଧନ୍ୟବାଦ ଅର୍ପଣ କରିଥିଲେ I