16-Nov-2021

 ବିନିକl(ହିମାଂଶୁ ଶେଖର ପୁଟେଲ) ବର୍ତ୍ତମାନ ଖରିଫ ଧାନ ଅମଳ ଅବସ୍ଥାକୁ ଆସିଲାଣି l ଠିକ ଏହି ସମୟରେ ବଣୁଆ ହାତୀ ପଲ ନଦୀ ଆରପଟରୁ ବିନିକା ପଟକୁ ଆସି ଚାଷ ଜମିର ଧାନ ଗଛ ଗୁଡ଼ିକୁ ମାଡ଼ି ଦେଉଥିବାରୁ ତାହା ନଷ୍ଟ ହେବା ସହ ସମ୍ପୁର୍ଣ୍ଣ ଭାବେ ମାଟିରେ ମିଶି ଯାଉଛି l ଯାହା ଫଳରେ ଚାଷୀ କ୍ଷତିର ସମ୍ମୁଖୀନ ହେଉଛନ୍ତି l ଗତ କାଲି ବିଳମ୍ବିତ ରାତିରେ ପ୍ରାୟ ୪୦ଘରିଆ ହାତୀ ପଲ ଉଲୁଣ୍ଡା ଜଙ୍ଗଲ ରୁ ନଦୀ ପାରି ହୋଇ ବିନିକା ଅଞ୍ଚଳର ସେଲେଡି-ତୁଲୁଣ୍ଡୂପାଲି ଗ୍ରାମକୁ ଆସିଥିଲେ l ନଦୀ କୂଳରେ ଥିବା ସେଲେଡ଼ି ଗ୍ରାମର ଘାସିରାମ ମାହାକୁର,ଗୋପାଳ ବାଘ,ଶରତ ଝାଙ୍କର,ବିଶ୍ଵନାଥ ପ୍ରଧାନ,ଆକାଶ ମହାକୁର,ଶିବ ଶଙ୍କର ମହାକୁର,ପରୀକ୍ଷିତ ଝାଂକର,ଦେବେନ୍ଦ୍ର ସ୍ୱାଇଁ ଏବଂ ତୁଲୁଣ୍ଡୁପାଲି ଗ୍ରାମର ମଧୁ ପାଞ୍ଚି,ରୀଙ୍କୁ ନାଗ, ସନ୍ତୋଷ ପଧାନ, ଏକାଦଶୀ ଆ

ପଧାନ,ବାଲ୍ମୀକି ପଧାନ, ହାଦୁ ପଧାନ,ବିଭୂତି ପାଡ଼ି ପ୍ରମୁଖଙ୍କ ସମେତ ଆହୁରି ଅନେକ ଚାଷୀଙ୍କ ଚାଷ ଜମିର ଧାନ ଗଛ ଗୁଡ଼ିକୁ ମାଡ଼ି ଦେଇଥିବାରୁ ଅମଳ ଅବସ୍ଥାରେ ଥିବା ଧାନ ଗଛ ଗୁଡ଼ିକ ମାଟିରେ ମିଶି ଯାଇଥିବା ଦେଖିବାକୁ ମିଳିଛି l ପରେ ହାତୀ ପଲ ପୁଣି ନଦୀ ପାରି ହୋଇ ଫେରି ଯାଇଥିବା ଜଣାପଡିଛି l ଏହି ସମୟରେ ହାତୀଙ୍କ ଆଗମନ ହେଉନଥିବାରୁ ସାରା ବିନିକା ଅଞ୍ଚଳରେ କୋକୁଆଭୟର ବାତାବରଣ ସୃଷ୍ଟି କରିଛି l ତେଣୁ ଏ ଦିଗରେ ବଣ ବିଭାଗ କର୍ତ୍ତୃପକ୍ଷ ତୀକ୍ଷଣ ନଜର ରଖିବା ଆବଶ୍ୟକ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି l