14-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ଶ୍ରୀ ଜଗନ୍ନାଥଙ୍କ ନାଗାର୍ଜୁନ ବେଶ ପାଈଁ ପାତାଳୀ ଶ୍ରୀ କ୍ଷେତ୍ରରୁ ପୁରୀ ଶ୍ରୀ କ୍ଷେତ୍ର କୁ  ଯାତ୍ରା କରୁଥିବା ଫୁଲ ଓ ତୁଳସୀ ରଥକୁ ଆଜି ସକାଳେ ସୁବର୍ଣ୍ଣପୁର ଜ଼ିଲ୍ଲାର ବିନିକା ଜଗନ୍ନାଥ  ମନ୍ଦିର  ଓ ସହର,  ସୋନପୁର ବ୍ଲକ ଛକ, ଦଧିବାମନ ମନ୍ଦିର, ଜଗନ୍ନାଥ ମନ୍ଦିର, ଶ୍ରୀ ଗୁଣ୍ଡିଚାମନ୍ଦିର, ଓ  ବସଷ୍ଟାଣ୍ଡ ପଞ୍ଚରଥ ମନ୍ଦିର ସମ୍ମୁଖରେ ଶ୍ରୀ ରାମ ଚରିତ କମିଟି ସଦସ୍ୟ ଓ ହଜାର ହଜାର ଜଗନ୍ନାଥ ପ୍ରେମୀ ଭକ୍ତ ଶ୍ରଦ୍ଧାଳୁଙ୍କ ଦ୍ୱାରା  ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l ହରିବୋଲ  ହୁଳହୁଳି ଘଣ୍ଟ ଓ ଶଙ୍ଖ ବାଦ୍ୟ ରେ ଆଜି ସହରରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା l ବିନିକା ଓ ସୁବର୍ଣ୍ଣପୁର ସହର ପରିକ୍ରମା ବେଳେ ପ୍ରତ୍ୟେକ ସାହି ଓ ଛକ ମାନଙ୍କରେ ଶହ ଶହ ମହିଳା ଭକ୍ତ ତୁଳସୀ, ଫୁଲ, ଧୂପ, ଦୀପ ଅର୍ପଣ କରି  ଅନେକ ଭକ୍ତ  ରଥ ରେ କିଛି କିଛି ଦକ୍ଷିଣା ମଧ୍ୟ ପ୍ରଦାନ କରିଥିଲେ l ଏହି କାର୍ଯ୍ୟକ୍ରମରେ ଶ୍ରୀ ରାମ ଚରିତ କମିଟି

ସହିତ ଜ଼ିଲ୍ଲାର ଅନେକ ସାମାଜିକ ଅନୁଷ୍ଠାନ ସହଯୋଗ କରିଥିବା ବେଳେ  ସମାଜସେବୀ ଶ୍ରୀ ବତ୍ସ ମଲ୍ଲିକ ଓ  ଶ୍ରୀ ରାମ ଚରିତ କମିଟିର  ଉଦ୍ୟୋକ୍ତl ଗଦାଧର  ବାରିକଙ୍କ ତତ୍ୱାବଧାନରେ ଏ କାର୍ଯ୍ୟକ୍ରମ ଆୟୋଜନ କରାଯାଇଥିଲା l ହେଲେ ଜ଼ିଲ୍ଲା ପ୍ରଶାସନର ସଂସ୍କୃତି ବିଭାଗ, ଦେବୋତ୍ତର  ବିଭାଗ କିମ୍ବା ପୋଲିସ ପ୍ରଶାସନର କୌଣସି ଜଣେ  ମଧ୍ୟ  ଅଧିକାରୀ କର୍ମଚାରୀ ରଥ ପରିକ୍ରମା ସମୟରେ  ଶୃଙ୍ଖଳା ଦାଇତ୍ୱରେ କି ରଥ ଦର୍ଶନ ରେ  କୌଣସି ଜାଗାରେ ଦେଖା ଦେଇ ନ ଥିବାରୁ ସହର ତଥା ଜ଼ିଲ୍ଲାର ଜଗନ୍ନାଥ ପ୍ରେମୀ, ସଂସ୍କୃତିପ୍ରେମୀ ତଥା ବୁଦ୍ଧିଜୀବୀ ମହଲ କ୍ଷୋଭ ପ୍ରକାଶ କରିଛନ୍ତି l