13-Nov-2021

ବିନିକା(ହିମାଂଶୁ ଶେଖର ପୁଟେଲ) କୋଭିଡ କଟକଣା ଯୋଗୁଁ ବନ୍ଦ ରହିଥିବା ୬ଓ୭ ଶ୍ରେଣୀ ଛାତ୍ରଛାତ୍ରୀଙ୍କ ସ୍କୁଲ୍ ଆଉ ଦୁଇଦିନ ପରେ ଅର୍ଥାତ ନଭେମ୍ବର ୧୫ତାରିଖରେ ଖୋଲିବାକୁ ଯାଉଛି l ପାଠପଢା ନେଇ ଛାତ୍ରଛାତ୍ରୀ ମହଲରେ ଉତ୍କଣ୍ଠାର ବାତାବରଣ ସୃଷ୍ଟି କରିଛି l ସରକାରୀ/ବେସରକାରୀ ଶିକ୍ଷାନୁଷ୍ଠାନ ଗୁଡିକ ଏନିକି କୋଳାହଳରେ ପ୍ରକମ୍ବିତ ହେବାକୁ ଯାଉଥିବା ବେଳେ ଶିକ୍ଷାଦାନ ଦେବାରୁ ବଞ୍ଚିତ ଶିକ୍ଷକ/ଶିକ୍ଷୟତ୍ରୀ ମହଲରେ ମଧ୍ୟ ଏନେଇ ଉତ୍ସାହ ପରିଲକ୍ଷିତ ହୋଇଛି । ଅଧ୍ୟୟନରତ ପାଇଁ ତର ତର ଛାତ୍ରଛାତ୍ରୀ ଶିକ୍ଷାଦାନ ସକାଶେ ଯିଏ ଯାହାର  ସ୍କୁଲକୁ ପାଦ ଦେବାପାଇଁ ପ୍ରସ୍ତୁତ ହେଉଥିବା ବେଳେ ଗତ ୨ବର୍ଷ ହେଲା ବିନିକାର ପର୍ଯ୍ୟଟନ ସ୍ଥଳୀ ପାପକ୍ଷୟ ନିକଟ

ଐତିହସିକ ତାରାପୁର ଗଡ ଠାରେ ୫ବର୍ଷ ହେଲା ନିର୍ମାଣ ଚାଲିଥିବା ଆଦର୍ଶ ବିଦ୍ୟାଳୟ କାମ ଏବେବି ଅସମ୍ପୂର୍ଣ୍ଣ ରହିଥିବାରୁ ନୁଆଁ କରି ଯୋଗଦାନ କରିବାକୁ ଯାଉଥିବା ଛାତ୍ରଛାତ୍ରୀ ମାନେ ଉକ୍ତ ବିଦ୍ୟାଳୟରେ ପାଦ ନ ପକାଇ ବିନିକା ସରକାରୀ ବାଳକ ଉଚ୍ଚ ବିଦ୍ୟାଳୟରେ ଅଧ୍ୟୟନ କରିବେ ବୋଲି ଅଭିଭାବକ ସମ୍ବିଳନି ରେ ନିଷ୍ପତି ନିଆଯାଇଛି । ସୂଚନା ଯୋଗ୍ୟଯେ ଗୁଣାତ୍ମକ ଶିକ୍ଷାର ବିକାଶ ପାଇଁ ମେଧାବୀ ଛାତ୍ରଛାତ୍ରୀଙ୍କ ଭବିଷ୍ୟତର ଉନ୍ନତି ସକାଶେ ରାଜ୍ୟ ସରକାର ଆଦର୍ଶ ବିଦ୍ୟାଳୟ ମାନ ବିଭିନ୍ନ ସ୍ଥାନରେ ନିର୍ମାଣ କରିଛନ୍ତି l କିନ୍ତୁ ଅତ୍ୟନ୍ତ ପରିତାପର ବିଷୟ ଏଠାରେ ନିର୍ମାଣାଧୀନ ଆଦର୍ଶ ବିଦ୍ୟାଳୟ ଦୀର୍ଘ ବର୍ଷ ହେଲା ନିର୍ମାଣ ଚାଲିଥିଲେ ହେଁ ଅଦ୍ୟାବଧି ସମ୍ପୁର୍ଣ୍ଣ ହୋଇ ନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି । କୋଭିଡ ଯୋଗୁଁ ସ୍କୁଲ ବନ୍ଦ ଥିବା ଏବଂ କୋଠାଘର ନଥିବାରୁ ଉକ୍ତ ବିଦ୍ୟାଳୟର ଛାତ୍ରଛାତ୍ରୀ ମାନେ ନିକଟସ୍ଥ ଉଲୁଣ୍ଡା ଆଦର୍ଶ ବିଦ୍ୟାଳୟ ସହିତ ଟେକଅପ କରି ଅନଲାଇନ ମାଧ୍ୟମରେ କ୍ଲାସ କରି ଆସୁଥିଲେ । ହେଲେ କାହାର ନେଟୱର୍କ ସମସ୍ୟା ଯୋଗୁଁ ଅଧିକାଂଶ ଛାତ୍ରଛାତ୍ରୀ ଅନଲାଇନ କ୍ଲାସ୍ ରୁ ବଞ୍ଚିତ ହୋଇଛନ୍ତି ।ତେବେ ସେ ଯାହାବି ହେଉ ଆଜି ବିନିକା ବିଇଓ ଶଶିଭୂଷଣ ସେଠୀଙ୍କ ଅଧ୍ୟକ୍ଷତାରେ ସ୍ଥାନୀୟ ବାଳକ ଉଚ୍ଚ ବିଦ୍ୟାଳୟରେ ଅନୁଷ୍ଟିତ ସମ୍ବିଲନି ରେ ସମସ୍ତ ଅଭିଭାବକ/ଅଭିଭାବିକା ଯୋଗଦେଇ ନିଜ ନିଜ ମତ

ରଖିଥିଲେ । ଆଦର୍ଶ ବିଦ୍ୟାଳୟର ଅଧ୍ୟକ୍ଷ ସୌମ୍ୟ ରଞ୍ଜନ କ୍ଷେତୀ ଛାତ୍ରଛାତ୍ରୀଙ୍କ ପାଠପଢା ନିୟମ ସହ ନିୟମିତ ଭାବରେ କ୍ଲାସ କରିବା ଦିଗରେ ସୂଚନା ଦେଇଥିଲେ । ହାଇସ୍କୁଲ ର ପ୍ରଧାନ ଶିକ୍ଷକ ନୀଳାଚଳ ମେହେର ଆଦର୍ଶ ଛାତ୍ରଛାତ୍ରୀଙ୍କ ପାଠପଢା ଦିଗରେ ସମସ୍ତ ପ୍ରକାର ସହଯୋଗ ଯୋଗାଇ ଦେବେ ବୋଲି କହିଥିଲେ ।ଅନ୍ୟ ମାନଙ୍କ ମଧ୍ୟରେ ଶିକ୍ଷକ ମିତେଶ ଦଣ୍ଡସନା,ଶଙ୍କର୍ଷଣ ମେହେର ଛାତ୍ରଛାତ୍ରୀଙ୍କ ଶିକ୍ଷାଦାନ ଉପରେ କହିଥିଲେ ।