12-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ)  ସୁବର୍ଣ୍ଣପୁର ଜ଼ିଲ୍ଲା କଳା ପଥର ପଞ୍ଚାୟତ ଠାରେ  ଆଜି ପ୍ରଥମ ଥର ପାଇଁ ଚନ୍ଦ୍ରିକା ଏଣ୍ଟରପ୍ରାଇଜେସ କମ୍ପାନୀ ଅଗ୍ରୱାଲ ବ୍ରଦର୍ସ ମନୋଜ  ଓ  ବଣ୍ଟୁଙ୍କ ପକ୍ଷରୁ  ଆୟୋଜିତ ହୋଇଥିବା ଏକ ମେଗା କପା ଇଣ୍ଡଷ୍ଟ୍ରି ର ଶୁଭ ଉଦଘାଟନ  କଲେ ସୁବର୍ଣ୍ଣପୁର ଅତିରିକ୍ତ ଜ଼ିଲ୍ଲାପାଳ ଶ୍ରୀ ସୂର୍ଯ୍ୟ ନାରାୟଣ ଦାଶ l ସମ୍ମାନିତ ଅତିଥି ଭାବେ ଷ୍ଟେଟ ବ୍ୟାଙ୍କ ରିଜିଓନାଲ ମ୍ୟାନେଜର ମାନସ ରଞ୍ଜନ ପଧାନ, ବୀରମହାରାଜପୁର ଉପଜ଼ିଲ୍ଲାପାଳ ଅଶୋକ କୁମାର ଭୋଇ, ସୁବର୍ଣ୍ଣପୁର କୃଷି ଉପ ନିର୍ଦ୍ଧେଶକ ପି, କେ ପଟ୍ଟନାୟକ, ଜ଼ିଲ୍ଲା  ଶିଳ୍ପ କେନ୍ଦ୍ର ଅଧିକାରୀ ବଳ ଭଦ୍ର ନାଏକ ଯୋଗ ଦେଇ ଆୟୋଜକ ଓ କପା ଚାଷୀଙ୍କୁ ଉତ୍ସାହିତ କରି ଥିଲେ l  ଜ଼ିଲ୍ଲା

ରେ ଅଧିକ  କପା ଚାଷ ଓ  ଚାଷୀ  ଥିବା ସତ୍ୱେ ଏହାର ଗୋଟାଏ  ଜିନିଙ୍ଗ ଇଣ୍ଡଷ୍ଟ୍ରି (ଶିଳ୍ପାନୁଷ୍ଠାନ) ନ ଥିବା ରୁ  କପାର ଅଭାବୀ ବିକ୍ରି ଭଳି ଏକ ବଡ଼ ସମସ୍ୟାକୁ ସମ୍ପୂର୍ଣ ଦୂର କରିବାର  ଏକ ମାଧ୍ୟମ  ପାଲଟିବ,  ଉଭୟ ଜ଼ିଲ୍ଲାର  ଦୁଇ ହଜାର ଚାଷୀ ପରିବାର ଉପକୃତ ହେବେ, ଶିଳ୍ପ ର ବିକାଶ ଘଟିବ ଓ କପା ଚାଷୀଙ୍କ ଆଶା, ଆତ୍ମ ବିଶ୍ୱାସ  ବଢାଇବ  ଏହି  ଚନ୍ଦ୍ରିକା ଏଣ୍ଟରପ୍ରାଇଜେସ ବୋଲି  ସମସ୍ତ ଅତିଥି ମତ ରଖିଥିଲେ l ଏବଂ  ଉଭୟ ଜ଼ିଲ୍ଲା  ର ଶହ ଶହ ଶିକ୍ଷିତ ବେକାର ଯୁବକ ଯୁବତୀ ଙ୍କ ପାଇଁ  ଏହି  କପା ଜିନିଙ୍ଗ ଇଣ୍ଡଷ୍ଟ୍ରି  କର୍ମ ନିଯୁକ୍ତି ର ସୁଯୋଗ ଆଣିବ ବୋଲି ମଧ୍ୟ ଅତିଥି ମାନେ ମତ  ରଖି  ସିଂଘଲ ପରିବାର ର  ଯୁବ ଉଦ୍ୟୋଗୀ ଅଗ୍ରୱାଲ ବ୍ରଦର୍ସ  ମନୋଜ ଓ ବଣ୍ଟୁ ଙ୍କ   ୨୬ ଟି ମେସିନ ଥିବା   ଏଇ  ମେଗା ପ୍ଲାଣ୍ଟ ବା ପ୍ରୋଜେକ୍ଟ ନିର୍ମାଣ ଭଳି  ଏକ ଦୁଃସାହାସିକ  ଓ  ଅଭିନଵ ପ୍ରୟାସକୁ ଓ ବରଗଡ ଷ୍ଟେଟ ବ୍ୟାଙ୍କର  ପର୍ଯ୍ୟାପ୍ତ ଫାଇନାନ୍ସ ସହାୟତା କୁ ସାଧୁବାଦ ଜଣାଇ ଭୁୟସୀ ପ୍ରଶଂସା କରିଥିଲେ l ଏହି  ମେଗା ପ୍ରୋଜେକ୍ଟ ର ଉଦ୍ଘାଟନୀ ଉତ୍ସଵ ରେ  ସଂଗୀତକାର କୃଷ୍ଣ ଚନ୍ଦ୍ର ପଣ୍ଡା ଓ କଳାକାର ଟିମ ଙ୍କ ଦ୍ୱାରା ୧୦୮ ହନୁମାନ ଚାଳିଶା ପଠନ କରାଯାଇ ଏଠାରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରାଯଇଥିଲା l ଆୟୋଜକ ସିଂଘଲ ପରିବାରର ମୁଖ୍ୟ ସଦସ୍ୟ ତଥା ସୁବର୍ଣ୍ଣପୁର ବଲାଙ୍ଗୀର ଜ଼ିଲ୍ଲା ର ବିଶିଷ୍ଟ ବ୍ୟବସାୟୀ ଶ୍ରୀ ଛତ୍ରଧାରୀ ଅଗ୍ରୱାଲଙ୍କ  ପ୍ରତ୍ୟକ୍ଷ ତତ୍ୱାବଧାନ ରେ ସମସ୍ତ କାର୍ଯ୍ୟକ୍ରମକୁ ପରିଚାଳନା କରାଯାଇଥିବା ବେଳେ  ଏହି କାର୍ଯ୍ୟକ୍ରମ ରେ 

ସ୍ଵଛ ଭାରତ ସଭାପତି ଲଷ୍ମୀ ନାରାୟଣ ମେହେର, ଚାଟେର୍ଡ ଏକାଉଣ୍ଟଟେଣ୍ଡ ସତେନ୍ଦ୍ର ପାଢ଼ୀ, ପ୍ରାକ୍ତନ ବ୍ଲକ ଅଧ୍ୟକ୍ଷ ପ୍ରଦୀପ ଶତପଥୀ, ଖଲିଆପାଲି ସରପଞ୍ଚ ରଘୁନାଥ ଅଗ୍ରୱାଲ, ଚାଷୀ ନେତା ସର୍ଜନ ପଣ୍ଡା ଙ୍କ ସମେତ ସହର ତଥା ଜ଼ିଲ୍ଲା ର  ବହୁ  ମାନ୍ୟଗଣ୍ୟ ବ୍ୟକ୍ତି, ଗଣମାଧ୍ୟମ  ଓ  ମାରୱାଡି ଯୁବମଞ୍ଚ ର ସମସ୍ତ କର୍ମକର୍ତ୍ତା  ଯୋଗ ଦେଇଥିଲେ l  ଗତ କାଲି ଠାରୁ ଏହି ଇଣ୍ଡଷ୍ଟ୍ରି ରେ ଚାଷୀ ଙ୍କ ଠାରୁ କପା କିଣା ଆରମ୍ଭ କରାଯାଇଥିବା ଓ କଟନ ତିଆରି ପ୍ରକ୍ରିୟା  ମଧ୍ୟ ଆରମ୍ଭ ହୋଇଥିବା ଜଣାଯାଇଛି l