09-Nov-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା )କଳାହାଣ୍ଡି ଜିଲ୍ଲାରେ ବିଜୁ ସ୍ମାର୍ଟ କାର୍ଡ ବଣ୍ଟନ ସହ ବିଭିନ୍ନ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ସେହିପରି କୋକସରା ବ୍ଲକରେ ରାଜ୍ୟ ସରକାରଙ୍କ ଜଳ ସମ୍ପଦ ମନ୍ତ୍ରୀ ରଘୁନନ୍ଦନ ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ବିଜୁ ସ୍ୱାସ୍ଥ୍ୟ ସ୍ମାର୍ଟ ର ଗୁରୁତ୍ୱ ସ୍ୱାସ୍ଥ୍ୟ ଚିକିତ୍ସା ସମ୍ବନ୍ଧରେ ସଚେତନ କରିଥିଲେ 
ତେବେ ମମିତା ହତ୍ୟା ଘଟଣାରେ ରାଜ୍ୟ ଗୃହମନ୍ତ୍ରୀଙ୍କ ଲିଙ୍କ କୁ ନେଇ ବିରୋଧୀ ତାତିଥିବା ଦେଖିବାକୁ ମିଳିଥିଲା l ଗତକାଲି କୋକସରା ବ୍ଳକ ବିଜେପି ପକ୍ଷରୁ ଜିଲ୍ଲା ସମ୍ପାଦକ ଗୋଦାବରୀଶ ପାତ୍ରଙ୍କ ନେତୃତ୍ୱରେ ଶତାଧିକ ବିଜେପି କର୍ମୀ ଗୃହମନ୍ତ୍ରୀଙ୍କ କୁଶପୁତ୍ତଳିକାକୁ ଶବ ଶୋଭାଯାତ୍ରା ଭଲି ପ୍ରଦର୍ଶନ କରି ଜଗନ୍ନାଥ ମନ୍ଦିର ଠାରୁ ବ୍ଲକ କାର୍ଯ୍ୟାଳୟ ସମ୍ମୁଖରେ ପହଞ୍ଚି ପ୍ରତିବାଦ ସଭା କରି କୁଶପୁତ୍ତଳିକା ଦାହ କରି  ଥିଲେ l ମୁଖ୍ୟମନ୍ତ୍ରୀ ମୁର୍ଦାବାଦ, ଗୃହମନ୍ତ୍ରୀ ମୁର୍ଦାବାଦ ନାରା ଦେଇ  ଘଟଣାର ସିବିଆଇ ତଦନ୍ତ ଓ ଗୃହ ମନ୍ତ୍ରୀ ଙ୍କ ବହିଷ୍କାର ପାଇଁ ନାରା ବାଜି କରିଥିଲେ  l

ବିଜେପିର କୋକାସରା ମଣ୍ଡଳ ସଭାପତି ତ୍ରିନାଥ ବାଗ, ସମ୍ପାଦକ ତ୍ରିନାଥ ଶବର, ଆମପାଣି ମଣ୍ଡଳ ସଭାପତି ଅର୍ଜୁନ ଭାଟି, ସମ୍ପାଦକ ମଧୁବନ ପାତ୍ର , ଜିଲ୍ଲା ଉପ ସଭାପତି କୃଷକ ମୋର୍ଚ୍ଚା ଦୁର୍ଗା ପ୍ରସାଦ ପ୍ରଧାନୀ, ବରିଷ୍ଠ ବିଜେପି ନେତା ନରେଦ୍ର ପ୍ରଧାନୀ, ରାଜ୍ୟ କାର୍ଯ୍ୟକାରିଣୀ ମହିଳା ନେତ୍ରୀ କୁନ୍ତୀ ପାଳ, ଜିଲ୍ଲା ଯୁବ ମୋର୍ଚ୍ଚା  କାର୍ଯ୍ୟକାରିଣୀ ସଦସ୍ୟ ସୁଜିତ ସିଂ ରାଜପୁତ , ସାଧାରଣ ସମ୍ପାଦକ ଧବଳେଶ୍ବର ଗୋପାଳ, ବିଜେପି ନାରୀ ନେତ୍ରୀ ଧରିତ୍ରୀ ବାଗ ପ୍ରମୁଖ ଉପସ୍ଥିତ ରହି ଜଳ ସମ୍ପଦ ମନ୍ତ୍ରୀ ରଘୁନନ୍ଦନ ଙ୍କ ଗମ୍ଭାରୀ ଗୁଡା ଗସ୍ତ ସମୟରେ କଳାପତାକା ପ୍ରଦର୍ଶନ କରିଥିଲେ l