08-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ବଲାଙ୍ଗୀର ଜିଲ୍ଲା ବେଳପଡା ବ୍ଲକ ଧୁମାଭଟା ଗ୍ରାମର ଲୋକେ ପାନୀୟ ଜଳ ପାଇଁ ଘୋର ସମସ୍ୟାର ସମ୍ମୁଖୀନ ହେଉଥିଲେ । ଗାଁ ରେ ଯେତେକ ନଳକୂପ ଅଛି ଜନସଂଖ୍ୟା ଦୃଷ୍ଟିରୁ ଯଥେଷ୍ଟ ନୁହେଁ ବୋଲି ଜନସାଧାରଣରେ ମତ ପ୍ରକାଶ ପାଉଛି।ଅନେକ ନଳକୂପ ଅଚଳ ଅବସ୍ଥାରେ  ପଡ଼ିରହିଥିବା ବେଳେ ଯେତେକ ଚାଲୁଛି ପାଣି କମ ବାହାରୁଛି । ପାଞ୍ଚ ହଜାର ଜନସାଧାରଣ ଙ୍କ ସ୍ୱାର୍ଥ ଦୃଷ୍ଟିରୁ ପାନୀୟ ଜଳ ପାଇଁ ଅନେକ ବର୍ଷ ରୁ ସ୍ଥାନୀୟ ପ୍ରଶାସନ ଠାରୁ ଆରମ୍ଭ କରି ରାଜନେତା ଙ୍କୁ ମଧ୍ୟ ବାରମ୍ବାର ଅଭିଯୋଗ କଲେ ସୁଦ୍ଧା କୌଣସି ସୁଫଳ ମିଳିନଥିଲା । ଏହି ସମସ୍ୟାର ସମାଧାନ ପାଇଁ କୋଶଲ ଯୁବ ସଂମନ୍ଵୟ ସମିତି ର ଆହ୍ୱାନ କ୍ରମେ ଗ୍ରାମ୍ୟ ଜନସାଧାରଣ ଙ୍କ ସହଯୋଗ ରେ ବିଗତ କିଛି ମାସ ପୂର୍ବେ ବଲାଙ୍ଗୀର ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ କରାଯାଇଥିଲା । ଆନ୍ଦୋଳନ ତୀବ୍ରତର ହେବାର ସମ୍ଭାବନା କୁ ଦୃଷ୍ଟିରେ ରଖି ଜିଲ୍ଲାପାଳ ନିଜ କାର୍ଯ୍ୟାଳୟ କୁ ଡାକି ଯଥାଶୀଘ୍ର କାର୍ଯ୍ୟକାରୀ

କରିବାକୁ ନିର୍ଭର ପ୍ରତିଶୃତି ଦେଇଥିଲେ ‌ ଓ ଆନ୍ଦୋଳନ ରୁ ଓହରି ଯିବାକୁ ଅନୁରୋଧ କରିଥିଲେ ତାପରେ ଆନ୍ଦୋଳନ କୁ ସ୍ଥଗିତ କରାଗଲା । ପରବର୍ତ୍ତୀ ସମୟରେ ପୁଣି କୋଶଲ ଯୁବ ସଂମନ୍ଵୟ ସମିତି ର ବାରମ୍ବାର ଅଭିଯୋଗ ସମୀକ୍ଷା ପରେ ଗ୍ରାମ୍ୟ ଜଳଯୋଗାଣ ଓ ପରିମଳ ମଣ୍ଡଳ କାର୍ଯ୍ୟାଳୟ ବଲାଙ୍ଗୀର ତରଫରୁ ଧୁମାଭଟା ଗ୍ରାମରେ ଓଭର ହେଡ ଟ୍ୟାଙ୍କ ଯୋଗେ ପାନୀୟ ଜଳଯୋଗାଣ 

ପାଇଁ ଟ.୧.୭୯ କୋଟି (ଏକ କୋଟି ଅଣସ୍ତୁରୀ ଲକ୍ଷ ଟଙ୍କା ) ଅଟକଳ ବିନିମୟ ରେ ଟେଣ୍ଡର ପ୍ରକ୍ରିୟା ଆରମ୍ଭ ହୋଇଯାଇଛି ଏବଂ ଗୋଟିଏ ସପ୍ତାହ ମଧ୍ୟରେ କାର୍ଯ୍ୟ ଆରମ୍ଭ ହେବାକୁ ବିଭାଗୀୟ କାର୍ଯ୍ୟାଳୟ ପକ୍ଷରୁ ନିର୍ଦ୍ଦେଶ ଦିଆଯାଇଛି ।
ଏହି ପ୍ରକଳ୍ପ ହେବା ଦ୍ୱାରା ଧୁମାଭଟା ଜନସାଧାରଣ ବହୁତ ମାତ୍ରାରେ ଉପକୃତ ହେବେ । ଧୁମାଭଟା ଗ୍ରାମର ଦାବୀ କୁ ଯଥାଶୀଘ୍ର ଦୃଷ୍ଟିଗୋଚର ଦେଇ କାର୍ଯ୍ୟ ଆରମ୍ଭ ହେଉଥିବାରୁ ଆଜି ବିଭାଗୀୟ ଅଧିକାରୀ ବନମାଳୀ ନାଏକ କୁ ଡ଼ାକି ବହୁ ଶିଘ୍ର ହେବ ବୋଲି ପ୍ରତିଶ୍ରୁତି ଦେଇଛନ୍ତି। ବନମାଳୀ ନାଏକ ଙ୍କ ଅକ୍ଳାନ୍ତ ପରିଶ୍ରମ ଓ କୋଶଳ ସମନ୍ୱୟ ସମିତି ର ସାହାଯ୍ୟ ପାଇଁ ଅଞ୍ଚଳବାସୀ କୃତଜ୍ଞତା ଜ୍ଞାପନ କରିଛନ୍ତି।