06-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଏକ ଦାଦନ ପ୍ରବଣ ଅଞ୍ଚଳ ହୋଇଥିବାବେଳେ ଏଠାରେ ସବୁ ସମୟରେ ଦାଦନ ଶ୍ରମିକ ଉଦ୍ଧାର ର ଦୃଶ୍ୟ ଦେଖିବାକୁ ମିଳେ। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ଅଞ୍ଚଳ ର  ଦାଦନ ଶ୍ରମିକ ମାନେ ଆଜି ହରିଶଙ୍କର/ବାଲି ଜୋର ଛକ ରୁ ଉଦ୍ଧାର ହୋଇଥିବା ଜଣାପଡିଛି। ସୂଚନା ଅନୁସାରେ ଆଜି ସକାଳ ୧୧ ଟା ସମୟରେ ଖପ୍ରାଖୋଲ ପୋଲିସ ଭେଲୁଆଁଖୋଲ,ଚାଉଳବାଞ୍ଜି,ମହରାପଦର,ବନମାଲ, ଧଣ୍ଡାମୁଣ୍ଡା ଆଡ଼କୁ ପେଟ୍ରୋଲିଂ କରୁଥିବା ସମୟରେ ଦୁଇ ତିନି ପରିବାର ହରିଶଙ୍କର ଛକ ଠାରେ ବସ୍ କୁ ଅପେକ୍ଷା କରିଥିବା ଦେଖିବାକୁ ପାଇଥିଲେ ଏବଂ ସେମାନଙ୍କୁ ପଚରାଉଚରା କରିଥିଲେ। ଜାଣିବାକୁ ପାଇଲେ ଯେ ସେମାନଙ୍କୁ ତୁରେକେଲା ବ୍ଲକ ଢୋଲମାନ୍ଦଲ ଗାଁ ର ଦାଦନ ଦଲାଲ୍ ଭୋଜରାମ ପରାଭୁଏ କିଛି ଟଙ୍କା ବଇନା ଦେଇ ହାଇଦ୍ରାବାଦ ଇଟା ଗଢିବା ପାଇଁ ନେଉଛି । ଖପ୍ରାଖୋଲ ପୋଲିସ ଭୋଜରାମ କୁ ଗିରଫ କରି ଦାଦନ ଶ୍ରମିକ ମାନଙ୍କୁ ଥାନା କୁ ନେଇ ତଦନ୍ତ କରି ଘରକୁ ଛାଡ଼ି ଦେଇଥିଲେ। ଉଦ୍ଧାର ଶ୍ରମିକ ମାନଙ୍କ ମଧ୍ୟରେ ୫ ଜଣ ପୁରୁଷ ଓ ୨ ଜଣ ମହିଳା ସମେତ ୫ ଜଣ ଶିଶୁ ଅଛନ୍ତି। ଶ୍ରମିକ ଚାଲାଣ ର କୌଣସି କାଗଜପତ୍ର ନଥିବାରୁ ଭୋଜରାମ ର ନାଁ ରେ ଏତଳା ନମ୍ବର ୧୬୭/୨୦୨୧ ସେକ୍ସନ ୟୁ ଏସ୍ ୪୨୦/୩୭୪/୩୪ ଆଇ,ପି, ସି ଆଇ, ଏସ୍, ଏମ୍,ଡବ୍ଳୁ,ଏସ ଧାରା ୧୯୭୯ ମାମଲା ରୁଜୁ କରି ପରାଭୁଏ କୁ କୋର୍ଟ ଚାଲାଣ କରିଥିବା ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି। ଏବଂ ମୁଖ୍ୟ ଦଲାଲ୍ ତୁରେକେଲା ଥାନା ଢୋଲମାନ୍ଦଲ ଗାଁ ର ଚମ୍ପୁ ବନଛୋର ଫେରାର ଥିବା ଜଣାପଡିଛି।