06-Nov-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ବ୍ଲକ ଅନ୍ତର୍ଗତ ଝାରମୁଣ୍ଡା ଡାଲଖାଇ ପାହାଡ଼ରେ 47 ତମ ଶ୍ରୀ ଶ୍ରୀ ଗିରିଗୋବର୍ଧନ ପୂଜା ଓ ଅନ୍ନକୋଟ ସମାରୋହ ଅନୁଷ୍ଠିତ ହୋଇଯାଇଛି l ଏହି ଅବସରରେ ଗାଁରୁ କୃଷ୍ଣ ଭଗବାନଙ୍କ ବିଗ୍ରହ ଆଣି ପାହାଡ଼ ମଧ୍ୟଭାଗ ମଣ୍ଡପରେ ପୂଜାର୍ଚନା କରାଯାଇଥିଲା l ଏହାପରେ ପାହାଡ଼ ପାଦଦେଶରେ ଆୟୋଜିତ ଅନ୍ନକୋଟ ସମାରୋହରେ ବହୁ ଶ୍ରଦ୍ଧାଳୁ ଅନ୍ନଭୋଗ ଖାଇଵା ସହ ଆଖପାଖ ଅଂଚଳର ବହୁ ଶ୍ରଦ୍ଧାଳୁ ଉକ୍ତ କାର୍ଯ୍ୟକ୍ରମରେ ସାମିଲ ହୋଇଥିଲେ l ଏଥିରେ ପୂଜାକର୍ତ୍ତା ଭାବେ ଗୌନ୍ତିଆ ସଦାନନ୍ଦ ଧରୁଆ ସସ୍ତ୍ରୀକ ଦାୟିତ୍ୱ

ତୁଲାଇଥିଲେ l ପୂଜକ ଭାବେ ଦୀନବନ୍ଧୁ ଦାଶ ଓ ଜଗଦୀଶ ହୋତା ରହିଥିଲେ l ପରିଚାଳନାରେ ମନୋଜ ଧରୁଆ, ରାମକୁମାର ମେହେର, କାଳିଆ ବଗର୍ତି, ବିନୋଦ ଧରୁଆ, ପୁରୁଷୋତ୍ତମ ମେହେର, ଦୁଃଖିଶ୍ୟାମ ଧରୁଆ, ଚନ୍ଦ୍ରଭାନୁ ମନହୀରା, ଗୁଣମଣି ସେଠ୍, ହେମନ୍ତ ସାହୁ ସମେତ ଗ୍ରାମବାସୀଙ୍କ ବିଶେଷ ସହଯୋଗ ରହିଥିଲା l ଏହାସହ ଝାରମୁଣ୍ଡା ସମେତ ସରଗାଡ଼ ନିକଟସ୍ଥ ଠାକରପାଲି, ଅଗଲାପାଲି ଗାଁ ମାନଙ୍କରେ ମଧ୍ୟ ଗିରିଗୋବର୍ଧନ ପୂଜା ଅନୁଷ୍ଠିତ ହୋଇଯାଇଛି l