06-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ସ୍ୱାଧୀନତା ର ଦୀର୍ଘ ସାତ ଦଶନ୍ଧି ପରେ ମଧ୍ୟ ବେଳପଡା ବ୍ଲକ ଚିର ଅବହେଳିତ ହୋଇ ପଡ଼ିରହିଛି।ଦାଦନ ପ୍ରପୀଡ଼ିତ ,ମରୁଡ଼ି ପ୍ରପୀଡ଼ିତ, ବେକାରୀ ଯୁକ୍ତ ହୋଇ ଆଜି ପର୍ଯ୍ୟନ୍ତ ରହିଆସିଛି । ବ୍ଲକ କୁ ପ୍ରଶାସନ ଓ ରାଜନେତା ମିଶି ସବୁବେଳେ ଲୁଣ୍ଠନ କରି ଚାଲିଥିବା ବେଳେ ଗରିବ ଜନସାଧାରଣ, ଆଦିବାସୀ ଜନସାଧାରଣ, ଦଳିତ ଜନସାଧାରଣ ସବୁବେଳେ ସବୁ କ୍ଷେତ୍ରରେ କୁତ୍ରିମ ଅବହେଳିତ ଅବସ୍ଥାରେ ଅଛନ୍ତି। ସରକାର ଆଜି ପର୍ଯ୍ୟନ୍ତ ଦାଦନ ମୁକ୍ତ କରିପାରିନାହିଁ, ଚାଷୀର ଜମିକୁ

ଜଳସେଚନ କରିପାରିନାହିଁ, ବେକାର ଯୁବକ ଯୁବତୀ ମାନଙ୍କୁ  ନିଯୁକ୍ତି ଦେଇପାରିନାହିଁ, ଶ୍ରମିକ ମାନଙ୍କୁ କର୍ମ ନିଯୁକ୍ତି ଦେଇ ପାରିନି, ଶିକ୍ଷା କ୍ଷେତ୍ରରେ ପଛୁଆ ରଖିଛି, ଗାଁ ମାନଙ୍କରେ ଆଜି ବି ମୌଳିକ ଅଧିକାର ରୁ ବଞ୍ଚିତ ଅଛନ୍ତି ଲୋକେ। ଏହି ସମସ୍ୟା କୁ ସମାଧାନ କରିବାକୁ ହେଲେ ସବୁ ଆଦିବାସୀ ମାନଙ୍କୁ ଏକ ହୋଇ ଲଢେଇ କରିବାକୁ ହେବ ,ପ୍ରତିବାଦ କରିବାକୁ ହେବ ବୋଲି ସଭାରେ ବକ୍ତା ମାନେ ନିଜ ନିଜ ଭାଷଣ ରେ ଆହ୍ୱାନ କରିଥିଲେ । ଆଗାମୀ ପଞ୍ଚାୟତ ନିର୍ବାଚନ କୁ ସ୍ଵଛ ନିର୍ମଳ କରିବାକୁ ହେଲେ ଆଦିବାସୀ ସରଂକ୍ଷିତ ଆସନ ଓ ଅଂଣସଂରକ୍ଷିତ ଆସନରେ ନିର୍ବାଚନ ନକରି ଚୟନ ପ୍ରକ୍ରିୟା ମାଧ୍ୟମରେ କରାଯିବ । ଦେବାଦେବୀ ପୀଠ, ସଂସ୍କୃତି, ପରମ୍ପରା କୁ ବଜାୟ ରଖିବା । ସମାଜ କୁ ଏକ ବିକଶିତ ସମାଜ କରିବାକୁ ହେଲେ ମଦ କୁ ଛାଡି ଶିକ୍ଷା କୁ ଗ୍ରହଣ କରି ଅନ୍ୟ ଜାତି ଭଳି ନିଜକୁ ଗଢ଼ି ଚାଲିବା । ଆଜିର ଆଦିବାସୀ ମେଳିରେ ବେଳପଡା ବ୍ଲକ ସଭାପତି ଶ୍ରୀ ବସନ୍ତ ମାଝୀ ଙ୍କ ସଭାପତିତ୍ୱରେ ହେଉଥିବା ସଭାରେ ମୁଖ୍ୟ ଅତିଥି ଭାବରେ ପଶ୍ଚିମ ଓଡିଶା ଆଦିବାସୀ କଲ୍ୟାଣ ସଂଘ ର ମହାସଚିବ ଶ୍ରୀଯୁକ୍ତ ନିରଞ୍ଜନ ବିଶି ,ସମ୍ମାନିତ ଅତିଥି ଭାବରେ ଶ୍ରୀ ପୁରୁଷୋତ୍ତମ ଧରୁଆ, ଶ୍ରୀ ଗିରିରାଜ ଭୋଇ, କପୁର୍ଚ୍ଚନ ଛତ୍ରୀଆ,ସଞ୍ଜୀବ ଛତ୍ରୀଆ

,କଲକାହ୍ନୁ ବରିହା ଯୋଗଦେଇ ଅଭିଭାଷଣ ପ୍ରଦାନ କରିଥିଲେ । ସର୍ବ ପ୍ରଥମେ ଗାଁ ରେ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ବିଶାଳ ରେଲି ହୋଇ ସଭା ସ୍ଥଳକୁ ଆଦିବାସୀ ମାନେ ପହଞ୍ଚି ଥିଲେ । ସଭା ପୂର୍ବରୁ ୬୨ ଜାତିର ଆଦିବାସୀ ଦେବାଦେବୀ ଙ୍କ ପୂଜାର୍ଚ୍ଚନା କରାଯାଇ ଥିଲା ଓ ଝିଅ ମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ଗାନ ସହ ପୁଷ୍ପମାଳ୍ୟ ଓ ଉପଢୌକନ ଦେଇ  ଅତିଥି ମାନଙ୍କୁ ସ୍ୱାଗତ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ରାଜେନ୍ଦ୍ର ବରିହା,ନିଲମ୍ବର ମାଝୀ, ତ୍ରିଲୋଚନ ମାଝୀ, ଜୟ ଧରୁଆ, ଅର୍ଜୁନ ଭୋଇ, କଲକାନହୁ ବରିହା,ଠୁର୍ଲି ବରିହା,କୁମର ମାଝୀ, ଗଣେଶ ଛତ୍ରୀଆ,ସୁଧୀର କୁଅଁର,କବିଦ ଭୋଇ, ସୁପତି ଛତ୍ରୀଆ ପ୍ରମୁଖ ଯୋଗଦେଇଥିଲେ ।  ସଭାକୁ ଶ୍ରୀ ଡମ୍ବରୁ ଧର ଧରୁଆ ସଞ୍ଚାଳନ କରିଥିବାବେଳେ ଜୟ ଧରୁଆ ଧନ୍ୟବାଦ ଅର୍ପଣ କରି ସଭା ଶେଷ କରିଥିଲେ ।