27-Oct-2021

ନୟାଗଡ଼, (ପ୍ରଦୀପ କୁମାର ପଣ୍ଡା) ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ ଅଧୀନ କୁମ୍ଭାରପଡ଼ା ଗ୍ରାମ ପଞ୍ଚାୟତ ରେ ମହିଳା ଗୋଷ୍ଠୀ ସଂରକ୍ଷଣ ଗୃହ ନିର୍ମାଣ କୁ ନେଇ ବିବାଦ ଲାଗିରହିଛି | ଉକ୍ତ ଗୃହ ପାଇଁ ସଂରକ୍ଷିତ ଜାଗା ଥିବା ବେଳେ କେଉଁ ସ୍ୱାର୍ଥ ରେ ରାଜୀବ ଗାନ୍ଧୀ ସେବାକେନ୍ଦ୍ର ଗୃହ ଉପରେ ଏହା ନିର୍ମାଣ କରାଯାଉଛି ବୋଲି ସାଧାରଣରେ ଦେଖାଦେଇଛି ଅସନ୍ତୋଷ ବାତାବରଣ | ନିର୍ମାଣ କାର୍ଯ୍ୟ କରିବାକୁ ମହିଳା ଗୋଷ୍ଠୀ ଅଣ୍ଟା ଭିଡି ଥିବା ବେଳେ ଠିକାଦାର, ସରକାରୀ ଯନ୍ତ୍ରୀ ଏବଂ ବିଡିଓ ମହୋଦୟା ଙ୍କ ମିଲିଭଗତରେ କାର୍ଯ୍ୟାରମ୍ଭ ହୋଇଥିଲା | କିନ୍ତୁ ଏହାକୁ କିଛି ସ୍ବେଛାସେବୀ ଏବଂ ମହିଳା ଗୋଷ୍ଠୀଙ୍କ ବିରୋଧ ହେତୁ କାର୍ଯ୍ୟ ବନ୍ଦ ଅଛି | ବିଶେଷସୂତ୍ରରୁ ଜଣା ପଡିଛି ବିଡିଓ ଅରୁଣିମା ସାହୁ ମହୋଦୟା ଉକ୍ତ ବିଷୟରେ ଖଣ୍ଡପଡା ଥାନା ରେ ଅଭିଯୋଗ କରିଥିଲେ | ଏନେଇ କୁମ୍ଭାରପଡ଼ା ର ଜଣେ ସ୍ବେଛାସେବୀଙ୍କୁ ଖଣ୍ଡପଡା ଥାନାଧିକାରୀ କୋର୍ଟ ଫରୱାର୍ଡ଼ କରିଥିବା ବେଳେ ଏବେ ସେ ଜାମିନ ରେ ଆସିଛନ୍ତି |ତେଣୁ ମହିଳା ଗୋଷ୍ଠୀ ମାନେ ଏକତ୍ରିତ ହୋଇ ଜିଲ୍ଲାପାଳ ଙ୍କୁ ଏକ

ଦାବୀପତ୍ର ପ୍ରଦାନ କରିଛନ୍ତି | ଉକ୍ତ ଗୃହ ନିର୍ମାଣ ପାଇଁ ମହିଳାଙ୍କୁ ବିଡିଓ ମହୋଦୟା 50000 ଟଙ୍କା ଲାଞ୍ଚ ମାଗିଥିବା ଦାବୀ ପତ୍ର ରେ ଉଲେଖ ଅଛି | ମହିଳା ହୋଇ ମହିଳା ଙ୍କ ଉନ୍ନତି ରେ ବାଧା ଉପୁଜାଉଛନ୍ତି ଖଣ୍ଡପଡା ବିଡିଓ ଅରୁଣିମା ସାହୁ ବୋଲି ମହିଳା ଗୋଷ୍ଠି ମନ୍ତବ୍ୟ ପ୍ରଦାନ କରିଛନ୍ତି | ଏପରିକି ଜିଲ୍ଲାପାଳ ମହୋଦୟା ସଠିକ ତଦନ୍ତ କରି ଉପଯୁକ୍ତ ପଦକ୍ଷେପ ନନେଲେ ଆଗାମୀ ଦିନରେ ମହିଳା ଗୋଷ୍ଠୀ ପଞ୍ଚାୟତ ଘେରାଉ କରିବା ସହିତ ଆମରଣ ଅନଶନ କରିବେ ବୋଲି ସୂଚନା ଦେଇଛନ୍ତି |