27-Oct-2021

ସୁବର୍ଣ୍ଣପୁର, ଉଲୁଣ୍ଡା(ଗୌରଚନ୍ଦ୍ର  ପରିଛା) : ସୁବର୍ଣ୍ଣପୁର ଜିଲ୍ଲା ଜୁନିଅର ରେଡ଼କ୍ରସ ତରଫରୁ ଆଜି ଜିଲ୍ଲାର ସମସ୍ତ ଶିକ୍ଷାନୁଷ୍ଠାନ ରେ ପାଳନ ହେଉଛି "ବିଶ୍ୱ ହାତଧୂଆ ଦିବସ " l ଜୁନିଅର ରେଡ଼କ୍ରସ ଅଫିସର ରବିଚନ୍ଦ୍ର ପଶାୟତ ଙ୍କ ଆହ୍ୱାନ କ୍ରମେ ଉଲୁଣ୍ଡା ବ୍ଲକ ଜାଲୋଏ ପଂଚାୟତ ଅନ୍ତର୍ଗତ କୈରାଝୁଲି ଉଚ୍ଚ ପ୍ରାଥମିକ ବିଦ୍ୟାଳୟ ରେ ଅଷ୍ଟମ ଶ୍ରେଣୀର ଛାତ୍ର ଛାତ୍ରୀ ଙ୍କୁ ନେଇ କୋଭିଡ ମାର୍ଗଦର୍ଶନ କୁ ପାଳନ କରି ହାତଧୂଆ କାର୍ଯ୍ୟକ୍ରମ ଆୟୋଜିତ ହୋଇଅଛି l ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ଜନାର୍ଦନ ସାହୁ ଙ୍କ ନେତୃତ୍ୱ ରେ ଏବଂ ସମସ୍ତ ସହକାରୀ ଶିକ୍ଷକ ଙ୍କ ସାହାଯ୍ୟ ସହଯୋଗ ରେ ଜୁନିଅର ରେଡ଼କ୍ରସ ପରାମର୍ଶ ଦାତା ହୃଷିକେଶ ଚାନ୍ଦ, ଉପସ୍ଥିତ ଛାତ୍ର ଛାତ୍ରୀ ଙ୍କୁ ହାତଧୂଆ ର 6 ଟି ସୋପାନ ଶିଖେଇ ଥିଲେ l ତତ୍ପରେ ଛାତ୍ର ଛାତ୍ରୀ ମାନେ ଉପଯୁକ୍ତ ସୋପାନ ମାଧ୍ୟମରେ ହାତ ଧୋଇବା ସହ ଘରେ  ପରିବାର ର ଅନ୍ୟ ସଦସ୍ୟ ଓ ପଡୋଶୀ ମାନଙ୍କୁ ଏ ଦିଗରେ ବୁଝାଇବା ପାଇଁ  ଶପଥ ଗ୍ରହଣ କରିଥିଲେ l ଏ ଅବସରରେ ଜାଲୋଏ ଆଞ୍ଚଳିକ ସାଧନ କର୍ମୀ ଶ୍ରୀଯୁକ୍ତ ଦାଶରଥୀ ନାଏକ ଉପସ୍ଥିତ ଛାତ୍ର ଛାତ୍ରୀ ଙ୍କୁ ରେଡ଼କ୍ରସ ର ମହାନତା ବିଷୟରେ ଆଲୋକପାତ କରିଥିଲେ l ବିଦ୍ୟାଳୟ ରେ ଆୟୋଜିତ ଅଭିଭାବକ ଶିକ୍ଷକ ସଙ୍ଘ ର ବୈଠକ ରେ ଉପସ୍ଥିତ ମା ମାନେ ମଧ୍ୟ ଛଅ ଗୋଟି ସୋପାନ ମାଧ୍ୟମରେ ହାତ ଧୋଇଥିଲେ l ବିଦ୍ୟାଳୟ ଜୁନିଅର ରେଡ଼କ୍ରସ ୟୁନିଟ ର ଅନ୍ୟତମ ସଦସ୍ୟ ତଥା ସହକାରୀ ଶିକ୍ଷକ ଶରତ ସାହୁ ଧନ୍ୟବାଦ ଅର୍ପଣ କରିଥିଲେ l