27-Oct-2021

ସୁବର୍ଣ୍ଣପୁର/ଡୁଙ୍ଗୁରିପାଲି (ପ୍ରେରଣା ଖବର) : ସୁବର୍ଣ୍ଣପୁର ଜିଲ୍ଲା ଜୁନିଅର ରେଡ଼କ୍ରସ ତରଫରୁ ଆଜି ଜିଲ୍ଲାର ସମସ୍ତ ଶିକ୍ଷାନୁଷ୍ଠାନରେ ପାଳନ ହେଉଛି "ବିଶ୍ୱ ହାତଧୂଆ ଦିବସ " l ଏ ଅବସରରେ ପଂଚାୟତ ଉଚ୍ଚ ବିଦ୍ୟାଳୟ ମାୟାବରାହ ରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ମନୋଜ କୁମାର ପୁଜାହାରୀ ଙ୍କ ନେତୃତ୍ୱ, ସମସ୍ତ ସହକାରୀ ଶିକ୍ଷକ, ଶିକ୍ଷୟିତ୍ରୀ ଙ୍କ ସହଯୋଗ ରେ ଜୁନିଅର ରେଡ଼କ୍ରସ ଅଫିସର ତଥା ବିଦ୍ୟାଳୟ ୟୁନିଟ ର ମାର୍ଗ ଦର୍ଶକ ଶ୍ରୀଯୁକ୍ତ ରବିଚନ୍ଦ୍ର ପଶାୟତ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କୁ ନେଇ କୋଭିଡ ନିୟମ ଅନୁଯାୟୀ ହାତଧୂଆ  ର 6 ଟି ସୋପାନ ଶିଖେଇ ଥିଲେ l ତତ୍ପରେ ଛାତ୍ର ଛାତ୍ରୀ ମାନେ ଉପଯୁକ୍ତ ସୋପାନ ମାଧ୍ୟମରେ ହାତ ଧୋଇବା ସହ ଘରେ 

ପରିବାର ର ଅନ୍ୟ ସଦସ୍ୟ ଓ ପଡୋଶୀ ମାନଙ୍କୁ ଏ ଦିଗରେ ବୁଝାଇବା ପାଇଁ  ଶପଥ ଗ୍ରହଣ କରିଥିଲେ l ଏ କାର୍ଯ୍ୟକ୍ରମ ରେ ମାୟାବରାହ ପଂଚାୟତ ର ସରପଞ୍ଚ ଶ୍ରୀଯୁକ୍ତ ରମେଶ ଭୋଇ ମୁଖ୍ୟ ଅତିଥି ଭାବେ ଯୋଗଦାନ କରି ଉପସ୍ଥିତ ଛାତ୍ର ଛାତ୍ରୀ ଙ୍କୁ ରେଡ଼କ୍ରସ ର ସେବା ମନୋଭାବ ଓ ବିଶ୍ୱ ବନ୍ଧୁତା ଉପରେ ବୁଝେଇ ଥିଲେ l ଏ ଅବସରରେ ଶ୍ରୀଯୁକ୍ତ ପଶାୟତ, ରେଡ଼କ୍ରସ ପ୍ରତି ସମର୍ପିତ ଭାବ ନେଇ ସମସ୍ତେ କାମକରିବାକୁ ଅନୁରୋଧ କରିଥିଲେ l ସମସ୍ତ ଙ୍କୁ ଧନ୍ୟବାଦ ଅର୍ପଣ ସହ କାର୍ଯ୍ୟକ୍ରମ ର ସମାପ୍ତି ଘୋଷଣା କରାଯାଇଥିଲା l