27-Oct-2021

ଟିଟିଲାଗଡ଼ (ସନ୍ତୋଷ କୁମାର ନାଏକ) :ବଲାଙ୍ଗୀର ଜିଲ୍ଲା ଟିଟିଲାଗଡ଼ ଥାନା ଅନ୍ତର୍ଗତ ଦେବନ୍ଧପଡାରେ ଜଣେ ଯୁବକଙ୍କ ଝୁଲନ୍ତା ମୃତ ଦେହ ନେଇ ସ୍ଥାନୀୟ ଅଞ୍ଚଳରେ ତୀଵ୍ର ଉତେଜନା ମୟ ପରିସ୍ଥିତି ସୃଷ୍ଟି ହୋଇଛି । ସୂଚନା ଅନୁଯାୟୀ, ମଙ୍ଗଳବାର ଅପରାହ୍ନ ପ୍ରାୟ ୫ ଟା ସମୟରେ ଉକ୍ତ ଦେବନ୍ଧ ପଡା ନିବାସୀ ପୂର୍ଣ୍ଣମୀ ସିନ୍ଦରିୟା  ତାଙ୍କ କହିବାନୁଯାୟୀ ବଜାରକୁ ଯାଇ ସେ ଫେରି ଥିବା ବେଳେ ତାଙ୍କ ପୁଅ ସଞ୍ଜୟ ସିନ୍ଦରିୟା (ବ-୨୬) ବେକ ରେ ଫାସ ଲାଗି ଝୁଲନ୍ତା ଅବସ୍ଥାରେ ଥିବା ଦେଖିଥିଲେ । ମୃତ ସଞ୍ଜୟ ଦିନ ପ୍ରାୟ ୧ ଟା ପର୍ଯ୍ୟନ୍ତ ସ୍ୱାଭାବିକ ଭାବରେ ରହିଥିବା ସ୍ଥାନୀୟ ଲୋକଙ୍କ ଠାରୁ ସୂଚନା ମିଳିଛି । ଉକ୍ତ ମୃତ ସଞ୍ଜୟଙ୍କୁ ନିକଟସ୍ଥ ସୁଶୀଲ ତ୍ରିପାଠୀ ନାମକ ଜଣେ ସ୍ବେଚ୍ଛାସେବୀ ମଧ୍ୟ ତାଙ୍କୁ ଦେଖିଥିବା ଓ ପ୍ରତିଦିନ ପରି କଥା ହୋଇ ଚାଲି ଯାଇଥିଲେ ବୋଲି କହିଛନ୍ତି । ଅପରାହ୍ନ ପ୍ରାୟ ୪ ଟା ସମୟରେ  ବଜାରକୁ ଯାଇ ଫେରି ମୃତକଙ୍କ ମାଆ  ଦେଖିଥିଲେ ଓ ସ୍ଥାନୀୟ ଲୋକେ ପୋଲିସକୁ ସୂଚନା ଦେଇଥିଲେ । ଟିଟିଲାଗଡ଼ ପୋଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିଥିବା ବେଳେ ଯୁବକଙ୍କ ପାରିପାର୍ଶ୍ବିକ ସ୍ଥିତି କ୍ରମେ ଝୁଲନ୍ତା ଶବ ଉକ୍ତ ଅବସ୍ଥାରେ ରହିବା ଓ ଆଇନ ଅନୁଯାୟୀ ସବିଶେଷ ତଦନ୍ତକାରୀ ଅଧିକାରୀ ପ୍ରକାଶ କରିଥିଲେ । ହେଲେ ଉକ୍ତ ଅଞ୍ଚଳ ର ଲୋକେ ଶବ କୁ ଫାସ ରୁ ଖୋଲି ଦେଇ ଶବ ଅନ୍ୟତ୍ର ନେଇ ଯିବାକୁ କହିଥିଲେ । ଏ ନେଇ ଉତେଜନା ମୟ ପରିସ୍ଥିତି ସୃଷ୍ଟି ହୋଇଥିବା ବେଳେ ସ୍ଥାନୀୟ ଲୋକଙ୍କ ସହ ଆଲୋଚନା କରି ଉକ୍ତ ସ୍ଥଳରେ ପୋଲିସ ମୁତୟନ କରି ରଖାଯାଇଛି । ତେବେ ମୃତ ଯୁବକ ଆତ୍ମହତ୍ୟା କରିଛନ୍ତି ନା ଅନ୍ୟ କିଛି କାରଣ ରହିଛି ସେ ନେଇ ତଦନ୍ତ ପରେ ସୂଚନା ଦେବେ ବୋଲି ପୋଲିସ କହିଛି । ମୃତ ସଞ୍ଜୟଙ୍କ ବାପା ଦୀର୍ଘ ବର୍ଷ ହେବ ନିଖୋଜ ଥିବା ବେଳେ ଏହି ଏକ ମାତ୍ର ପୁଅ ସହ ସେ ରହୁଥିଲେ ।