23-Oct-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଲାଠୋର ଥାନା ଅନ୍ତର୍ଗତ ଶୁଲିଆବାହାଲ ଗ୍ରାମ୍ୟ ଜଙ୍ଗଲ ରୁ ଗତକାଲି ରାତିରେ ଏକ ଯୁବକର ମୃତ ଦେହ ଉଦ୍ଧାର କରିଥିବା ଜଣାପଡିଛି। ସୂଚନାଯୋଗ୍ୟ ଯେ ଖପ୍ରାଖୋଲ ଥାନା ଘୁଚେପାଲି ଗାଁ ର ରାଧାମୋହନ ରଣା ଙ୍କ ପୁଅ ବସନ୍ତ ରଣା (୨୪) ତା.୧୯/୧୦/୨୧ ମଙ୍ଗଳବାର ଦିନ  ରାତି ୮ଟାରେ ଘୁଚେପାଲି ଗାଁ ର କେଦାର ମାଝୀ ପି.କୃଷ୍ଣଚନ୍ଦ୍ର ମାଝୀ ଙ୍କ ସହ ଫୁଲକିମୁଣ୍ଡା ଗାଁକୁ  ବାଇକ୍ ନେଇ ଦଣ୍ଡ ନାଚ ଦେଖିବାକୁ ଯାଇଥିଲା। କିନ୍ତୁ ଫେରିବା ସମୟରେ ସାଙ୍ଗ କେଦାର ଏକା ଆସିଥିବା ବେଳେ ପରିବାର ଲୋକେ ବସନ୍ତ କୁ ଖୋଜାଖୋଜି କରି ତା୨୧/୧୦ ଗୁରୁବାର ଦିନ ଖପ୍ରାଖୋଲ ଥାନା ରେ

ନିଖୋଜ ରିପୋର୍ଟ ଦାଖଲ କରିଥିଲେ। କେଦାର କୁ ପଚାରିବାରୁ କହିଲା ଯେ ଲାଠୋର ଥାନା ବାଗଡିଆ ଗାଁ ର ଟୁନୁ ମାଝୀ  ଙ୍କ ଝିଅ ହୀରାବତୀ ଓ ବସନ୍ତ କୁ ତାଙ୍କ ଗାଁ ର ଲାନ୍ଥଗୁଡି ଠାରେ ଉଲ୍ହାଇ ସାହାଜପାଣୀ ଆଡ଼କୁ ବୁଲି ଯାଇଥିଲି ।ପ୍ରମୀଯୁଗଳ କୁ ସେହି ଗାଁ ର କୁଶ ମାଝୀ ଦେଖିବା ପରେ ମୋବାଇଲ୍ ରେ ଫଟୋ କରି ପୋଲିସ କୁ ଫୋନ୍ କରୁଛି କହିବା ସହ ଝିଅ ର ବାପାକୁ ଡାକି ଆଣିବାରୁ ଭୟରେ ବସନ୍ତ ଜଙ୍ଗଲ ଆଡ଼କୁ ଧାଇଁ ଥିଲା । ସେଠାରେ ଜଙ୍ଗଲ ଜୀବଜନ୍ତୁ ଶିକାର କରିବା ନିମନ୍ତେ ଯେଉଁ ବିଦ୍ୟୁତ୍ ସଂଯୋଗ ହୋଇଥିଲା ସେଥିରେ ଲାଗି ବସନ୍ତ ମୃତ୍ୟୁ ବରଣ କରିଥିଲେ। ନିଜ ଦୋଷ ଲୁଚାଇବାକୁ ମୃତ ଦେହ କୁ ପୋତି ଦେଇଥିଲେ ।ଖପ୍ରାଖୋଲ ଥାନା ଅଧିକାରୀ ତଦନ୍ତ ଆରମ୍ଭ କରି ସୁକ୍ରବାର ଦିନ ଲାଠୋର ଥାନା ଅନ୍ତର୍ଗତ ଶୁଲିଆବାହାଲ ଗ୍ରାମ୍ୟ ଜଙ୍ଗଲ ରୁ ବସନ୍ତ ର ମୃତ ଶରୀର ଠାପ କରି ତଦନ୍ତ ଆରମ୍ଭ କରିଥିଲେ। ଏବଂ ବରାହ ଶିକାରୀ ମାନଙ୍କୁ ଗିରଫ କରିଥିବା ଜଣାପଡ଼ିଛି। ଗିରଫ ବ୍ୟକ୍ତିମାନେ ହେଲେ ଲାଠୋର ଥାନା ଶୁଲିଆବାହାଲ ଗାଁର ବୈଷ୍ଣବ ଛତର (୨୨) ପି ବିଶ୍ବାମ୍ବର ଛତର, ମର୍ଦ୍ଦରାଜ ପୁଟା (୫୨) ,କମଳୁ ଧରୁଆ (୬୦),ବିକଳ ଛତର (୪୫), କେଶବ ବିଶ୍ବାଳ (୪୨) ଏମାନଙ୍କ ନାମରେ ଲାଠୋର ପୋଲିସ କେଶ ନମ୍ବର ୧୪୪ ୨୩/୧୦/୨୧ ୟୁ ଏସ୍ ୩୦୪,୨୦୧,୩୪ ଆଇପିସି ଧାରା ରୁଜୁ କରିଥିବା ଜଣାପଡିଛି।