23-Oct-2021

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ୩୪ ନମ୍ବର ଜୋନରେ ବିଜେଡିର ମିଶ୍ରଣ ପର୍ବ ତଥା ଆଗାମୀ ପଂଚାୟତ ନିର୍ବାଚନରେ ବିଜୁ ଜନତା ଦଳକୁ ସୁଦୃଢ଼ କରିବା ପାଇଁ ଏକ କର୍ମୀ ସମିଳନୀ କାର୍ଯ୍ୟକ୍ରମ ବିଜୁ ଯୁବ ବିଜେଡି କାର୍ଯ୍ୟକାରୀ ସଭାପତି ଅନନ୍ତ ନାରାୟଣ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ସଭା କାର୍ଯ୍ୟରେ ବିଜେଡିର ରାଜ୍ୟ ବରିଷ୍ଠ ସାଧାରଣ ସମ୍ପାଦକ ତଥା ବଲାଙ୍ଗୀର ପୂର୍ବତନ ସାଂସଦ କଳିକେଶ ନାରାୟଣ ସିଂଦେଓ ମୁଖ୍ୟ ଅତିଥି ଓ ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା, ଜିଲ୍ଲା ଉପ ସଭାପତି ଶ୍ରୀ ପ୍ରଦୀପ ଗୁରୁ, ଜିଲ୍ଲା ସାଧାରଣ ସମ୍ପାଦକ କୈଳାଶଚନ୍ଦ୍ର ମହାନ୍ତି ଓ ବ୍ଲକ ସଭାନେତ୍ରୀ ଜୋତ୍ସ୍ନାମୟୀ ନାଗ ସମ୍ମାନିତ ଅତିଥି ଭାବେ ଯୋଗଦେଇ ନବୀନ ସରକାରଙ୍କ ବିଭିନ୍ନ ଯୋଜନାରେ ଲୋକେ କିପରି ଉପକୃତ ହେବେ ତାର ବକ୍ତବ୍ୟ ରଖିଥିଲେ l ଏଥିରେ ସରଗାଡ଼, ଉପରବାହାଲ, ତଳିଉଡ଼ାର, ବାଦୀମୁଣ୍ଡା, କୁସମେଲ, ରତାଖଣ୍ଡି, ବାନୀପାଲି ଗ୍ରାମ ପଂଚାୟତର ଶତାଧିକ କର୍ମୀ ନବୀନ ସରକାରଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜୁ ଜନତା ଦଳରେ ସାମିଲ 

ହେଲେ l କାର୍ଯ୍ୟକ୍ରମକୁ ଯୁବ ସଂଯୋଜକ ସରୋଜ କୁମାର ମହାକୁର ସଂଯୋଜନା କରିଥିବା ବେଳେ ଦିଲିପ ସାହୁ ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମକୁ ସହଯୋଗ କରିଥିଲେ ନେହେରୁ ବିଶ୍ୱାଳ, ସରପଞ୍ଚ ରତାଖଣ୍ଡି, ଶେଷଦେବ ଖମାରି, କିରନ ସାହୁ, ଗୋପୀନାଥ ବିଶ୍ୱାଳ, ଅଂଶୁମାନ ଗୁରୁ, ରୋହିତ ପଶାୟତ, ଲାଲବିହାରୀ ସାହୁ, ଜୟକୃଷ୍ଣ ବଗର୍ତି ପ୍ରମୁଖ l