23-Oct-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) - ହରଗୌରୀ ଙ୍କୁ ସ୍ଥାପନା କରି ପ୍ରତ୍ୟହ ଷୋଡ଼ଶ ଉପଚାରରେ ପୂଜାର୍ଚ୍ଚନା ସହ  ପାରଂପରିକ ପିଠାପଣା ପ୍ରସ୍ତୁତକରି ସମର୍ପଣ କରିବା ବିଧିହେତୁ କେବେ ଖିରୀପିଠା କେବେ ବିରିଚକୁଳି  ପ୍ରସାଦ ଲାଗି କରାଯାଏ ସେହିକ୍ରମରେ ଆଜି  ଯାତ୍ରାର ପଞ୍ଚମ ଦିନରେ ହରଗୌରୀଙ୍କ ଠାରେ ଏକ ସ୍ୱତନ୍ତ୍ର ଧରଣର କୁଡୁମୁଲ୍ଲୁ ପିଠା ସହ ଅନ୍ଡରାଲୁ ପାଏସମୁ ଲାଗିହୋଇଛି। ସଂଧ୍ୟାରେ ପ୍ରଥମେ ବୁଢିମା ମନ୍ଦିର ସମ୍ମୁଖରେ କାଠିପକା ଯିବାପରେ ହରଗୌରୀ ଙ୍କୁ ପୂଜାମଣ୍ଡପରୁ ବାହାରକୁ ଅଣାଯାଇ  ଦୁଇଜଣ ମହିଳା ଉଭୟଙ୍କୁ ମୁଣ୍ଡ ରେ ବୋହି ନଗର ପରିକ୍ରମା କରିଥାନ୍ତି ହେଲେ ଏଥର କୋଭିଡ଼ କଟକଣା ଯୋଗୁଁ କେବଳ କିଛି ନିର୍ଦ୍ଦିଷ୍ଟ ସ୍ଥାନରେ ହରଗୌରୀ ଙ୍କୁ ସାହିର ସମସ୍ତେ ପୂଜାର୍ଚ୍ଚନା କରିଛନ୍ତି। ପରେ ହରଗୌରୀ ଙ୍କୁ ସ୍ୱତନ୍ତ୍ର ଭାବେ ନିର୍ମାଣ ହୋଇଥିବା ମଂଚ ଉପରେ ଉପବିଷ୍ଟ କରାଇ  ସ୍ୱତନ୍ତ୍ର ଭାବେ ପଡାର ମହିଳା ମାନଙ୍କ ଦ୍ୱ।ରା ପ୍ରସ୍ତୁତ ହୋଇଥିବା କୁଡୁମୁଲ୍ଲୁ ଓ ଅନ୍ଡରାଲୁ ପାଏସମୁ ଲାଗିହୋଇଥିଲା । ଏହି ପ୍ରସାଦ ଟିକେପାଇବା ଦିନକୁ ବହୁ ଭକ୍ତ ଆଗ୍ରହ ର ସହ ଅପେକ୍ଷା କରିଥାନ୍ତି। ପରେ ହରଗୌରୀଙ୍କୁ ସ୍ୱସ୍ଥାନକୁ ବିଜେ କରାଯାଇଥିଲା।