23-Oct-2021

ବଲାଙ୍ଗିର(ସନ୍ତୋଷ କୁମାର ଠାକୁର)-ଅଲ ଇଣ୍ଡିଆ ମହିଳା ସାଂସ୍କୃତିକ ସଂଗଠନ (ଏଆଇଏମ୍‌ଏସ୍‌ଏସ୍‌)ର ସର୍ବ ଭାରତୀୟ ସାଧାରଣ ସଂପାଦିକା ଛବି ମହାନ୍ତି, ଅଲ ଇଣ୍ଡିଆ ଡେମୋକ୍ରାଟିକ ଷ୍ଟୁଡେଣ୍ଟସ୍ ଅରଗାନାଇଜେସନ (ଏଆଇଡିଏସ୍‌ଓ) ସର୍ବ ଭାରତୀୟ ଉପସଭାପତି ଅଶୋକ ମିଶ୍ର । ଅଲ ଇଣ୍ଡିଆ ଡେମୋକ୍ରାଟିକ୍ ୟୁଥ୍ ଅରଗାନାଇଜେସନ (ଏଆଇଡିୱାଇଓ) ବଲାଙ୍ଗିର ଜିଲ୍ଲା ଯୁଗ୍ମ ଆବାହକ ତାମସ ବେହେରାଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ମମିତା ମେହେରଙ୍କ ପରିବାର ବର୍ଗଙ୍କୁ ସାକ୍ଷାତ କରି ସମବେଦନା ଜଣାଇଥିଲେ ଓ ମମିତାଙ୍କ ଗ୍ରାମ ଝରଣୀରେ ମମିତାଙ୍କୁ ନ୍ୟାୟ ଦାବିରେ ସଭା ଓ ଶୋଭାଯାତ୍ରା କରିଥିଲେ । ପରିବାର ବର୍ଗଙ୍କ ଦୃଢ ମନୋବଳ ଓ ଗ୍ରାମବାସିଙ୍କ ଅଭୂତପୂର୍ବ ସହଯୋଗ ଏହି ଆନ୍ଦୋଳନକୁ

ଆହୁରି ଶକ୍ତିଶାଳି କରିବ ବୋଲି ବିଶିଷ୍ଟ ନାରୀନେତ୍ରୀ ଛବି ମହାନ୍ତି ମତ ପ୍ରକାଶ କରିବା ସହ ଅବିଳମ୍ବେ ବର୍ମା କମିଶନ ରିପୋର୍ଟ ଅନୁଯାୟୀ ଫାଷ୍ଟଟ୍ରାକ୍ କୋର୍ଟ ମମାଧ୍ୟମରେ ମୁଖ୍ୟ ଆସାମୀ ଗୋବିନ୍ଦ ସାହୁ, ରାଜ୍ୟ ଗୃହମନ୍ତ୍ରୀ ତଥା ସଂପୃକ୍ତ ସମସ୍ତ ଅପରାଧିମାନଙ୍କୁ କଠୋର ରୁ କଠୋର ତମ ଶାସ୍ତି ଦେବା ପାଇଁ ଦାବି କରିଥିଲେ । ଏହି ପ୍ରତିନିଧି ମଣ୍ଡଳିରେ ଏଆଇଏମ୍‌ଏସ୍ ର ରାଜ୍ୟ ସଂପାଦକ ମଣ୍ଡଳି ସଭ୍ୟା ମନ୍ଦୋଦରି ରାଉଳ, ଏଆଇଡିଏସ୍‌ଓ ର ରାଜ୍ୟ ସଂପାଦକ ମଣ୍ଡଳି ସଭ୍ୟ ସୁନିଲ ଭୋଇ, ଏଆଇଡିଏସ୍‌ଓ ଜିଲ୍ଲା ସଂପାଦକ ମଧୁସୁଦନ ବାଗ ସହ ସଂଗଠନର ବହୁ ସଦସ୍ୟ ସାମିଲ ଥିଲେ ।