21-Oct-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ କୁ ଦାଦନ ଗଡ କହିଲେ ଅତ୍ୟୁକ୍ତି ହେବ ନାହିଁ।କାରଣ ଏହି ସ୍ଥାନରୁ ପ୍ରତ୍ୟେକ ବର୍ଷ ହଜାର ହଜାର ଲୋକ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି। ସବୁବେଳେ ଦାଦନ ଶ୍ରମିକର ଚାଲାଣ ରେ ବଲାଙ୍ଗିର ଜିଲ୍ଲା ପରିଚିତ।ମୁଖ୍ୟତଃ ଖପ୍ରାଖୋଲ,ବେଲପଡା, ତୁରେକେଲା, ବଙ୍ଗୋମୁଣ୍ଡା,ମୁରିବାହାଲ ରୁ ଅଧିକ ମାତ୍ରାରେ ଯାଆନ୍ତି। ଚଳିତ ବର୍ଷ ପଞ୍ଚାୟତ ନିର୍ବାଚନ ଥିବାରୁ ସରକାର ଯେତିକି ରୋକିବା ପାଇଁ ଅଣ୍ଟା ଭିଡିଛନ୍ତି ତାକୁ ଖାତିର ନକରି ଦାଦନ ଚାଲାଣ ରେ ମାତିଛନ୍ତି ଦଲାଲ୍।   ସୂଚନାଯୋଗ୍ୟ ଯେ ଖପ୍ରାଖୋଲ ପୋଲିସ ଏ ଏସ ଆଇ ସାୱନ କେରକେଟା ପେଟ୍ରୋଲିଂ କରୁଥିବା ସମୟରେ ସାନଗୁର୍ଜିଭଟା ଠାରେ ଏକ ଅଟୋ ରେ କିଛି ଅଜଣା ଲୋକ ଥିବା ଦେଖି ପଚରାଉଚରା କରିଥିଲେ । ପଚାରି ବୁଝିବା ରୁ ଜାଣିବା ପାଇଁ ପାଇଲେ ଯେ ସେମାନେ ନୂଆପଡ଼ା ଜିଲ୍ଲା କୋମନା ଥାନା ର ଦାଦନ ଶ୍ରମିକ।ପରେ ଅଟୋ ଡ୍ରାଇଭରକୁ ପଚାରିବାରୁ ସେ କହିଲେ ମୋ ନାଁ ବରୁଣ ତାଣ୍ଡି ପିତା ଗୋଟି ତାଣ୍ଡି ଗାଁ କରୁଆଁଝର ଥାନା ଲାଠୋର ବୋଲି କହିଥିଲା ।ଏମାନେ ରତ୍ନାକର ଭୋଇ ପିତା ଗଣେଶ ରାମ ଭୋଇ ଙ୍କ ଜରିଆରେ ଦାଦନ ଖଟିବାକୁ ଯାଉଛନ୍ତି। ରତ୍ନାକର କୁ ଦାଦନ ଶ୍ରମିକ ମାନଙ୍କ ଯିବା ପାଇଁ କାଗଜପତ୍ର ମାଗିବା ରୁ ସେ ଦେଇ ପାରିନଥିଲେ। ତାପରେ  ଦାଦନ ଶ୍ରମିକ ସହିତ ଅଟୋ ନମ୍ବର OD 03 Q 8718 କୁ ଜବତ କରି ଖପ୍ରାଖୋଲ ଥାନା କୁ ଆଣି ଅଧିକ ତଦନ୍ତ କରିବା ପରେ ରତ୍ନାକର ବୟାନ ଦେଇଥିଲେ ଯେ ଏହା ବେଲପଡା ଥାନା ଖଲିପଥର ଗାଁ ର ଚୌଧୁରୀ କୁମ୍ଭାର ଙ୍କ ଦ୍ଵାରା ଚାଲାଣ ହେଉଛି । ଖପ୍ରାଖୋଲ ପୋଲିସ ଏକ ମାମଲା ରୁଜୁ କରି ରତ୍ନାକର କୁ କୋର୍ଟ ଚାଲାଣ କରିଥିବା ବେଳେ ମୁଖ୍ୟ ସର୍ଦ୍ଦାର ଫେରାର ଥିବା ଜଣାପଡିଛି।