21-Oct-2021

ବୀରମହାରାଜପୁର,ମୁର୍ଷୁଣ୍ଢି(ଆର୍ତ୍ତତ୍ରାଣ ଖୁର୍ଡିଆ) କୁମାରତ୍ସୋବ ପୂର୍ଣ୍ଣିମାଠାରୁ ଶ୍ରୀ ଶ୍ରୀ ଗଜଲକ୍ଷ୍ମୀ ପୂଜା ଆରମ୍ଭ ହୋଇଯାଇଛି।ମାଁ ଦୁର୍ଗାଙ୍କ ପ୍ରତ୍ଯାଗମନ ପରେ,ଗଜଲକ୍ଷ୍ମୀଙ୍କ ଆଗମନ ହୋଇଥିବାରୁ ପୁରପଲ୍ଲୀ ସବୁଠାରେ ଭାବ ଓ ଭକ୍ତି ମୟ ଭାବନା ଫୁଟି ଉଠୁଛି। ମାଁ ଧନଂ ଦାତ୍ରୀ ଲକ୍ଷ୍ମୀଙ୍କ ପୂଜା ପୀଠରେ

"ଲକ୍ଷ୍ମୀ ନମସ୍ତେସୁ ପରବ୍ରହ୍ମଂ ସ୍ୱରୂପିଣୀ,
ୟଶୋ ଦେହୀ ଧନଂ ଦେହୀ ସର୍ବ କାମାଂଶ୍ଚ ଦେହୀ ମୈ॥
ସନ୍ତାନ ଲକ୍ଷ୍ମୀ ନମସ୍ତେସୁ ପୁତ୍ର ପୌତ୍ର ପ୍ରଦାୟିନୀ,
ପୁତ୍ରାଂ ଦେହୀ ଧନଂ ଦେହୀ ସର୍ବ କାମାଂଶ୍ଚ ଦେହୀ ମୈ"

 ଆଦି ଶ୍ଳୋକରେ ସାରା ଅଞ୍ଚଳ ପ୍ରକମ୍ବିତ ହେଉଥିବା ବେଳେ ଭକ୍ତ ମହଲରେ ଏକ ପ୍ରକାର ଭକ୍ତିମୟ ବାତାବରଣ ସୃଷ୍ଟି କରୁଛି l ଏହି ପରିପ୍ରେକ୍ଷୀରେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅର୍ନ୍ତଗତ ମୁର୍ଷୁଣ୍ଢିଠାରେ ଚାଲିଥିବା ଗଜଲକ୍ଷ୍ମୀ ପୂଜାର ଆଜି ଦ୍ଵିତୀୟ ଦିବସରେ ମାଁଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା l କୋଭିଡ ନିୟମ ଅନୁସାରେ ଭକ୍ତମାନେ ପୂଜା ସାମଗ୍ରୀ ଧରି ମାଁ ଗଜଲକ୍ଷ୍ମୀଙ୍କ ଠାରେ ପୂଜାର୍ଚ୍ଚନା କରିଥିଲେ lଗଜଲକ୍ଷ୍ମୀ ମଣ୍ତପରେ ପୂଜା କର୍ତ୍ତା ଭାବେ ଚିତ୍ତରଞ୍ଜନ ସାହୁ ଓ ତାଙ୍କ ପତ୍ନି ରଶ୍ମିତା ସାହୁ,ପୂଜକ ପଣ୍ତିତ ସଚ୍ଚିଦାନନ୍ଦ ଓ ସଦାନନ୍ଦ ପଣ୍ତା ଦାୟିତ୍ଵ ତୁଲାଉଥିବାବେଳେ,ରାମାୟଣ ପାରାୟଣ ମଣ୍ତପରେ କର୍ତ୍ତା ସନ୍ତୋଷ ସମର୍ଥ ଓତାଙ୍କ ପତ୍ନି ବାସନ୍ତି ସମର୍ଥ,ପୂଜକ ପ୍ରଦୀପ କୁମାର ରଥ ଏବଂ ହନୁମାନ ମଣ୍ତପରେ କର୍ତ୍ତା ସତ୍ଯବନ୍ତ ସିଂ ଓ ତାଙ୍କ ପତ୍ନି ମହାଦେଇ ସିଂ,ପୂଜକ ବନମାଳି ଚାନ୍ଦ ପୂଜାର୍ଚ୍ଚନା କରୁଛନ୍ତି।ଅନ୍ୟ ପକ୍ଷରେ ପୂଜା କମିଟୀ ତରଫରୁ ମାଁଙ୍କ ଆଗମନେ ଉପଲକ୍ଷେ କୋଭିଡ ନିୟମକୁ ମାନି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଉଛି।ଅନୁଷ୍ଠିତ ଏହି ଗଜଲକ୍ଷ୍ମୀ ପୂଜା ପରିଚାଳନାରେ
କମିଟି ସଭାପତି ଲବ କୁମାର ସାହୁ,ଉପ ସଭାପତି ଧନଞ୍ଜୟ ସାହୁ,ସମ୍ପାଦକ ତ୍ରୟଞ୍ଜୀବ ମିଶ୍ର,ସହ ସମ୍ପାଦକ ବିଦ୍ଯାଧର ଖୁର୍ଡିଆ,ଉପଦେଷ୍ଟା ରାଜଗୋପାଳ ପାଣିଗ୍ରାହୀ,କୁଶ କୁମାର ସାହୁ,କୋଷାଧ୍ଯକ୍ଷ ସତ୍ଯମୋହନ ବେଦପାଣି ଏବଂ କମିଟୀ ସଦସ୍ୟ ଲୋକନାଥ ସାହୁ,ଉତ୍ତର ନାଏକ,ସତ୍ଯବ୍ରତ ଦ୍ୱାରି,ବଳରାମ ପଧାନ,ସୌମ୍ଯରଞ୍ଜନ ରଥ ପ୍ରମୁଖଙ୍କ ସମେତ କମିଟିର ସମସ୍ତ ସଦସ୍ୟ ସହଯୋଗ କରୁଛନ୍ତି l