19-Oct-2021

କଳାହାଣ୍ଡି, ନର୍ଲା( ସଞ୍ଜୀବ ଦାସ)
ମହାଲିଙ୍ଗ ସ୍ଥିତ ସନ୍ ସାଇନ୍ ପବ୍ଲିକ ସ୍କୁଲ  ଶିକ୍ଷୟିତ୍ରୀ ମମିତା ମେହେରଙ୍କୁ ପ୍ରଥମେ ଅପହରଣ, ପୁଣି ଜୀବନ୍ତ ପୋଡ଼ି ତାଙ୍କୁ ପୋତି ଦିଆଗଲା । ଏଥିରେ ସ୍କୁଲର ମାଲିକ ଗୋବିନ୍ଦ ସାହୁଙ୍କ ସମ୍ପୃକ୍ତି ଓ ଗୃହ ରାଷ୍ଟ୍ରମନ୍ତ୍ରୀଙ୍କ ସିଧାସଳଖ ସଂପୃକ୍ତିରେ ହିଁ ଏହି ଜଘନ୍ୟ କାଣ୍ଡ ଘଟିଥିବା କଳାହାଣ୍ଡି ବିଜେପି ଦାବୀ କରିଛି । ଧରା ପଡ଼ିବା ଭୟରେ ଗୋବିନ୍ଦ ସାହୁକୁ ପୋଲିସ ଆଖି ଆଗରେ  ନିଖୋଜ କରିଦିଆ ଗଲା। ପୋଲିସ ଏବେ ଗୋବିନ୍ଦ ସାହୁକୁ ଧରିବା ପାଇଁ ଏକଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଛି ଓ ଗୋବିନ୍ଦ ମଧ୍ୟ ଧରାପଡିଛି।

ମହାଲିଙ୍ଗ ସ୍ଥିତ ଉକ୍ତ ସ୍କୁଲ୍ ପରିସରରେ ନବ ନିର୍ମିତ ଷ୍ଡାଡିୟମ ତଳୁ ଜେସିବି ସାହାଯ଼୍ୟରେ ମାଟି ଖୋଳିବା ପରେ ଏକ ଅର୍ଦ୍ଧଦଗ୍ଧ ମହିଳାଙ୍କ ଶବ ଉଦ୍ଧାର ହେବାପରେ ପରିବାର ଲୋକେ ଘଟଣାସ୍ଥଳରୁ ଉଦ୍ଧାର ହୋଇଥିବା ପାଉଁଜି ଓ ସୂନାଚେନ ଚିହ୍ନଟ କରିଥିଲେ ।
ଏଥିପାଇଁ  ବାଲିପଡା ଠାରେ ମଙ୍ଗଳବାର ଅପରାହ୍ନରେ ବିଜେପି ଜିଲ୍ଲା ଉପସଭାପତି ଅନିରୁଦ୍ଧ ପଧାନଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଓ ଗିରଫ ଦାବୀ ଓ ପରିବାରକୁ ନ୍ୟାୟ ଦାବୀରେ ମନ୍ତ୍ରୀ ଦିବ୍ୟଶଙ୍କର ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କୁଶପୁତ୍ତଳିକା ଦାହ କରିଥିଲେ । ଏଥିରେ ନର୍ଲା ବିଧାନସଭା ମଣ୍ଡଳୀର କର୍ମୀ ଯୋଗଦାନ କରି ବିଭିନ୍ନ ନାରାବାଜୀ କରିଥିଲେ ।