03-Nov-2020

  ମଧ୍ୟପ୍ରଦେଶ ଉପନିର୍ବାଚନ ପୂର୍ବରୁ କଂଗ୍ରେସ ଓ ଦଳର ବରିଷ୍ଠ ନେତା କମଲନାଥଙ୍କୁ ବଡ଼ ଆଶ୍ୱସ୍ତି ମିଳିଛି। ବାରମ୍ବାର ଆଚରଣ ବିଧି ଉଲ୍ଲଙ୍ଘନ ଘଟଣାରେ ନିର୍ବାଚନ କମିଶନ କମଲନାଥଙ୍କ ବିରୋଧରେ ଦେଇଥିବା ନିର୍ଦ୍ଦେଶ ଉପରେ ଆଜି ସୁପ୍ରିମକୋର୍ଟ ରୋକ ଲଗାଇଛନ୍ତି। କମଲନାଥ ବାରମ୍ବାର ଆଚରଣ ବିଧି ଉଲ୍ଲଙ୍ଘନ କରୁଥିବାରୁ ତାଙ୍କୁ କଂଗ୍ରେସର ଷ୍ଟାର ତାଲିକାରୁ ନିର୍ବାଚନ କମିଶନ ବିଦା କରିଥିଲେ। ତେବେ ଏହାକୁ ସୁପ୍ରିମକୋର୍ଟରେ ସେ ଚ୍ୟାଲେଞ୍ଜ କରିଥିଲେ। ଆଜି ସୁପ୍ରିମକୋର୍ଟଙ୍କ ରାୟ କମଲନାଥଙ୍କ ସପକ୍ଷରେ ଯାଇଛି!!ଆବେଦନର ଶୁଣାଣି କରି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଏସଏ ବୋବଡେ କହିଛନ୍ତି, ରିପ୍ରେଜେନଟେସନ ଅଫ ଦି ପବ୍ଲିକ ଆକ୍ଟ ୧୯୫୧ର ଧାରା ୭୭ ଅଧୀନରେ କିଏ ରାଜନୀତିକ ଦଳର ନେତା ହେବେ, ତା’ର ନିଷ୍ପତ୍ତି ନେବାକୁ ନିର୍ବାଚନ କମିଶନ କେଉଁଠି କ୍ଷମତା ପାଇଲେ???? ଏ ପ୍ରସଙ୍ଗରେ ନିର୍ବାଚନ କମିଶନଙ୍କ କୌଣସି କ୍ଷମତା ନାହିଁ। ପ୍ରାଥମିକ ଆକଳନ ଅନୁଯାୟୀ, ଜଣେ ବ୍ୟକ୍ତିଙ୍କୁ ଷ୍ଟାର ପ୍ରଚାର ତାଲିକାରୁ ବାଦ ଦେବାର କ୍ଷମତା ଇସିଙ୍କର ନାହିଁ। ତେଣୁ କମଲନାଥଙ୍କ ବିରୋଧରେ ଇସି ଦେଇଥିବା ନିର୍ଦ୍ଦେଶ ଉପରେ ସୁପ୍ରିମକୋର୍ଟ ରୋକ ଲଗାଉଛନ୍ତି!! ତେବେ ଏହାକୁ ବିରୋଧ କରି ଇସିଙ୍କ ଓକିଲ କହିଥିଲେ ଯେ ନିର୍ବାଚନ ଆଚରଣ ବିଧି ଉଲ୍ଲଙ୍ଘନ ମାମଲାରେ କମଲନାଥଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି। ସେହିପରି ଆସନ୍ତାକାଲି ଉପ ନିର୍ବାଚନ ହେବ, ଏଭଳି ଆବେଦନର ଆଉ କୌଣସି ମୂଲ୍ୟ ନାହିଁ ବୋଲି ସେ ଯୁକ୍ତି କରିଥିଲେ। ଏହା ଶୁଣି ସୁପ୍ରିମକୋର୍ଟ କହିଥିଲେ ଯେ କମଲନାଥ ଯେଉଁ ଆବେଦନ କରିଛନ୍ତି, ତା’ ଉପରେ ଇସି ଜବାବ ଦାଖଲ କରିବେ!!*