22-Sep-2021

କଳାହାଣ୍ଡି,ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )                        କଳାହାଣ୍ଡି ଜିଲ୍ଲା ଧର୍ମଗଡ଼ ଥାନା ଅନ୍ତର୍ଗତ ବୋଡେ଼ନ ଗାଁରେ ଜୈନିକବ୍ୟକ୍ତି ଙ୍କ ମୃତ୍ୟୁ କୁ ନେଇ ସାଧାରଣରେ ଉତ୍ତେଜନା ଦେଖାଦେଇଛି।ମୃତକ ଙ୍କ ନା ନକୁଳ ବେମାଲ। ମୃତକ ଙ୍କ ପରିବାର ଏହାକୁ ସୁକଳ୍ପିତ ହତ୍ୟାକାଣ୍ଡ ବୋଲି ଥାନାରେ ଅଭିଯୋଗ କରିଛ ନ୍ତି। ମିଳିଥିବା ସୂଚନା ଅନୁଯାୟୀ ଗତ କାଲି ଦିନ ଗୋଟାଏ ସମୟରେ ନକୁଳ ବେମାଲ କେନାଲ ପଟକୁ ଯାଇଥିଲେ ,ଏହାର କିଛି ସମୟ ପରେ  ଗ୍ରାମର ଗିରିଧାରୀ ବାରିକ ମୃତ ନକୁଳ  ଘରକୁ ଆସି ଲକ୍ଷ୍ମୀ ସାଗରରେ ନକୁଳ ବୁଡି ଯାଇଥିବା କହିଥିଲେ। ସେଠାରେ ସମବାରୁ ଭଇଁସାଳ ଓ ଦଶରଥ ଶବର ଉପସ୍ଥିତ ପରିବାର କୁ ସୂଚନା ଦେଇଥିଲେ।

ପରେ ପରିବାର ଲୋକଘଟଣା ସ୍ଥଳ କୁ ଯାଇ ଖୋଜାଖୋଜି କରି ଥାନା କୁ ଜଣାଇଥିଲେ।ଖବର ପାଇ ଧର୍ମଗଡ଼ ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ଶବ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ , ଘଟଣା ପ୍ରଚାରିତ ହେବାପରେ ଗାଁରେ ଉତ୍ତେଜନା ଦେଖାଦେବାରୁ ଅଧିକ ପୋଲିସ  ମୁତୟନ କରିବାକୁ ପଡିଥିଲା।ରାତି ତମାମ ଗାଁ ରେ ଉତ୍ତେଜନା ଲାଗି ରହିଥିଲା। ଆଜି ସକାଲୁ ଅଗ୍ନିଶମ ବିଭାଗ   ଲକ୍ଷ୍ମୀ ସାଗର ରୁ ମୃତ ଦେହ ଉଦ୍ଧାର କରିବା ପରେ  ରାସ୍ତା ଉପରେ ଶବ ରଖି ଅଭିଯୁକ୍ତ ଙ୍କୁ ତୁରନ୍ତ ଗିରଫ ଦାବି କରିଥିଲେ। ଖବର ପାଇ ଉପଜିଲ୍ଲାପାଳ ପାୱାର ସଚିନ ପ୍ରକାଶ ଧର୍ମଗଡ଼ ତହସିଲଦାର ହରେକୃଷ୍ଣ ବାରିହା ଲୋକ ଙ୍କୁ ବୁଝାସୁଝା  କଲାପରେ ପୋଲିସ ଶବ ଜବତ କରି  ବ୍ୟବଚ୍ଛେଦ ପାଇଁ ପଠାଇ  ତଦନ୍ତ ଜାରି ରଖିଛି ।