22-Sep-2021

ଟିଟିଲାଗଡ଼ (ପ୍ରେରଣା ଖବର ): ଆଜି ମାନ୍ୟବର ମୁଖ୍ୟମନ୍ତ୍ରୀ ନଵୀନ ପଟନାୟକ ବଲାଙ୍ଗୀର ଜିଲାସ୍ତରୀୟ ବିଜୁ ସ୍ୱାସ୍ଥ୍ୟ ଯୋଜନା ସ୍ମାର୍ଟ କାର୍ଡ ବଣ୍ଟନ ତଥା ବିଭିନ୍ନ ପ୍ରକଳ୍ପର ଶିଳାନ୍ୟାସ, ଉଦଘାଟନ କରିବା କାର୍ଯ୍ୟକ୍ରମ ରହିଛି। ତେବେ ଟିଟିଲାଗଡ଼ ପୌରାଞ୍ଚଳରେ ପାନୀୟ ଜଳ ସମସ୍ୟା ଦିନକୁ ଦିନ ଉତ୍କଟ ହେଉଛି। ସାତ ଆଠ ଦିନରେ ଥରେ ମାସକୁ ମାତ୍ର ଦୁଇ,ତିନି ଥର ଜନ ସ୍ୱାସ୍ଥ୍ୟ ବିଭାଗ ଜଳ ଯୋଗାଣ କରୁଛି। ଏହାକୁ ନେଇ ଗତକାଲି ସ୍ଥାନୀୟ ଝଙ୍କରପଡା, 

ଦେବନ୍ଧ ପଡାବାସୀ ନବୀନଙ୍କ ଫଟୋ ସହ ଜଳ ଜୀବନ ମିଶନ ହୋର୍ଡିଙ୍ଗ ତଳେ ବିକ୍ଷୋଭ ପ୍ରଦର୍ଶନ କରିଥିଲେ। ନବୀନଙ୍କ ଫଟୋରେ କାଳି ବୋଳିଥିଲେ। ବିଜେପି ରାଜ୍ୟ ଯୁବ ମୋର୍ଚା ସଦସ୍ୟ ନରସିଂହ ସିଂ, ଜିଲା ଯୁବ ସମ୍ପାଦକ ପବିତ୍ର ସାହୁ ତଥା ବହୁ ସଂଖ୍ୟାରେ ମହିଳା ଉପସ୍ଥିତ ଥିଲେ । ଜିଲ୍ଲା ମାନ୍ୟତା ଦୂରର କଥା ସ୍ୱାସ୍ଥ୍ୟ ସେବା, ସ୍ଥାୟୀ ବସଷ୍ଟାଣ୍ଡ, ସ୍ଥାନୀୟ ହାଟପଦା ପଡ଼ା ରେଳ ଅଣ୍ଡରବ୍ରିଜ ନିର୍ମାଣ ପରି ଘୋଷଣା କେବଳ ଭାଷଣରେ ରଖି ରଜନୀତି କରି ମନ୍ତ୍ରୀ ଓ ସ୍ଥାନୀୟ ବିଧାୟିକା ଟିଟିଲାଗଡ଼କୁ ବିଶ୍ଵାସଘାତକତା କରିଛନ୍ତି l

ଏହାକୁ କଦାପି ବରଦାସ୍ତ ଜରାଯିବନି ଓ ହୋଡିଙ୍ଗରେ କଳା ବୋଳିବା କେବଳ ଟ୍ରେଲର ବୋଲି କହିଛନ୍ତି ଶ୍ରୀ ସିଂ । ମୁଖ୍ୟମନ୍ତ୍ରୀଙ୍କୁ ପୂର୍ବରୁ ହୋଇଥିବା ଚପଲମାଡ଼ ଘଟଣା ପରି  ପୁନରାବୃତ୍ତି କରାଯିବ ବୋଲି ଚେତାବନୀ ଦେଇଛନ୍ତି ନରସିଂହ ସିଂ । ଏ ସବୁ ନେଇ ସୁରକ୍ଷା ବ୍ୟବସ୍ଥା ଜୋରଦାର କରାଯାଇଥିବା ପ୍ରଶାସନ ତରଫରୁ ସୂଚନା ମିଳିଛି । ବିଜେପି ଦଳର କିଛି ସଦସ୍ୟ ତଥା ରାଜ୍ୟ ଯୁବ ମୋର୍ଚ୍ଚା ସଦସ୍ୟ ଶ୍ରୀ ସିଂହଙ୍କୁ ଟିଟିଲାଗଡ଼ ଥାନାରେ ଅଟକ ରଖାଯାଇଛି ।