18-Sep-2021

ବଲାଙ୍ଗିର ,(ପ୍ରେରଣା ଖବର)- ଓଡିଶା ସଙ୍ଗିତ ନାଟକ ଏକାଡେମୀ ଦ୍ୱାର ପୁରସ୍କୃତ କଣ୍ଟଶିଳ୍ପି ନବୀନ କୁଅଁର ଓ ବାଦ୍ୟ ଶିଳ୍ପି ଶଙ୍କର ପ୍ରଧାନଙ୍କୁ ବଲାଙ୍ଗିର ଗଣ୍ଡାବଜା ପତ୍ରିକା ରରଫରୁ ସମ୍ବର୍ଦ୍ଧୀତ କରାଯାଇଛି ।  ପୁର୍ବାଞଞ୍ଚଳ ସଦା ସର୍ବଦା ଆମ ଅଂଚଳର କଳା ସଂସ୍କୃତି ତଥା କଳାକାର ମାନଙ୍କ ଉପରେ କୁଠାରଘାତ କରିଆସୁଛି । ଅଂଚଳରେ ଅନେକ ସାରଶ୍ୱତ  ସଙ୍ଗିତ ସାଧକ ଥିବା ସତ୍ୱେ ସେମାନଙ୍କ କଳାର ପ୍ରକୃତ ସମ୍ମାନ କରାଯାଉ ନାହିଁ । ତଥାପି ସାଧକ ପାଖରେ ପ୍ରକୃତ ପ୍ରତିଭା ଥିଲେ ତାକୁ କେହି ରୋକି ପାରିବେ ନାହିଁଁ ବୋଲି ମୁଖ୍ୟ ଅତିଥି ଅମରେନ୍ଦ୍ର ମିଶ୍ର  ମତ ବ୍ୟକ୍ତ କରିଛନ୍ତି ।  ସ୍ଥାନୀୟ ଅମଲା ଭବନ ଠାରେ ଆୟୋଜିତ ଏହି କାର୍ଯ୍ୟକ୍ରମରେ ଗଣ୍ଡାବଜା ସଂପାଦକ ତରିଲୋଚନ ନନ୍ଦଙ୍କ ସଭାପତିତ୍ୱରେ  ବରିଷ୍ଠ ଆଇନଜିବୀ ଅମରେନ୍ଦ୍ର ମିଶ୍ର ମୁଖ୍ୟ ଅତିଥି, ଜିଲ୍ଲା କଂଗ୍ରେସ ସଭାପତି ଦିଲିପ ବେହେରା ସମ୍ମାନିତ ଅତିଥି ଓ ଗୁରୁ ଡା. ଘାସିରାମ ମିଶ୍ର, ନବୀନ କୁଅଁର ଓ ଶଙ୍କର ପ୍ରଧାନ ସମ୍ମାନିତ ଅତିଥି ରୂପେ ଯୋଗଦାନ କରିଥିଲେ । ପ୍ରଥମେ ଗୁରୁ ଶ୍ରୀ ମିଶ୍ର ଉଭୟ ଯଶସ୍ୱି କଳାକାରଙ୍କୁ ଅଭୀନନ୍ଦନ ଜଣାଇବା ପରେ  ଏକାଡେମୀ ର ଚୟନ ପ୍ରକ୍ରିୟା ଉପରେ ପ୍ରଶ୍ନ ବାଚୀ ଉଠାଇ ଥିଲେ । ଯଦ୍ୱାରା ଏହି ଅଂଚଳର  କଳା ତଥା କଳାକାର ଅଂଚଳବାଦର ଶିକାର ହୋଇ ମଉଳି ଯାଉଛନ୍ତି । ତେବେ ଏକାଡେମୀ ଓ ଚୟନ ବ୍ୟବସ୍ଥାରେ ସୁଧାର ନଆଣିଲେ ଏହା କଳା ଜଗତ ପାଇଁ ବିପଦ ସୃଷ୍ଟି କରିବ ବୋଲି ସେ କହିଥିଲେ । ଶ୍ରୀ ବେହେରା ଉଭୟ କଳାକାରଙ୍କୁ ସାଧୂବାଦ ଜଣାଇବା ସହ ତାଙ୍କର ସ୍ୱଣ୍ଣୀମ ଇତିହାସକୁ ମନେ ପକାଇଥିଲେ । ବାଦ୍ୟ ଶିଳ୍ପି ପ୍ରଧାନ ମଞ୍ଚକୁ ଆସି ବାଦ୍ୟ ଶିଳ୍ପି ଭାବେ ଏକାଡେମୀ ତାଙ୍କୁ ସମ୍ମାନୀତ କରିଥିଭାକୁ ନାପସନ୍ଦ କରିଥିଲେ । ସେ ଜଣେ ସଙ୍ଗିତ ସଂଯୌøଜକ ରୁପେ ବେଶ ଜଣା ଶୁଣା ଓ ବାଦ୍ୟ କ୍ଷେତ୍ରରେ ପ୍ରଦାନ କରାଯାଇଥିଭା ଏହି ପୁରସ୍କାର ଭିତରି କଥା କହୁଛି ବୋଲି ଶ୍ରୀ ପଧାନ ମତବ୍ୟକ୍ତ କରିଥିଲେ । ଶ୍ରୀ କୁଅଁର ତାଙ୍କୁ ଦିଆଯାଇ ଥିବା ପୁରସ୍କାର ଆହୁରି ତପସ୍ୟା କରିବାକୁ ପ୍ରେରଣା ଦେବା ସହ ଅଂଚଳରେ ନୁଆଁ ପ୍ରତିଭା ଗଢୀବ ବୋଲି କହିଥିଲେ । ତରଣୀ ସେନ ସୁନା ମଞ୍ଚ ପରିଚଳନା କରିଥିବା ବେଳେ ଶେଷରେ ଗଣାବଜା ସଂପାଦକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।