17-Sep-2021

ବିନିକା(ହିମାଂଶୁ ଶେଖର ପୁଟେଲ) ଗତ ୪ଦିନ ତଳେ ପ୍ରବଳ ବର୍ଷା ଓ ଆଜି ହୀରାକୁଦ ଜଳଭଣ୍ଡାରରୁ ୨୮ଟି ଗେଟ ଯୋଗେ ଜଳ ନିଷ୍କାସନ ହେବାପରେ ବିନିକା ଦେଇ ପ୍ରବାହିତ ମହାନଦୀରେ ଅଟାଳ ତାଳ ପାଣିରେ ଫୁଲିଉଠିଛି ମହାନଦୀ l ମହାନଦୀକୁ ସଂଯୋଗ କରୁଥିବା ନଦୀ,ନାଲ,ନାଲିଆ,ଜୋରରେ ଭରପୁର ପାଣି ପ୍ରବାହିତ ହୋଇ ମହାନଦୀରେ ମିଶୁଥିବାରୁ ମହାନଦୀର ପାଣି ଆହୁରି ମାତ୍ରାରେ ବଡ଼ିବାରେ ଲାଗିଛି l ପାଣି ବଡୁଥିବା ଯୋଗୁଁ ନଦୀ କୁଳିଆ ଲୋକେ ଏକ ପ୍ରକାର ଆତଙ୍କିତ ଅବସ୍ଥାରେ ଜୀବନ ବିତାଉଥିବା ଜଣାପଡିଛି l ସୂଚନା ଯୋଗ୍ୟଯେ ୧୯୮୨ମସିହା ଠାରୁ ଅଦ୍ୟାବଧି ପ୍ରାୟ ୭/୮ଥର ମହାନଦୀରେ ପ୍ରଳୟଙ୍କରୀ ବନ୍ୟା ଆସିଛି l ବନ୍ୟା ସମୟରେ ବର୍ଷାପାଣି ନିଷ୍କାସନ ହୋଇ ନ ପାରିବା ଓ ମହାନଦୀରେ ବନ୍ୟାପାଣି ବିନିକା ବିଜ୍ଞାପିତ ପରିଷଦ ଅଧିନସ୍ତ ଗାଁ ମାନଙ୍କରେ ଓ ସହରର ବିଭିନ୍ନ ତଳିଆ ସ୍ଥାନକୁ ମାଡି ଆସିବା ଯୋଗୁଁ ଅଭାବନୀୟ ପରିସ୍ଥିତି ସୃଷ୍ଟି ହୋଇଥାଏ l ବିନିକା ସହର ସମେତ ପର୍ଯ୍ୟଟନ ସ୍ଥଳୀ ପlପକ୍ଷୟ ଘାଟ,ରହିଲା,ଭମରପାଲି,ଗୋଲାପଡ଼ା ଓ ବ୍ଲକ ଅଞ୍ଚଳର ମନିଗାଁ,ଝରlପଡ଼ା,ଗନେଷପୂର୍,ସେଲେଡି,ତୁଲୁଣ୍ଡୁପାଲି ଝରlପଡ଼ା,ଗରିଆପାଲି,କରତଂଙ୍ଗ,ଘୋଡ଼ାଧର,ପଣ୍ଡକି ତାଳ ପ୍ରଭୃତି ଗାଁ ମାନଙ୍କରେ ବନ୍ୟା ଜକ ପଶି ବ୍ୟାପକ କ୍ଷୟକ୍ଷତି ଘଟାଇଥlଏ l ଏଥର ମହାନଦୀରେ ବନ୍ୟା ଆଶଙ୍କା ସେଭଳି ନ ଥିଲେବି ପୂର୍ବରୁ ଘଟିଯାଇଥିବା ବନ୍ୟାର ତାଣ୍ଡବ ଲୀଳା ଅଙ୍ଗେ ନିଭାଇି ଆସିଥିବା ନଦୀକୂଳିଆ ଗାଁ ଲୋକେ ଭୟଭୀତ ହୋଇ ପଡିଛନ୍ତି l ନଦୀ କୁଳିଆ ଗାଁ ମାନଙ୍କରେ  ପଥର ଆଡ଼ିବନ୍ଧ ନିର୍ମାଣ କରାଯିବାକୁ ଦୀର୍ଘବର୍ଷ ହେଲା ଦାବି ହୋଇ ଆସୁଛି l ହେଲେ ଏନେଇ କୌଣସି ପଦଷେପ l

ନିଆ ଯାଉ ନ ଥିବାରୁ ଗାଁ ଲୋକଙ୍କ ମଧ୍ୟରେ ଅସନ୍ତୋଷ ବଡ଼ିବlରେ ଲାଗିଛି l ବିଶେଷ କରି ଅଙ୍ଗନଦି ଓ ମହାନଦୀ ମୁହାଣରେ ଥିବା ଗ୍ରାମବାସୀଙ୍କ ଅବସ୍ଥା କହିଲେ ନସରେ l କାରଣ ଏମାନେ ବିପଦକୁ ବାଜି ଲଗାଇ ବନ୍ୟାର ସମ୍ଭୁଖିନ ହୋଇଥାନ୍ତି lଅନ୍ୟ ପକ୍ଷରେ ମହାନଦୀରେ ବନ୍ୟା ପାଣି ପ୍ରବାହିତ ହେବାରୁ ବିନିକା ରାମପୁର ରାସ୍ତାର ମଙ୍ଗର୍କୁଣ୍ଡା ବ୍ରିଜ ଉପରକୁ  ପାଣି ଝଲସୁଛି l  ସେହିପରି ଗୋଲାପଡl ଗ୍ରାମର ତଳିଅଞ୍ଚଳ ସାରା ପାଣି ମାଡି ଯାଇଥିବାରୁ ଶହଶହ ହେକ୍ଟର ଚାଷ ଜମି ପାଣିରେ ବୁଡି ରହିଛି l ଯଦି ବର୍ଷା ଲlଗିରୁହେ ଓ ହୀରାକୁଦ ଜଳଭଣ୍ଡାରରୁ ଅଧିକା ଗେଟ ଖୋଲାଯାଏ ତେବେ ବିନିକା ଅଞ୍ଚଳରେ ବନ୍ୟା ପରିସ୍ଥିତି ପୂର୍ବଭଳି ସୃଷ୍ଟି ହେବାର ଆଶଙ୍କା ରହିଛି ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି