14-Sep-2021

ନୂଆଦିଲ୍ଲୀ(ପ୍ରେରଣା ଖବର ବ୍ୟୁରୋ): ଦେଶର ଅନେକ ଅଞ୍ଚଳ ଉପରେ ଏବେ ମୌସୁମୀ ସକ୍ରିୟ। ଏଣୁ ବିଭିନ୍ନ ସ୍ଥାନରେ ବର୍ଷା ଲାଗି ରହିଥିବା ବେଳେ କେତେକ ସ୍ଥାନରେ ଅତିବୃଷ୍ଟି ଏବେ ସମସ୍ୟାର କାରଣ ପାଲଟିଛି। ଉତ୍ତର କେନ୍ଦ୍ରୀୟ ବଙ୍ଗୋପସାଗର ଓ ଗୁଜରାଟରେ ସୃଷ୍ଟି ହୋଇଥିବା ଲଘୁଚାପ ପାଣିପାଗରେ ପରିବର୍ତ୍ତନ ଆଣିଛି। ଫଳରେ ମୌସୁମୀ ପୁଣି ସକ୍ରିୟ ହୋଇଥିବା ଭାରତୀୟ ପାଣିପାଗ ବିଭାଗ (ଆଇଏମଡି) କହିଛନ୍ତି।*

*ଆଇଏମଡିଙ୍କ ସୂଚନା ଅନୁସାରେ ଉତ୍ତର କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ସୋମବାର ଅବପାତରେ ପରିଣତ ହୋଇ ଭୂ-ଭାଗକୁ ପ୍ରବେଶ କରିବା ସହ ଉତ୍ତର-ଉତ୍ତର-ପଶ୍ଚିମ ଦିଗକୁ ଗତି କରିଥିଲା। ତାହା ଏବେ ଉତ୍ତର ଛତିଶଗଡ଼ ଓ ସଲଗ୍ନ ଉତ୍ତର ଆଭ୍ୟନ୍ତରୀଣ ଓଡ଼ିଶାରେ ସକ୍ରିୟ ରହିଛି। ଏଣୁ ପ୍ରଭାବରେ ବର୍ଷା ଲାଗି ରହିଛି। ଏହା ଆଗାମୀ ୨୪ ଘଣ୍ଟାରେ କ୍ରମଶଃ ଦୁର୍ବଳ ହୋଇ ୱେଲମାର୍କଡ ଲୋପ୍ରେସର ( ଡବ୍ଲୁଏଲଏମପି)ରେ ପରିଣତ ହେବ ବୋଲି ପାଣିପାଗ ବିଭାଗ ଆକଳନ କରିଛନ୍ତି।

ଲଘୁଚାପ ପରବର୍ତ୍ତି ୪୮ ଘଣ୍ଟାରେ ଉତ୍ତର-ଉତ୍ତର-ପଶ୍ଚିମ ଦିଗରେ ଗତି କରି ମଧ୍ୟପ୍ରଦେଶକୁ ଅଗ୍ରସର ହେବ। ତେବେ ଅବପାତ ଏବେ ଛତିଶଗଡ ଅମ୍ବିକା ପୁରର ଦକ୍ଷିଣ-ଦକ୍ଷିଣ-ପଶ୍ଚିମ ଦିଗରେ ୮୦ କିଲୋମିଟର ଦୂରରେ ଥିବା ବେଳେ ରାୟପୁରରୁ ୧୯୦ କିଲୋମିଟର ଦୂର ପୂର୍ବ-ଉତ୍ତର-ପୂର୍ବ ଦିଗରେ ରହିଛି। ସେପଟେ ସୋମବାର ଗୁଜରାଟ ଓ ପଡୋଶୀ ଅଞ୍ଚଳ ଉପରେ କେନ୍ଦ୍ରିତ ଲଘୁଚାପ କ୍ରମଶଃ ଦୁର୍ବଳ ହୋଇଯାଇଛି। ତେବେ ଏହା ସହ ଥିବା ଘୂର୍ଣ୍ଣିବଳୟ ଏବେ ଦକ୍ଷିଣ ଗୁଜୁରାଟରେ ସକ୍ରିୟ ଅଛି।*l

ମୌସୁମୀ ତାର ନିୟମିତ ସ୍ଥାନ ଦକ୍ଷିଣରେ ସ୍ୱଭାବିକ ଥିବା ବେଳେ ଆଗାମୀ ୩-୪ଦିନରେ ପୁଣି ନିୟମିତ ସ୍ଥାନର ଦକ୍ଷିଣରେ ରହିବା ନେଇ ଆଇଏମଡି ଆକଳନ କରୁଛନ୍ତି। ଏଣୁ ଛତିଶଗଡ଼, ଗାଙ୍ଗେୟ ପଶ୍ଚିମବଙ୍ଗ ଓ ଆଭ୍ୟନ୍ତରୀଣ ଓଡିଶାର ବିଭିନ୍ନ ସ୍ଥାନରେ ବର୍ଷା ଆକଳନ କରାଯାଉଥିବା ବେଳେ କେତେକ ସ୍ଥାନରେ ଭୀଷଣରୁ ଭୀଷଣ ବର୍ଷା ନେଇ ସତର୍କ କରାଇଛନ୍ତି।

 ସେହିପରି ଉତ୍ତର କୋଙ୍କଣ, ଉତ୍ତର ମଧ୍ୟ ମହାରାଷ୍ଟ୍ର, ଗୁଜରାଟ, ପୂର୍ବ ରାଜସ୍ଥାନ ଓ ମଧ୍ୟପ୍ରଦେଶର ବିଭିନ୍ନ ସ୍ଥାନରେ ଆଗାମୀ ୩ରୁ ୪ ଦିନ ପର୍ଯ୍ୟନ୍ତ ବର୍ଷା ଓ କେତେକ ସ୍ଥାନରେ ଅତ୍ୟାଧିକ ବର୍ଷାର ଆକଳନ କରାଯାଉଛି। ଏହି ସମୟରେ ଉତ୍ତର-ପଶ୍ଚିମ ଭାରତ, ହରିୟାଣା, ରାଜସ୍ଥାନ, ପଶ୍ଚିମ ଉତ୍ତରପ୍ରଦେଶ ରେ ସେପ୍ଟେମ୍ବର ୧୬ ପରେ ବର୍ଷା ବୃଦ୍ଧି ନେଇ ମଧ୍ୟ ଆଇଏମଡି ଆକଳନ କରିଛନ୍