14-Sep-2021

କାମାକ୍ଷାନଗର, (ପ୍ରେରଣା ଖବର ): ଲଘୁଚାପ ଜନିତ ବର୍ଷା ଯୋଗୁଁ ସାରା ରାଜ୍ୟରେ ତୁହାକୁ ତୁହା ବର୍ଷା ଲାଗି ରହିଛି। ଢେଙ୍କାନାଳ ଜିଲ୍ଲାରେ ମଧ୍ୟ ଗତ ୨ ଦିନ ହେଲା ପ୍ରବଳ ବର୍ଷା ହୋଇଛି। ଫଳରେ ରାସ୍ତାଘାଟ ସବୁ ଜଳମଗ୍ନ ହୋଇଛି। ତେବେ ଲଗାଣ ବର୍ଷା ଯୋଗୁଁ ୫୩ ନଂ ଜାତୀୟ ରାଜପଥ ସିଆରିମାଳିଆ ଠାରେ ସଂପ୍ରସାରଣ କାମ ପାଇିଁ ତିଆରି ଆପ୍ରୋଚ ରୋଡରେ ୪୦ ଫୁଟର ଘାଇ ସୃଷ୍ଟି ହୋଇଛି। ସେପଟେ କେନାଲ ରାସ୍ତାରେ ୫୦ ଫୁଟର ଘାଇ ସୃଷ୍ଟି ହୋଇଛି। ଫଳରେ ଯାତାୟତ ସମ୍ପୂର୍ଣ୍ଣ ରୂପରେ ଠପ୍ ହୋଇଯାଇଛି।

ସୂଚନାନୁଯାୟୀ, ସୋମବାର ବିଳମ୍ବିତ ରାତିରେ କେନାଲ ରାସ୍ତା ଦେଇ ଏକ ଟ୍ରକ୍ ଯାଉଥିବା ବଳେ ରାସ୍ତା ଧୋଇଯିବାରୁ ଟ୍ରକଟି ମଧ୍ୟ ଫସି ରହିଥିବା ଦେଖିବାକୁ ମିଳିଥିଲା।୨ଟି ଯାକ ରାସ୍ତା ଧୋଇଯିବା କାରଣରୁ କାମାକ୍ଷାନଗର-ତାଳଚେର ମଧ୍ୟରେ ଗମନାଗମନ ସଂମ୍ପୁର୍ଣ ଭାବେ ବନ୍ଦ ହୋଇଯାଇଛି। ଉଭୟ ପାର୍ଶ୍ବରେ ଶହ ଶହ ସଂଖ୍ୟାରେ ଗାଡି ଅଟକି ରହିଛି।