05-Sep-2021

ପାଟଣାଗଡ(ପ୍ରେରଣା ଖବର)-ପାଟଣାଗଡରେ କାର୍ଯ୍ୟରତ ୩ ଜଣ ସମ୍ବାଦିକଙ୍କୁ ଗିରଫ ଦାବି ନେଇ ଲାଠୋରର ଉଦାରବାଦି ଗଣତାନ୍ତ୍ରିକ ସଂଘର ପ୍ରତିଷ୍ଠାତା ଲବ ସୁନାଙ୍କ ନେତୃତ୍ୱରେ ଏକ ୪୦ ଜଣଆ ପ୍ରତିନୀଧି ଦଳ ପାଟଣାଗଡ ଉପଖଣ୍ଡ ପୁଲିସ ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରିବାକୁ ଆଜି ସଂନ୍ଧ୍ୟା ସାଢେ ୬ଟାରେ ଆସିଥିଲେ । ସେ ଉପସ୍ଥିତ ନଥିବାରୁ ପାଟଣାଗଡ ଥାନା ଅଧିକାରୀ ଅନନ୍ତ ପଧାନଙ୍କ ଜରିଆରେ ଉକ୍ତ ଦାବିପତ୍ର ଦେଇଥିବା ଜଣାପଡିଛି । ଏହା ସହ ଆସନ୍ତା ୭୨ ଘଣ୍ଟା ଭିତରେ ଏମାନଙ୍କୁ ଗରିଫ ନକଲେ ଏସଡିପିଓ ଅଫିସ ଘେରାଓ କରାଯିବା ବୋଲି ଉକ୍ତ ସଂଘ ତରଫରୁ ଚତୋବନୀ ଦିଆଯାଇଛି । ଥାନା ଅଧିକାରୀ ଦାବିପତ୍ର ଗ୍ରହଣ କରିଥିବା ସହ ଉପଖଣ୍ଡ ପୁଲିସ ଅଧିକାରୀଙ୍କୁ ଏ ସମ୍ପର୍କରେ ଜଣାଇବି ବୋଲି କହିବା ସହ ଆଇନ୍ ଅନୁସାରେ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ସେ ପ୍ରକାଶ କରିଥିଲେ ।
ଅଭିଯୋଗ ମୁତାବାକ, ଗତ ଅଗଷ୍ଟ ୨ ତାରିଖ ଦିନ ପାଟଣାଗଡରେ କାର୍ଯ୍ୟରତ ସାମ୍ବାଦିକ ବିଜୟାନନ୍ଦ ଦାସ ଓରଫ ବିଜୁ, ଅଜିତ କୁମାର ପୁରୋହିତ ଓରଫ କୁନମୁନ ଓ ଦୀପକ ଖମାରୀ ଏହି ୩ ଜଣ ସାମ୍ବାଦିକ ମିଶି ମନରେଗା ଯୋଜନାରେ ହୋଇଥିବା ଏକ ରାସ୍ତା କାମର ୨ ଥର ପ୍ରତିକ୍ରିୟା ନେଇ ଖବର ପ୍ରସାରଣ କରି ସାରିବା ପରେ ପୁଣି ତୃତୀୟ ଥର ପ୍ରତିକ୍ରିୟା ନେବା ଆଲରେ ଖପ୍ରାଖୋଲ ବନ ବିଭାଗ ରେଞ୍ଜର ଶ୍ରୀବଚ୍ଛ କୁମୁରାଙ୍କ ବାସଭବନକୁ ଯାଇଥିଲେ । ସେହି ସମୟରେ ବନବିଭାଗର ରେଞ୍ଜର ଶ୍ରୀବଚ୍ଛ କୁମୁରାଙ୍କ ସହ କଥାକଟି ପରେ ବଚସା ହେଇଥିଲା । ଏହି ୩ ଜଣ ସାମ୍ବାଦିକ ରେଞ୍ଜରଙ୍କୁ ଗାଲି ଗୁଲଜ କରିବା ସହ ଜାତିଆଣ ଅକ୍ଷେପ କରିଥିବା ନେଇ ରେଞ୍ଜର ଖପ୍ରାଖୋଲ ଥାନାରେ ଏକ ଅଭିଯୋଗ କରିଥିଲେ । ଏହା ସହ ହରିଶଙ୍କର ଫରେଷ୍ଟର ପ୍ରିୟବତ ମହାକୁରଙ୍କୁ ଏହି ତିନ ଜଣ ସାମ୍ବାଦିକ ୧ ଲକ୍ଷ୍ୟ ଟଙ୍କା ଦାବି କରିଥିବା ନେଇ ଫରେଷ୍ଟର ମଧ୍ୟ ସେହି ଥାନାରେ ଏକ ଲିଖିତ ଅଭିଯୋଗ କରିଥିଲେ । ଏପରିକି ଏହି ୩ ଜଣ ସାମ୍ବାଦିକ ମଧ୍ୟ ସେହି ଥାନାରେ ରେଞ୍ଜର ତାଙ୍କୁ ହତ୍ୟା ଧମକ ଦେଇଥିବା ନେଇ ଥାନାରେ ଏକ ଅଭିଯୋଗ ଆଣିଥିଲେ । ଏମାନଙ୍କ ନାମରେ ପାଟଣାଗଡ ଉପଖଣ୍ଡର ବିଭିନ୍ନ ଥାନାରେ ଏସଟି ଓ ଏସି ମାମଲା ମାନ ରହିଥିଲେ ମଧ୍ୟ ପୁଲିସ କାହିଁକି ଗିରଫ କରୁ ନାହିଁ ବୋଲି ଅଭିଯୋଗ ସହ ଏହି ୩ ଜଣ ସାମ୍ବାଦିକ କାହା  ଛତ୍ର ଛାୟା ତଳେ ରହି ସୁରକ୍ଷା ପାଉଛନ୍ତି । ଏହା ସହ ଉପଖଣ୍ଡରେ ଏହି ୩ ଜଣ ସାମ୍ବାଦିକ (ସାମ୍ବାଦିକ) ନାମରେ ଆତଙ୍କ ରାଜ ଚଲାଇ ଥିବା ବେଳେ ଉକ୍ତ ନ୍ୟୁଜ୍ ସଂସ୍ଥା ମାନ କାହିଁକି ଏମାନଙ୍କୁ ପ୍ରତ୍ସାହନ ଦେଉଛି ବୋଲି ଅଭିଯୋଗ ଆଣିଛନ୍ତି । ଏପରିକି ଏମାନେ ଏକ ନିଦ୍ଧିଷ୍ଟ ସଂମ୍ପଦ୍ରାୟର ବ୍ୟକ୍ତି ବିଶେଷ ମାନଙ୍କୁ ଏକ ଉଦ୍ଦେଶ୍ୟ ମୂଳକ ଭାବରେ ହଇରାଣ ହରକତ କରୁଥିବା ନେଇ ଓକ୍ତ ସଂଘର ପ୍ରତିଷ୍ଠତା ଶ୍ରୀ ସୁନା ଅଭିଯୋଗ କରିଛନ୍ତି ।