03-Sep-2021

 ବିନିକା:(ହିମାଂଶୁ ଶେଖର ପୁଟେଲ) ଆଜି ସନ୍ଧ୍ୟାରେ ବିନିକା ସହର ଦେଇ ଅନ୍ୟ ଜିଲ୍ଲାକୁ ୩ଟ୍ରକ ଯୋଗେ ଚୋରାଚାଲାଣ ହେଉଥିବା ଏକ ହଜାର ପ୍ୟାକେଟ ୟୁରିଆ ସାରକୁ ବିନିକା କଂଗ୍ରେସ ଦଳର କର୍ମକର୍ତ୍ତା ମାନେ ଜବତ କରି ନିକଟସ୍ଥ ସାର ଡିଲର ଙ୍କ ପାଖରେ ଅନଲୋଡିଙ୍ଗ କରିଥିବା ଜଣାପଡିଛି l ଖବର ନେବାରୁ ଜଣାପଡିଛି ଯେ ଆଜି ସନ୍ଧ୍ୟାରେ ବିନିକା ରାସ୍ତା ଦେଇ ୩ ଗୋଟି ଟ୍ରକ ଦୃତଗତିରେ ଯାଉଥିବା ବେଳେ କଂଗ୍ରେସ କର୍ମୀଙ୍କ ଠାରେ ସନ୍ଦେହ ସୃଷ୍ଟି କରିଥିଲା l ଯାଉଥିବା ଟ୍ରକ କୁ ବିନିକା ସହର ନୁଆବଜାର ନିକଟରେ ଜବରଦସ୍ତ ଭାବେ ଅଟକାଇଥିଲେ ଏବଂ ଗାଡ଼ି ଚାଳକ ମାନଙ୍କୁ ପଚାରିବାରୁ  ସିମେଣ୍ଟ ଯାଉଛି ବୋଲି କହିଥିଲେ l ପରେ କଂଗ୍ରେସ ନେତା ପ୍ରଦୀପ ସେଠୀ,ନରେନ୍ଦ୍ର ସାହୁ,ନରେନ୍ଦ୍ର ପଣ୍ଡା, ସପନେଶ୍ୱର୍ ପୃଷ୍ଟି,ସୁମନ୍ତ ସାହୁ,ହଯାରୁ ସାହୁ ପ୍ରମୁଖ ଚାଳକଙ୍କ ଉତ୍ତରରେ ସନ୍ଦେହ କରି ତାର୍ପୋଲିନ କୁ ଖୋଲିବାରୁ ୟୁରିଆ ସାର ବାହାରିଥିଲା l ଉକ୍ତ ବିଷୟ ନେଇ ବିନିକା କୃଷି ବିଭାଗ ଅଧିକାରୀଙ୍କୁ ଫୋନ କରିବାରୁ ଘଟଣାସ୍ଥଳରେ ଗ୍ରାମ୍ୟ କୃଷି କର୍ମଚାରୀ ଆସି ତଦାରଖ କରିଥିଲେ l ପରେ କଂଗ୍ରେସ କର୍ମୀ

ମାନେ ଯେହେତୁ ବିନିକା ଅଞ୍ଚଳ ଚାଷୀଙ୍କ ପାଇଁ ୟୁରିଆ ସାର ଅଭାବ ରହିଛି l ତେଣୁ ଏହି ଅଞ୍ଚଳର ଚାଷୀଙ୍କ ବଣ୍ଟନ କରାଯାଉ ଦାବି କରିବାରୁ ସାର ଦିଲଲ ପ୍ରକାଶ ପଣ୍ଡାଙ୍କ ଗୋଦାମରେ ଜବତ ସମସ୍ତ ସାର(୧ହଜାର ପ୍ୟାକେଟ) ଗଚ୍ଛିତ ରଖାଯାଇଛି l ବିନିକା କୃଷି ଅଧିକାରୀ ତରୁଣ କୁମାର ବେହେରା ମଧ୍ୟ ଟ୍ରକରେ ଯାଉଥିବା ସାର ଚୋରାଚାଲାଣ ନୁହେଁ ଜଣେ ଡିଲଲଙ୍କ ପାଖକୁ ଯାଉଥିଲା ବୋଲି କହିବା ସହ ବିନିକା ଅଞ୍ଚଳରେ ସାରର ଅଭାବ ଦୃଷ୍ଟିରୁ ଚାଷୀଙ୍କ ବଣ୍ଟନ କରାଯିବ ବୋଲି କଂଗ୍ରେସ କର୍ମୀଙ୍କ ଦାବିକୁ ଗ୍ରହଣ କରିଥିଲେ l ତେବେ ଆସନ୍ତାକାଲି ଠାରୁ ସରକାରୀ ଦରରେ ଚାଷୀଙ୍କ ସାର ବିକ୍ରୟ କରାଯିବ ବୋଲି ଜଣାପଡିଛି l