31-Aug-2021

ନୟାଗଡ଼,(ପ୍ରଦୀପ କୁମାର ପଣ୍ଡା): ୧୯୫୩ ମସିହାରେ ଗଠିତ ହୋଇଥିବା ନୟାଗଡ଼ ବିଜ୍ଞାପିତ ଅଞ୍ଚଳ ପରିଷଦ ୨୦୧୯ ମସିହା ଫେବୃୟାରୀ ୧୧ ତାରିଖରେ ପୈାର ପରିଷଦର ମାନ୍ୟତା ପାଇଛି । ଦୁଇ ବର୍ଷ ମଧ୍ୟରେ ସହର ସ୍ୱତନ୍ତ୍ର ବିକାଶ ହୋଇଛି । ନୟାଗଡ଼ରେ ୨୫ କୋଟି ଟଙ୍କା ବ୍ୟୟରେ ୨୫ କିଲୋମିଟର ପୂର୍ତ୍ତ ରାସ୍ତା ନିର୍ମାଣ କରାଯାଇଛି । ପୈାରାଞ୍ଚଳରେ ୭୮୪ ଜଣ ଯୋଗ୍ୟ ହିତାଧିକାରୀଙ୍କ ମଧ୍ୟରୁ ମୋଟ ୪୯୯ ଜଣଙ୍କ ଭୂମୀ ଅଧିକାର ପ୍ରମାଣ, ୨୮୫ ଜଣଙ୍କୁ ଯୋଗ୍ୟତା ପ୍ରମାଣ ପତ୍ର ପ୍ରଦାନ କରାଯାଇଛି । ବିଭିନ୍ନ ସ୍ଥାନରେ କଚ୍ଚା ଘରେ ରହିଥିବା ୪୭୭ ପରିବାକୁ ଆବାସ ଯୋଜନାରେ ସାମିଲ କରାଯାଇଛି । ସେମାନଙ୍କ ମଧ୍ୟରୁ ୩୨୯ ଜଣଙ୍କ ଗୃହ ନିର୍ମାଣ କାମ ସମ୍ପୂର୍ଣ୍ଣ ହୋଇଛି । ୧୩ଟି ୱାର୍ଡ଼ରେ ୧୩ଟି ମିଶନ ଶକ୍ତି ଗୃହ ନିର୍ମାଣ ପାଇଁ ଅନୁମୋଦନ ମିଳିଛି । ଗୋଟିଏ ଗୃହ ନିର୍ମାଣ କାମ ଶେଷ ହୋଇଛି, ଅନ୍ୟ ୧୨ଟି ନିର୍ମାଣ ଚାଲିଛି । ରାଜ୍ୟ ସରକାରଙ୍କ ନିର୍ଦ୍ଦେଶରେ ୨ କୋଟି ୪୭ ଲକ୍ଷ ଟଙ୍କା ବ୍ୟୟରେ ମଳ ବିଶୋଧନ କେନ୍ଦ୍ର ନିର୍ମାଣ ହେଇ କାର୍ଯ୍ୟକ୍ଷମ ହେବାକୁ ରହିଛି । ୨ କୋଟି ୭୬ ଲକ୍ଷ ବ୍ୟୟରେ ନୂତନ ବସଷ୍ଟାଣ୍ଡ କରାଯାଉଛି । ସ୍ୱତନ୍ତ୍ର ଯାତ୍ରୀ ଅପେକ୍ଷା ସ୍ଥଳ ଏବଂ ଏକ ହୋଟେଲ ଗୃହ ପାଇଁ ପୈାର ପରିଷଦ ପକ୍ଷରୁ ୨୯ ଲକ୍ଷ ବ୍ୟୟ କରାଯାଉଛି । ୧୯ ଲକ୍ଷ ବ୍ୟୟରେ ଏକ ସୁଲଭ ଶୌଚାଳୟ , ଏକ କୋଟି ଟଙ୍କାରୁ ଉର୍ଦ୍ଧ ବ୍ୟୟରେ ୨ ଟି ମାର୍କେଟ କମ୍ପ୍ଲେକ୍ସ ରେ  ୯୦ ଟି ଦୋକାନଗୃହ  ନିର୍ମାଣ କରାଯାଇଛି । ବସଷ୍ଟାଣ୍ଡ ପରିସରରେ ପୁରୁଷ ଓ ମହିଳା ପରିଶ୍ରାଗାର, ପିଇବା ପାଣି ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇ ୯୦ ପ୍ରତିଶତ କାର୍ୟ୍ୟ ସରିଛି । ସହର ମଧ୍ୟରେ ୧୧ କିଲୋମିଟର ୫ ଶହ ମିଟର ରାସ୍ତାରେ ଗ୍ରୀନ୍ ଫିଲ୍ଡି ଆଲୋକିକରଣ ବ୍ୟବସ୍ଥା ହୋଇଛି । ୭ ଶହ ୫୦ ପୋଲ ଏବଂ ଏଲଇଡି ଲାଇଟ ଲଗାଯାଇଛି । ପୁରୁଣାସହର ମଣ୍ଡାବାଗନ ପଡ଼ିଆ ମିନି ଷ୍ଟାଡିୟମକୁ ସରସ ସୁନ୍ଦର କରିବା ପାଇଁ ୨୧ ଲକ୍ଷ ବ୍ୟୟରେ ଉନ୍ନତୀ କରଣ କାର୍ୟ୍ୟ କରାଯାଇଛି । ୧୦ ଲକ୍ଷ ଟଙ୍କା ବ୍ୟୟରେ ଘାସ ଲଗାଇବା କାର୍ୟ୍ୟ କରାଯାଇଛି । ପଡ଼ିଆ ଚର୍ତ୍ତୁପାଶ୍ୱର୍ରେ ଆଲୋକୀକରଣ, ଜିମ୍ ସେଣ୍ଟର ଏବଂ ପେଣ୍ଡାଲ ନିର୍ମାଣ କରାଯାଇଛି । ୧୪ ଲକ୍ଷ ଟଙ୍କା ବ୍ୟୟରେ ବଲାଙ୍ଗୀ ପାର୍କରେ, ୫ ଲକ୍ଷ ଟଙ୍କା ବ୍ୟୟରେ ସହରର ବିଭିନ୍ନ ସ୍ଥାନରେ ବୃକ୍ଷରୋପଣ କରାଯାଉଛି । ଏହାବାଦ ପୈାର ପରିଷଦ ସହଭାଗିତାରେ ବିଶ୍ୱ ସ୍ତରୀୟ ବଲାଙ୍ଗୀ ପାର୍କ ନିର୍ମାଣ କରାଯାଉଛି । ଦକ୍ଷିଣକାଳୀ, ଜଗନ୍ନାଥମନ୍ଦିର ଏବଂ ଗୋପୀନାଥ ମନ୍ଦିର ଉନ୍ନତୀକରଣ କରାଯାଇଛି । ସାଗରପୋଖରୀ, ରାମେଶ୍ୱର ପୋଖରୀର ମଧ୍ୟ ଉନ୍ନତୀକରଣ କାର୍ଯ୍ୟ କରାଯାଇଛି । ଦେବତ୍ତୋର କଲୋନୀରେ ୧ ହଜାର ୩୮ ମିଟର ଡ୍ରେନ୍ ନିର୍ମାଣ କରାଯାଇଛି । ରାଜ୍ୟ ସରକାରଙ୍କ ଡ୍ରେନଜ୍ ବିଭାଗ ସହଯୋଗରେ ୪ କୋଟି ୩୨ ଲକ୍ଷ ଟଙ୍କା ବ୍ୟୟ କରାଯାଇଛି । ଆଗାମୀ ଦିନରେ ପୈାର ପରିଷଦ ୧୦ ନଂ ୱାର୍ଡ଼ ଏବଂ ବଲାଙ୍ଗୀ ପାର୍କ ଡ୍ରେନ ନିର୍ମାଣ କରିବା ପାଇଁ ପ୍ରସ୍ତୁତି ଶେଷ କରିଛି । ଏଥିପାଇଁ ୫ କୋଟି ୬ ଲକ୍ଷ ଟଙ୍କା ବ୍ୟୟ ବରାଦ କରାଯାଇଛି ।